1 Piɛri 3:21 - Yaouré

²¹ 'Bɛ nɛn 'gʋɛ, 'yi zɩɛ -yɛɛ cɩ "le 'ka -batize drɛdɩ -kɔɔn "manvɛ -zʋ. Min -batize drɛdɩ 'ka min drɛ wɩ -wlidɩ 'sia 'e 'lɔ dɩ, 'pian -a -ci nɛn 'nan, min wɩɩ "man 'nan 'e drɛ wɩ 'e 'kɔn 'e 'sʋdɩ "ji Bali 'lɛ. 'Ka -batize drɛdɩ zɩɛ e 'ka 'sia 'wɩ 'ji, kɔɔ Zozi Crizi wluan -kanɔn 'va.

1 Piɛri 3:21 ပူးပေါင်းရင်းမြစ်များ

Matie 28:19

'Ka 'kʋ, 'ka 'lɛglɔn pɛɛnɔn 'ji 'nɔn drɛ 'an -srunɔn 'a! 'Ka o -batize drɛ -kaa "tɩ Bali 'lee 'e 'pɩ 'lee 'yee lei 'saun 'tɔ da.

Mark 16:16

Min oo min nɛn e yi -tɛra "da ɛn waa -batize drɛ bɛ, e -taa 'silɛ 'wɩ 'ji. 'Pian min oo min nɛn, ya'a yi -tɛlɛa "da "dɩɛ, ya'a 'belidɩ nɛn ya'a 'nyaan dɩɛ -a ye dɩ.

Zozi Crizi -le 'wɩ 'nɔnnɔn nɛn Zan -a crɛn -tɛ 13:9

-A -nan nɛn Simɔn Piɛri "e Zozi lɛ 'nan: «Te 'yian 'cɛin 'saza 'man "foe dɩ. Minsan, 'an 'pɛ 'lee 'an 'wulo nɛn 'gʋ, 'i o man "foe "nyian.»

Drɛwɩ (Actes) 16:33

-Pei 'bɔ 'lein zɩɛ -a man bɛ, min nɛn 'e yiɛ -tɔa -pʋ 'kɔnnɔn 'va bɛ, e -kʋ Pɔl 'lee Sila mlɔn 'ji "foelɛ. 'Nun tɔɔn ɛn waa -batize drɛ 'o 'vale 'yee "kɔnnɛn 'nɔn 'a.

Drɛwɩ (Actes) 2:38

Ɛn Piɛri 'e 'nan wlɛ 'nan: «'Ka 'si 'wɩ 'wlidɩ "drɛdɩ man, -e 'ka 'fli -nɔn Bali lɛ, -e o 'ka -tʋdʋ pɛɛnɔn -batize drɛ Zozi 'tɔ da, -e Bali 'e 'cee 'wɩ 'wlidɩ fui, -e 'e 'yee lei 'saun 'nɔn 'cɛɛ.

Drɛwɩ (Actes) 22:16

'Bɛ nɛn 'gʋɛ, -mɛ "nɛn i cɩ -a man -pɛnnan? 'I 'wluan lou. 'Wei -batize drɛ, 'i vɩ Zozi lɛ 'nan, -yɛɛ cɩ 'i 'san -a, -e Zozi 'e 'yie 'wɩ 'wlidɩ fui.›

Drɛwɩ (Actes) 8:36

O ya -kʋnan 'o 'lɛ, ɛn o 'bɔ 'yi ba man, ɛn Etiopi min "e 'nan -yrɛ 'nan: «'Yi nɛn 'gʋ, -mɛ -maan yi'an -batize dra dɩ?»

Drɛwɩ (Actes) 8:37

[-A -nan nɛn Filipʋ "e -yrɛ 'nan: «-Te i yi -tɛala "da 'i 'bli pɛɛnɔn 'a bɛ, -e 'wei -batize drɛ.» Ɛn Etiopi min "e 'nan: «Maan -tɔa 'nan Zozi Crizi a Bali -pɩ -a.»]

Rɔmɛn 5:14

'Bɛ a zɩ, 'pian -e 'e 'sia Adan tʋ va -trilii -e 'e bɔ Moizi tʋ va bɛ, te minnun -kaaman. Minnun 'bɔ nɛn wa'a Bali wei -fɔlɛa 'o "trɔɛn -sru "le Adan -a drɛ bɛ -yee 'wɩ 'zʋ dɩɛ, te o -kaaman. E ya "le 'an vɩ 'cɛɛ 'nan 'wɩ -mie -ji zia bɛ, Adan 'lee Crizi 'o cin 'sia.

