1 Timote 4:4 - Yaouré

⁴ Kɔɔ fɛ pɛɛnɔn nɛn Bali -a drɛ -blɩfɛ -a bɛ e ya 'kpa, ɛn -a -tʋ 'ka "va -wlidɩ "fo "dɩ. 'Pian e ya 'nan min 'e Bali muo "fɔ -e 'e -blɩ.

1 Timote 4:4 ပူးပေါင်းရင်းမြစ်များ

Drɛwɩ (Actes) 10:15

Ɛn wei zɩɛ e 'nan -yrɛ -a "flizan da 'nan: «Fɛnun nɛn Bali -a vɩ 'nan e ya -blɩvɛ -a bɛ, te 'i drɛ 'i 'srɔɛn 'a dɩ.»

Drɛwɩ (Actes) 15:29

'Bɛ 'wɩ zɩɛ, 'bɛ cɩ 'nan: Te 'ka 'wi nɛn waa -tɛ -yʋ lɛ bɛ -a -blɩ dɩ, ɛn te 'ka 'wi nyɛn -blɩ dɩ, ɛn te 'ka 'wi nɛn min 'ka -a -blɔ 'cɛnlɛ -e -a nyɛn 'e -sran dɩɛ -a -blɩ dɩ, ɛn te 'ka cin nan 'lee 'ka cin -sran -wɛɛ "dɩ, ɛn te min 'e "blu -wɛɛ "dɩ. 'Wɩnun zɩɛ, 'ka 'ta wʋla "da. Kʋ 'ka 'tɔ bo.»

Drɛwɩ (Actes) 21:25

Minnun nɛn o 'ka Zuif 'nɔn 'a dɩɛ, ɛn o yi -tɛra Zozi da bɛ, 'wɩ nɛn kʋa 'pla "da 'e 'cɛn bɛ, -nyrɛn kʋa 'vɩ -wlɛ. Kʋa 'vɩ 'nan: Te 'o 'wi nɛn waa -tɛ -yʋ lɛ bɛ -a -blɩ dɩ, ɛn te 'o 'wi nyɛn -blɩ dɩ, ɛn te 'o 'wi nɛn min 'ka -a -blɔ 'cɛnlɛ -e -a nyɛn 'e -sran dɩɛ -a -blɩ dɩ, ɛn te 'o cin nan 'lee 'o cin -sran -wɛɛ "dɩ, ɛn te min 'e "blu -wɛɛ "dɩ.»

Rɔmɛn 14:14

An yi -tɛala "da 'kpa tɩglɩ 'nan, fɛ -tʋ 'ka min "tri 'tɔa Bali 'lɛ dɩ. Minsan Zozi -a 'si -nɔn 'mɛn -e 'an 'wɩ zɩɛ -a vɩ. 'Pian -te -a -cin a min -tʋ ji 'nan, fɛ -tʋ 'e "tri -tɔa Bali 'lɛ bɛ, 'wɩ 'kpa fɛ zɩɛ yaa "tri -tɔa Bali 'lɛ.

Rɔmɛn 14:20

-Blɩfɛ -le "wɛan bɛ, 'nyranman nɛn Bali -a 'pa bɛ, te 'ka srɛ dɩ! Maan ve 'cɛɛ 'nan, -a tɩglɩ da bɛ, fɛ -tʋ 'ka min "tri 'tɔa Bali 'lɛ "fo "dɩ. 'Pian -blɩfɛ nɛn min -a -ble -e -yee "wɛan -a "bʋɩ Zozizan 'tʋ 'e 'si Zozi -sru "bɛ e 'ka 'wɩ "yi "a dɩ.

Rɔmɛn 14:6

-Te min a yi -mie 'sinan "va "bɛ, Minsan 'tɔ drɛdɩ -dan -le "wɛan nɛn yaa dra. Ɛn -te min -mie fɛ pɛɛnɔn 'ble bɛ, Minsan 'tɔ drɛdɩ -dan -le "wɛan nɛn yaa dra. Kɔɔ e Bali muo -fɔa fɛ pɛɛnɔn nɛn yaa -ble bɛ -a da. Ɛn "nyian bɛ, min nɛn e fɛ -mie -blɩdɩ ye 'wɩ 'wlidɩ "drɛdɩ -a bɛ, Minsan 'tɔ drɛdɩ -dan -le "wɛan nɛn yaa dra. Ɛn -a 'bɔ "nyian "e Bali muo -fɔa fɛ nɛn yaa -ble bɛ -a da.

1 Korɛnti 10:23

Min -mienun a 'ka yei, waa ve 'nan: «Fɛ pɛɛnɔn drɛdɩ -si a 'e 'lɛ 'sʋdɩ min lɛ.» 'Pian maan ve 'cɛɛ 'nan, fɛ pɛɛnɔn 'ka 'wɩ "yi 'dra min lɛ dɩ. Fɛ pɛɛnɔn drɛdɩ -si a 'e 'lɛ 'sʋdɩ min lɛ, 'pian fɛ pɛɛnɔn 'ka 'paa 'i bɔɛzan -tʋ -va -e -yee yi -tɛradɩ Bali da 'e 'pa "da "dɩ.

1 Korɛnti 10:25

-Wi pɛɛnɔn nɛn waa -taan 'flɛji bɛ, 'ka 'lɔ -e 'ka -blɩ 'e "tun. Te 'cee 'ci "nrɔndɩ 'e 'wɩ 'tɔ 'ka man -e 'ka laabʋ 'nan waa -tɛ -yʋ lɛ dɩ!

1 Korɛnti 10:26

Kɔɔ e ya 'e 'crɛn -tɛdɩ Bali -le 'fluba 'ji 'nan: «'Trɛ 'lee 'e 'ta fɛnun pɛɛnɔn a Minsan -le vɛ -a.»

1 Korɛnti 10:30

Fɛ nɛn an "ta -a -ble bɛ, an Bali muo -fɔa ɛn maan -ble. Min -tʋ 'ka 'kɔlaman -e 'yaan 'tɔ 'wlidɩ "vɩ fɛ nɛn an Bali muo "fɔ 'vaa ɛn maan blɩ bɛ -a man dɩ.

1 Timote 4:3

Waa "paaman minnun ji 'nan, te lɩmɔn 'e -kɔnnɛn 'pa dɩ, ɛn te -klɔnmɔn 'e lɩ 'pa dɩ! Ɛn "nyian 'nan -blɩfɛ -mie a bɛ, te min 'e 'bɛ 'blɩ dɩ! 'Pian Bali -blɩfɛ pɛɛnɔn drɛ 'nan -e minnun nɛn o yi -tɛra Zozi da ɛn o 'wɩ tɩglɩ -tɔa "bɛ, 'o Bali muo "fɔ -e 'o -blɩ.