1 Piɛri 4:9 - Yaouré

⁹ Minnun nɛn o 'bɔala 'ka 'va bɛ, 'ka 'o 'kun 'ka 'pɛ "fli "a, te 'ka drɛ 'ka 'ci "pou "a dɩ!

1 Piɛri 4:9 ပူးပေါင်းရင်းမြစ်များ

Rɔmɛn 12:13

'Ka "bʋɩ Zozinɔn nɛn fɛ -tʋ 'wɩ -a o man bɛ, 'ka 'pa o va! Ɛn minnun nɛn o bɔala 'ka 'va bɛ, 'ka o 'kun 'ka 'pɛ "fli "a!

Rɔmɛn 16:23

Gai "e 'nan, 'e 'ka 'tɔ bo. -Yee "kɔnnɛn "nɛn an -nyɛanla, ɛn -yee vɛ -nan nɛn Zozinɔn 'o cin ye. Eras "e 'nan, 'e 'ka 'tɔ bo. -A va nɛn "lala 'wɩ pɛɛnɔn -ciala 'fla 'bɔ 'gʋɛ -a da. Ɛn "nyian bɛ -kaa "bʋɩ Zozizan Kartus "e 'nan 'e 'ka 'tɔ bo. [

2 Korɛnti 9:7

'Wɩ zɩɛ -a da nɛn 'ka 'ci "nrɔn, -e min -tʋ 'e 'nɔn "le zɩ e 'si -a souba man bɛ -yee 'wɩ 'zʋ. Te 'e -nɔn 'e 'ci "pou "a dɩ, ɛn te 'e -nɔn "le 'nan fɛ nɛn min a 'e 'tɔdɩ -a -sru "bɛ -yee 'wɩ 'zʋ dɩ. Kɔɔ min nɛn e fɛ -nɔan ci "nrandɩ -a bɛ -a san nɛn Bali -a ye "yi.

Filipʋ 2:14

'Cee 'wɩ pɛɛnɔn drɛdɩ -ji bɛ, te 'ka wunwun "vɩ dɩ, ɛn te 'ka 'sa -fɔ dɩ!

1 Timote 3:2

'Pian e ya 'nan, min nɛn 'e yiɛ -tɔa -leglizi -va bɛ, te 'tɔ 'tʋ 'e 'kɔn 'e 'padɩ "man "dɩ. Lɩ -kɔan -a san wlu -tʋwli. -A san -kɔlaman 'e 'fli 'kundɩ -a, ɛn -a san 'e 'kɔn min tɩglɩ 'a, ɛn -a san drɛ wɩ 'e 'kɔn 'e 'sʋdɩ "ji. -A san 'e 'kɔn min nɛn e min "kuan 'e 'pɛ "fli "a bɛ -a. -A san 'e 'kɔn min nɛn e Bali -le 'wɩ "paaman sidɔ bɛ -a.

'Fluba nɛn Pɔl -a crɛn -tɛ Tit lɛ 1:8

'Pian 'e 'kɔn min nɛn e min "kuan 'e 'pɛ "fli "a bɛ -a. Ɛn 'e 'wɩ "yi "drɛdɩ yɩ "yi. Ɛn -a san 'e 'kɔn min tɩglɩ 'a, 'e 'ta wʋla Bali wei da tɩglɩ, ɛn 'e -kɔla 'e 'fli 'pladɩ -a.

Filemɔn 1:14

'Pian an 'ka "vale 'nan 'an 'wɩ zɩɛ -a dra, te yiɛ "cɛɛ -si -nɔn 'mɛn dɩ. An ya "vale 'nan, -te i "ta 'wɩ "yi "dra 'mɛn bɛ, 'e 'si 'i 'bɔ 'a, 'pian te 'e drɛ 'nan 'an 'tɔ 'i man -sa -a dɩ.

Ebre 13:16

'Pian te 'ka 'ci 'e 'san "yi "drɛdɩ man dɩ! Ɛn te 'ka 'ci 'e 'san 'padɩ -a 'ka cin va dɩ! 'Wɩ pɛɛnɔn zɩɛ -a drɛdɩ 'sɔ Bali lɛ, 'cee 'sraga bʋdɩ Bali lɛ nɛn "nyian zɩɛ.

Ebre 13:2

Te 'wɩ 'gʋɛ -a -cin 'e 'san 'ka 'ji dɩ, minnun nɛn o bɔala 'ka 'va bɛ, 'ka o 'kun 'ka 'pɛ "fli "a! 'Wɩ zɩɛ -a drɛdɩ man bɛ, min -mienun nyinnannan "nɔn Bali -le 'pasianɔn nɛn laji bɛ -wlɛ, wa'a -tɔlɛ dɩ.

Zaji 5:9

'An "bʋɩ Zozinɔn, te 'ka cin man wɩ 'pa dɩ, "tɔgɔ Bali 'e tin -tɛ 'ka da! Min nɛn 'e tin -tɛa "min da bɛ, e 'bɔ 'kogo.