1 Korɛnti 12:13

Kɔɔ -kaa Zozinɔn pɛɛnɔn bɛ, -te Zuif min nɛn oo, -te Zuif min "cɛɛ dɩ oo, -te nɔan nɛn oo, -te nɔan "cɛɛ dɩ oo, Bali lei 'saun -tʋwli 'bɔ 'bɛ -kaa -batize drɛ 'nan -e -kaa drɛ "le min -tʋwli "le 'wɩ 'zʋ. Ɛn Bali 'yee lei 'saun 'nɔn -kaa -tʋdʋ pɛɛnɔn lɛ.

1 Korɛnti 4:6

'An "bʋɩ Zozinɔn, 'cee "wɛan nɛn an "sia 'wɩnun 'gʋɛ -a vɩnan 'kʋ 'vale Apolo -a 'kʋ man. Waa 'vɩ 'nan: «'Wɩ nɛn 'e 'crɛn -tɛdɩ bɛ, te min 'e 'ciɩla "da "dɩ!» An ya "vale 'nan 'wɩ zɩɛ 'ka -tɔ 'nan, -a -tʋwli "nɛn "nyian 'kʋe vɛ -a. -Yee "wɛan te 'ka 'tʋ 'e -dandan 'tan 'kʋ "fli 'gʋɛ 'kʋ yei "min -tʋ -le "wɛan dɩ.

2 Korɛnti 1:12

'Wɩ nɛn 'kʋ 'ci "nranman bɛ -nyrɛn 'nan, 'kʋ 'wulo -ji "nrɔndɩ 'ka tin tɛa 'kʋ da dɩ. Kɔɔ kʋ ta 'wʋ min -tʋdʋ pɛɛnɔn 'va 'kʋ 'ci 'fɩdaa 'a "le zɩ Bali -a dra bɛ -yee 'wɩ 'zʋ. Ɛn 'ka 'va nɛn kʋa drɛ "bʋʋ. 'Pian blamin -le 'wɩ 'tɔdɩ "cɛɛ -maan kʋ 'wɩ zɩɛ -a drɛ dɩ, Bali -le "yi "nɛn.

2 Korɛnti 7:1

'An beenun, 'wɩnun zɩɛ Bali -tɔ "da 'nan 'e dra -cɛɛ, -yee "wɛan e ya "le -kaa 'fli drɛ 'saun Bali 'lɛ 'sidɩ -a 'wɩ 'wlidɩnun nɛn o -kaa "tri -tɔa Bali 'lɛ bɛ -a drɛdɩ man! -Kaa 'wɩ zɩɛ -a drɛ -e -kaa drɛ Bali -le vɛ -a "fo, ɛn -kaa drɛ "klandɩ -a Bali lɔ!

Galatɩ 3:27

Bali 'bɛ 'ka -batize drɛ, -yee "wɛan ka drɛ min -tʋwli "a 'ka 'vale Crizi -a, ɛn ka Crizi 'kɔlɛ 'wʋ 'ka da.

Efɛz 5:26

'nan -e -leglizi 'nɔn 'o drɛ Bali -le vɛ -a "fo. -A -batize drɛdɩ 'yi 'a, 'lee Bali wei vɩdɩ -a nɛn Crizi -leglizi drɛ 'saun Bali 'lɛ.

Kolɔs 2:12

'Ka -batize nɛn waa drɛ bɛ, e ya "le min nɛn ka cɩ -a 'e tɛdɛ bɛ -wɛɛ 'wʋ 'trɛ 'ji 'o 'vale Crizi -a. Ɛn "nyian e ya "le Bali 'ka wluan -kanɔn 'va 'ka 'vale Crizi -a, kɔɔ ka yi -tɛala Bali -le 'plɛblɛ nɛn e Zozi Crizi wluan -kanɔn 'va bɛ -a da.

1 Timote 1:5

Bali -le 'wɩ "paadɩ 'le 'srannan "nɛn 'nan yɩdɩ "yi 'e 'kɔn 'ka yei. Ɛn yɩdɩ "yi zɩɛ 'ka drɛ 'ka 'ci 'fɩdaa 'a! Te 'ka 'wɩ drɛ te 'ka 'wulo -ji "nrɔndɩ tin -tɛa 'ka da dɩ! Ɛn yɩdɩ "yi zɩɛ, e 'si yi -tɛradɩ Zozi da nɛn e 'ka "ta lou 'e "tun "dɩɛ -a va.

