1 Timote 4:7 - Yaouré

⁷ 'Pian 'wɩnun nɛn e 'ka Bali -le 'wɩ 'a dɩ ɛn e ya "le lɩblanun -le polu "tun 'zʋ bɛ, te 'yiɛ 'si -nɔn min lɛ "fo "dɩ! 'I man -wɛɛ 'nan 'i drɛ wɩ 'e 'sɔ Bali lɛ.

1 Timote 4:7 ပူးပေါင်းရင်းမြစ်များ

Drɛwɩ (Actes) 24:16

-Yee "wɛan, maan -wɛɛman tʋ pɛɛnɔn man 'nan, 'mɛn 'wɩ pɛɛnɔn 'e 'kɔn 'e 'sʋdɩ "ji Bali 'lɛ 'lee minnun 'lɛ.

1 Timote 1:4

'Wɩnun zɩɛ, polunun nɛn Zuif 'nɔn -a bo bɛ 'lee o tranun kludanɔn "nrɔndɩ nɛn o -ko -a 'padɩ -a "da "bɛ, -a 'bɔ nɛn. 'I vɩ -wlɛ 'nan 'o 'le 'tɔ! Kɔɔ 'wɩnun zɩɛ o -taala -sa -fɔdɩnun -a. 'Nyranman nɛn Bali -a "paa min man 'lɔɔ -e 'e min 'si 'wɩ 'ji bɛ, ya'a 'sia 'wɩnun zɩɛ -a va "fo "dɩ, 'pian e "sia yi -tɛradɩ Zozi da va.

1 Timote 1:9

Ɛn -a -cin 'e 'kɔn -kaa 'ji 'nan, minnun nɛn o cɩ tɩglɩ bɛ -wee "wɛan "cɛɛ -pei -tɔ wɩnun a dɩ, 'pian minnun nɛn o 'ka 'kpa dɩɛ, -wee "wɛan nɛn. 'Wɩnun nɛn waa dra bɛ -nyrɛn: O yiɛ 'ka 'naan Bali man dɩ, ɛn o 'wɩ 'wlidɩ 'tɔ 'tʋdʋ pɛɛnɔn dra. O 'tɔ srɔman Bali man, ɛn fɛnun nɛn Bali -le vɛ -a bɛ, o "we "man -wlidɩ. Min -tɛnɔn nɛn waa, 'o "tɩ 'lee 'o "bʋ -tɛa.

1 Timote 2:10

'Pian -wee fɛnyian 'e 'si o drɛ wɩnun "yi 'va. 'Wɩ zɩɛ -a drɛdɩ 'bɛ -kɔɔnman 'nan o "klanman Bali lɔ.

1 Timote 3:16

'Wɩ 'kpa nɛn, -kaa pɛɛnɔn pei a -tʋwli 'nan, 'wɩ yɔɔdɩ nɛn -cee yi -tɛradɩ Zozi da -a bɛ e ya -dan. -Nyrɛn 'nan Zozi drɛ blamin -a, ɛn Bali lei 'saun -a -ci kɔɔn 'nan ya'a 'wɩ 'wlidɩ -tʋwli "drɛlɛ dɩ. Bali -le 'pasianɔn -a 'yɩ. 'Wɩ nɛn Zozi -a drɛ bɛ, waa -nan 'sinan 'pa 'lɛglɔn pɛɛnɔn 'ji 'nɔn lɛ, ɛn minnun yi -tɛra "da. Bali 'tɔ -dan -nɔn -yrɛ laji lou.

1 Timote 4:8

-A man -wɛɛdɩ 'nan -e fɛ -tʋ 'e -trɔa min 'kɔlɛ 'a bɛ, e ya 'kpa, 'pian e "paa min va "wɛnnɔn 'e "tun. 'Bɛ nɛn 'bɛ cɩ 'wɩ "yi "a "fo "bɛ, -nyrɛn 'nan min 'e 'ta wʋla Bali wei da. -Te -kaa ya 'wɩ zɩɛ -a drɛnan bɛ, Bali -le -fɛa a -kaa man tʋ 'gʋɛ -a -ji, ɛn e ya -kaa man tʋ -fɔla "da "ji.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

1 Timote 6:20

Timote, 'wɩ pɛɛnɔn nɛn waa paa 'i 'ji bɛ, 'i yiɛ 'trɔa "da. Minnun nɛn waa ve 'o 'fli man 'nan, 'o 'wɩnun -tɔa te 'bɛ a 'e -trɛ bɛ, te 'ka -kɔn waa -tʋwli "dɩ! Ɛn te 'i 'fli wʋ -wee -sa -fɔdɩnun va dɩ!

