1 Timote 1:14 - Yaouré

¹⁴ 'Wɩ 'kpa, Zozi nɛn -kaa san -a bɛ, e "yi drɛ 'mɛn, ɛn yaa drɛ e "mlianla "da. Yɩdɩ "yi "nɛn e "sia -a 'bɔ 'va bɛ, 'lee yi -tɛradɩ Zozi da bɛ -yɛɛ paa 'an 'ji.

1 Timote 1:14 ပူးပေါင်းရင်းမြစ်များ

Matie 20:9

-A -nan nɛn minnun nɛn o -kʋ 'nyranman 'palɛ te yidɛ 'pla plɔ da bɛ o -ta, ɛn e yi -tʋ nyranman man "lala -nɔn o pɛɛnɔn lɛ.

Drɛwɩ (Actes) 15:11

'Pian -kaa yi -tɛala "da 'nan, Minsan Zozi 'bɔ 'le "yi "le "wɛan nɛn -kaa 'si 'wɩ 'ji "le -wee 'wɩ 'zʋ.»

Rɔmɛn 16:20

Maan ve 'cɛɛ 'nan, -a -nan 'ka "nyian mɔan dɩ, -e Bali nɛn e -fʋdɩ -trɔɔ -nɔan "min lɛ bɛ, 'e drɛ -e 'ka Satan 'klɩ 'li "fo "le vɛ -a. -Kaa san Zozi Crizi -le "yi 'e 'kɔn 'ka pɛɛnɔn 'va!

1 Korɛnti 15:10

'Pian Bali "yi drɛ 'mɛn, ɛn yaan drɛ Zozi 'le 'pasiazan 'a. "Yi "nɛn Bali -a drɛ 'mɛn zɩɛ, -a "nɛn 'bɔla -dan. Kɔɔ an 'nyranman 'pa an ciɩ Zozi 'le 'pasianɔn pɛɛnɔn da. 'Wɩ tɩglɩ 'ji bɛ, mɛɛn "cɛɛ 'nyranman 'pa 'an 'bɔ 'a dɩ, 'pian Bali 'bɔ 'bɛ 'wɩ zɩɛ -a drɛ 'yee "yi "a.

1 Korɛnti 3:10

Bali -le "yi "nɛn yaa drɛ 'mɛn 'an drɛdɩ -a Zozi 'le 'pasiazan -a bɛ, -yɛɛ -maan an drɛ "le 'kɔn 'tɔzan -dan -le 'wɩ 'zʋ. An 'kɔn 'pʋ -fɔ 'trɛ 'ji, ɛn min peenun a -a -tɔnan "da. 'Pian 'ka 'tʋdʋ pɛɛnɔn nɛn ka cɩ -a -tɔnan "da "bɛ, 'ka yiɛ 'tɔ 'ka 'fli -va.

2 Korɛnti 4:15

'Wɩ pɛɛnɔn zɩɛ 'cee "wɛan nɛn kʋa dra. Kʋa dra zɩɛ 'nan -e Bali -le "yi 'e fuila "man min "kaga 'va, -e 'o 'tɔ -dan nɔn Bali lɛ te waa muo -fɔa.

2 Korɛnti 8:9

"Yi "nɛn -kaa san Zozi Crizi -a drɛ bɛ kaa -tɔa. Kaa -tɔa 'nan e ya fɛzan -a Bali 'lɛ, ɛn 'e 'fli drɛ 'yalɛ -tɛzan 'cee "wɛan. Yaa drɛ zɩɛ 'nan -e -yee 'yalɛ -tɛdɩ 'e 'ka drɛ fɛnɔn 'a Bali 'lɛ.

Galatɩ 1:13

'Li 'e tɛdɛ bɛ, tʋ nɛn an 'ta wʋla Bali wei da "le 'an tra Zuif 'nɔn 'zʋ bɛ, 'wɩnun maan drɛ bɛ, kaa 'man. Tʋ zɩɛ -a man bɛ, an 'tɛ 'pa Bali -le -leglizi -ji 'nɔn da, ɛn maan wɛɛ 'nan 'an o -nan -nyaan.

1 Tesalonik 1:3

'Cee 'nyranman nɛn kaa "paa yi -tɛradɩ Zozi da -a, 'lee 'nyranman 'plɛblɛ nɛn kaa "paa -a yɩdɩ "yi "a, 'lee 'ka yiɛ nɛn e cɩra -kaa 'san Zozi Crizi lɛ bɛ, -a -cin a 'kʋ 'ji yi -tʋdʋ pɛɛnɔn man -kaa "tɩ Bali trʋ 'banan.

1 Tesalonik 5:8

'Pian -cee vɛ bɛ, te 'e 'kɔn zɩ dɩ, kɔɔ -kaa ya yidɛa 'nɔn 'a. -Yee "wɛan -kaa 'fli 'pla! -Kaa yi -tɛra Zozi da, ɛn -kaa yɩ "yi! -Yɛɛ cɩ "le -kaa 'kɔlɛ da yɔɔ vɛ -le 'wɩ 'zʋ -kuli -lɔ! Bali -taa -kaa 'silɛ 'wɩ 'ji. -Kaa -tɔ "da 'plɛblɛ! -Yɛɛ cɩ "le -kaa wulo -man yɔɔ 'kpɔngbo kle "le 'wɩ 'zʋ -kuli -lɔ!