1 Timote 6:12

'Ta wʋdɩ Bali -sru "nɛn yia -si 'sia bɛ, 'i 'kun "man 'kpa, -e 'i 'wulo 'e bɔla "va. Ɛn 'belidɩ nɛn ya'a 'nyaan dɩɛ, 'i 'kun 'i 'pɛ "fli "a. Bali 'i laabʋ "man, ɛn i wɩɩ "man min "kaga yiɛ man 'nan, Bali -sru "nɛn i cɩ.

Ebre 10:22

'Wɩ nɛn Zozi -a drɛ zɩɛ, -yee "wɛan -kaa -pli Bali man. -Kaa yi -tɛra Bali da -kaa ci 'fɩdaa 'a, -e -kaa -pli "man. Kɔɔ -kaa ci "nrɔndɩ pɛɛnɔn nɛn e tin -tɛa -kaa da bɛ, yaa fui. Ɛn e -kaa -sru 'yi 'saun 'a.

Ebre 11:19

Abraam 'wɩ zɩɛ -a drɛ, te -a -cin a "ji 'nan, 'plɛblɛ a Bali lɔ -e 'e -kɔla min nɛn e -ka bɛ, -a fuʋdɩ -a. -Yee "wɛan nɛn Bali Izak -nɔn Abraam lɛ 'e "pa 'ji. 'Wɩ zɩɛ e ya 'wɩ -kɔɔn "man wɩ -tʋ -a.

Ebre 13:18

'Ka Bali trʋ 'ba 'kʋe 'wɩ man! Kʋa -tɔa 'nan 'kʋe 'wulo -ji "nrɔndɩ 'ka tin tɛa 'kʋ da dɩ. Kɔɔ 'wɩ pɛɛnɔn 'ji bɛ, kʋ -wɛɛman 'nan 'kʋe 'ta wʋ -pɛ 'e 'kɔn "yi.

Ebre 9:14

-Te 'bɛ a zɩɛ, maan ve 'cɛɛ 'nan Crizi nyɛn min dra 'saun Bali 'lɛ 'e -ciala "da, 'dʋ -e -a san 'e -kɔla Bali nɛn -a yiɛ cɩ "man "bɛ -a 'sudɩ -a. Bali lei 'saun nɛn -yrɔ "bɛ, -yee "wɛan nɛn e wɩɩ "man ɛn e -ka. E ya "le Bali -panvɛ nɛn 'tɔ 'ka 'e 'padɩ "man "dɩɛ -yee 'wɩ 'zʋ.

Ebre 9:24

-A -cin 'e 'kɔn 'ka 'ji 'nan, -tandan nɛn blamin -a -tɔ -nyrɛn laji bɛ -a -kɔɔn "manvɛ -a bɛ, -a -ji "cɛɛ Crizi wla dɩ. 'Pian laji 'bɔ -nan nun nɛn Crizi -kʋ, 'nan -e 'e 'tɔ -cee 'wɩ 'ji Bali 'lɛ.

1 Piɛri 1:3

-Kaa Bali 'tɔ 'bɔ! -Yɛɛ cɩ -kaa san Zozi Crizi "tɩ "a. E -kaa nyrinda 'si, ɛn e -kaa drɛ min -trɛ -a. Zozi Crizi wluan -kanɔn 'va, -yee "wɛan -kaa 'bli 'e 'kɔn "da 'nan -kaa wuanla -kanɔn 'va "nyian.

1 Piɛri 3:16

'Pian 'ka 'ci vɩ -wlɛ -trɔɔ, ɛn 'ka "klan Bali lɔ. 'Ka man -wɛɛ 'nan 'cee 'wɩ pɛɛnɔn 'e 'kɔn 'e 'sʋdɩ "ji Bali 'lɛ. 'Ka drɛ zɩɛ, -te minnun 'wɩ 'tɔ 'ka man, te o 'wɩ 'wlidɩ "ve 'cee 'ta wʋdɩ Crizi -sru fɛnyian man bɛ, -e 'wɩ 'bɔ nɛn waa ve bɛ 'e tin -tɛ o da.