1 Timote 6:3

'Pian min -mienun a bɛ, o 'ka 'wɩ zɩɛ 'bɛ -sru "dɩ. 'Wɩ 'pee nɛn "o "paaman Zozinɔn 'ji. Wei nɛn e ya tɩglɩ ɛn e "sia -kaa san Zozi Crizi 'le bɛ, o 'ka 'bɛ 'va dɩ. Ɛn 'wɩ "paadɩ nɛn e yi -tɛradɩ Bali da -ci "sia min lɛ bɛ, wa'a 'ta 'wʋla "da "dɩ.

1 Timote 6:5

Ɛn "nyian -yɛɛ -maan min yei 'ka -a ble dɩ. O 'wɩ dra "le minnun nɛn 'o 'wulo 'ka o da dɩɛ, -wee 'wɩ 'zʋ, ɛn wa'a 'wɩ tɩglɩ 'tɔa "fo "dɩ. -A -cin a o ji 'nan Bali -sru 'ta wʋdɩ bɛ "lala yɩnan nɛn.

2 Timote 2:16

'Pian -sanun -fɔdɩ nɛn ya'a 'wɩ 'paa "va "min lɛ dɩɛ, ɛn e 'tɔ "paa Bali -le 'wɩ man bɛ, te 'i 'fli wʋ "va "dɩ! Kɔɔ minnun nɛn o -sanun zɩɛ -a -fɔa "bɛ, o -ko 'o 'fli 'sidɩ -a Bali man -kɔɔbli.

2 Timote 2:23

'Wɩnun nɛn e -taala -sanun -fɔdɩ -a, te ya'a 'wɩ 'paa "va "min lɛ dɩɛ, te 'yiɛ -si -nɔn min lɛ "fo "dɩ. Kɔɔ yia -tɔa 'nan 'wɩnun zɩɛ -a 'le 'srannan "bɛ, 'wɩ 'blɩdɩ nɛn -nan.

2 Timote 3:12

-A -cin 'e 'kɔn 'i 'ji 'nan min nɛn 'o 'vale Zozi Crizi -a o drɛ min -tʋwli "a ɛn e ya "vale 'e 'ta wʋla Bali wei da bɛ, minnun 'tɛ "paa "da.

2 Timote 3:5

'O 'fli dra "le 'o 'ta wʋla Bali wei da, 'pian -a tɩglɩ da bɛ, o 'ka "va 'nan Bali -le 'plɛblɛ 'e 'nyranman 'pa 'o man dɩ. Minnun zɩɛ te 'i -pli "o man "fo "dɩ.

2 Timote 4:4

'O "trɔɛn "sia 'wɩ tɩglɩ 'va, -e 'o -sɔɔnla polunun nɛn min -a "sia 'e 'wulo -ji bɛ -a -sru.

'Fluba nɛn Pɔl -a crɛn -tɛ Tit lɛ 1:14

'I drɛ zɩ -e 'o "trɔɛn 'si Zuif 'nɔn 'le polunun lɛ. Ɛn -e 'o vɩlɛ 'o 'ta wʋla minnun nɛn o 'ka "nyian Bali -le -si tɩglɩ da dɩɛ -wee 'srɔɛn wɩnun da dɩ.

'Fluba nɛn Pɔl -a crɛn -tɛ Tit lɛ 2:12

Ɛn -yee "yi zɩɛ -yɛɛ "paaman -kaa 'ji 'nan, -kaa 'si 'wɩ pɛɛnɔn nɛn e 'ka Bali ci 'sɔ wɩ -a dɩɛ -a -sru! Ɛn 'nan -kaa 'si blamin ci 'sɔ wɩnun -sru! Yaa "paaman "nyian 'nan, tʋ nɛn -kaa cɩ -ji 'gʋɛ -kaa 'ta wʋ -kaa 'fli 'kundɩ -a 'wɩ pɛɛnɔn 'ji, ɛn -kaa 'wɩ nɛn e cɩ 'kpa bɛ -a drɛ, ɛn -kaa 'yra -tɛ Bali man!

'Fluba nɛn Pɔl -a crɛn -tɛ Tit lɛ 3:9

'Pian -sa -fɔdɩ nɛn ya'a 'wɩ 'paa "va "min lɛ dɩɛ 'i "paala "man! Ɛn Zuif 'nɔn tranun kluda wɩ 'lee Moizi -le -pei -tɔ wɩnun bɛ, te 'i 'wɩ 'blɩ "da "dɩ, ɛn te 'i -sa -fɔ "da "dɩ! 'I "paala "man, kɔɔ e ya 'wɩ "tun "a.

Ebre 5:14

'Pian min cejenun 'bɛ, fɛ 'plɛblɛ 'va nɛn o cɩ. -Wee 'ta wʋdɩ Bali -sru "bɛ, o 'wɩ "kaga tranla, ɛn o 'wɩ "yi 'lee 'wɩ 'wlidɩ 'cɛnnan 'e cin man -tɔa.