1 Timote 2:15

'Bɛ a zɩ, 'pian maan ve 'cɛɛ 'nan, Bali lɩmɔn "sia 'wɩ 'ji 'nɛn 'yadɩ man. 'Pian e ya 'nan 'e yi -tɛra Zozi da -trilii, ɛn 'e min yɩ "yi -trilii, ɛn 'e 'kɔn Bali -le vɛ -a "fo, ɛn 'e 'wɩ pɛɛnɔn zɩɛ -a drɛ -pɛ nɛn e "sɔa Bali lɛ bɛ -a man.

1 Timote 4:12

Te min -tʋ 'e vɩ 'nan, i ya -gobo 'a -le "wɛan bɛ 'e yiɛ 'ka 'naan i man dɩ. 'Pian 'i drɛ Zozinɔn pɛɛnɔn 'le 'wɩ -kɔɔnmanzan 'a 'yie 'wɩ vɩdɩ man, 'lee 'yie 'wɩ drɛdɩ min va man, 'lee 'yie min yɩdɩ "yi "man, 'lee 'yie yi -tɛradɩ Zozi da man, ɛn 'wɩ nɛn e 'tɔ "paa min man bɛ te 'i -tʋ drɛ "fo "dɩ.

1 Timote 6:11

'Pian 'i 'bɔ Bali -le 'nyranman 'pazan bɛ, te 'wɩnun zɩɛ 'o -pli 'i man "fo "dɩ. 'I -wɛɛ 'nan, 'i 'wɩ nɛn 'e 'sʋdɩ "ji "bɛ -a dra. 'I -wɛɛ 'nan, 'i 'fo 'i lɛadɩ Bali man. 'I -wɛɛ 'nan, 'i yi -tɛala Bali da. 'I -wɛɛ 'nan, 'i Bali ye "yi, ɛn 'i min ye "yi. 'I -wɛɛ 'nan, 'i -pɔan 'e 'sɔ 'wɩ 'ji. Ɛn 'i -wɛɛ 'nan, 'i -kɔan "min -trɔɔ -a.

2 Timote 1:13

An Bali -le 'wɩ tɩglɩ paa 'i 'ji. 'Wɩ zɩɛ 'e drɛ 'yie 'wɩ -kɔɔn "manvɛ -a, ɛn 'i 'ta wʋla "da! Te 'i 'pɛ 'si yi -tɛradɩ Zozi da 'lee yɩdɩ "yi "nɛn Zozi Crizi -a -nɔn 'yiɛ bɛ -a -sru "fo "dɩ!

2 Timote 2:22

Timote, 'wɩ 'tɔ 'tʋdʋ pɛɛnɔn nɛn e -kɔlaman e -wulo -ji "nrɔndɩ -wlidɩ -nɔan -gobo lɛ bɛ, te 'i -pli -a -tʋ man "fo "dɩ! 'I -wɛɛ 'nan 'i 'wɩ nɛn 'e 'sʋdɩ "ji "bɛ -a dra! 'I -wɛɛ 'nan 'i yi -tɛala Zozi da! 'I -wɛɛ 'nan 'i Bali ye "yi, ɛn 'i min ye "yi! Ɛn 'i -wɛɛ 'nan 'ka yei 'e 'kɔn -trɔɔ 'ka 'vale min -tʋdʋ pɛɛnɔn nɛn o Minsan laabo 'o 'ci 'fɩdaa 'a bɛ waa!

'Fluba nɛn Pɔl -a crɛn -tɛ Tit lɛ 2:2

'I vɩ -klɔnmɔn cejenun lɛ 'nan, -wee 'wɩ 'fa 'e 'kɔn 'e 'sidɩ. 'I vɩ -wlɛ 'nan, 'o drɛ wɩ 'e maan minnun yiɛ 'e 'nan o man. 'I vɩ -wlɛ 'nan, 'o 'fli 'kun 'wɩ pɛɛnɔn 'ji. Ɛn "nyian bɛ -wee yi -tɛradɩ Zozi da, 'lee -wee min yɩdɩ "yi, 'lee -wee -pɔan 'sɔdɩ bɛ, 'i vɩ -wlɛ 'nan, tʋ pɛɛnɔn man 'wɩ zɩɛ 'e 'kɔn o man 'plɛblɛ.

1 Piɛri 1:3

-Kaa Bali 'tɔ 'bɔ! -Yɛɛ cɩ -kaa san Zozi Crizi "tɩ "a. E -kaa nyrinda 'si, ɛn e -kaa drɛ min -trɛ -a. Zozi Crizi wluan -kanɔn 'va, -yee "wɛan -kaa 'bli 'e 'kɔn "da 'nan -kaa wuanla -kanɔn 'va "nyian.

1 Zan 4:10

Ɛn -yee yɩdɩ "yi zɩɛ, e 'ka 'nan -cɛɛ Bali yɩ "yi "dɩ, 'pian -yɛɛ -kaa 'yɩ "yi. -Yee "wɛan e -ta 'yee 'nɛn 'a, -e 'e drɛ 'sraga bʋ vɛ -a -kaa man, 'nan -e Bali 'bɔ 'e -cee 'wɩ 'wlidɩ 'fui.

Apokalis 22:21

Minsan Zozi 'le "yi 'e drɛ 'ka pɛɛnɔn 'le vɛ -a.