1 Piɛri 2:22 - Yaouré

²² «Ya'a 'wɩ 'wlidɩ "tʋwli "cɛ "drɛlɛ dɩ, ɛn 'wlu wɩ -tʋwli "cɛ 'ka bɔlɛa -a 'le dɩ.»

1 Piɛri 2:22 ပူးပေါင်းရင်းမြစ်များ

Matie 27:19

Pilati a 'e -nyrandɩ 'yee tin 'ba pɛin -da tin -sru, ɛn -a nan min 'pa 'sia -yrɛ. E 'nan: «Min 'labɛ ya'a 'wɩ 'tʋ drɛlɛ -wlidɩ "dɩ. Te 'i 'pɛ wʋ -yee 'wɩ 'ji dɩ. Kɔɔ paan 'pei -man nyrin nɛn maan -tɛ bɛ, 'an "koe 'nyan -yee "wɛan 'kpa tɩglɩ.»

Matie 27:4

E 'nan -wlɛ 'nan: «An 'wɩ 'wlidɩ drɛ min nɛn ya'a 'wɩ 'tʋ drɛlɛ -wlidɩ "dɩɛ, -a -nɔndɩ -a 'cɛɛ.» -A -nan nɛn minnun zɩɛ o 'nan Zudazi lɛ 'nan: «"Kʋe 'man wɩ 'ka 'ji dɩ. 'I 'bɔ 'lɔ wɩ nɛn.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:41

'Pian 'kʋe yra yɩdɩ bɛ, -a -nɔan da nɛn. Kɔɔ 'wɩ nɛn kʋa drɛ bɛ, -a "nɛn "nɛn kʋ cɩ -a yɩnan. Min 'labɛ, ya'a 'wɩ 'wlidɩ "tʋ drɛlɛ "fo "dɩ.»

Zozi Crizi -le 'wɩ 'nɔnnɔn nɛn Luk -a crɛn -tɛ 23:47

Zɩ 'sounjanun tazan 'wɩnun zɩɛ -a -nan 'yɩ bɛ, ɛn e 'tɔ -dan nɔndɩ 'sia Bali lɛ. E 'nan: «'Wɩ 'kpa nɛn, min 'labɛ min tɩglɩ nɛn.»

Zozi Crizi -le 'wɩ 'nɔnnɔn nɛn Zan -a crɛn -tɛ 1:47

Zɩ Zozi Natanaɛl 'yɩ 'tanan 'e 'va bɛ, ɛn yaa 'vɩ 'nan: «Cɛɛ Izraɛl min tɩglɩ nɛn 'e 'wɩ tɩglɩ ve bɛ, -nyrɛn "bɛ.»

Zozi Crizi -le 'wɩ 'nɔnnɔn nɛn Zan -a crɛn -tɛ 8:46

Min -tʋ 'ka 'ka yei -e 'e -ci -kɔɔn 'nan an 'wɩ 'wlidɩ drɛ dɩ. Ɛn -te 'wɩ tɩglɩ nɛn maan ve bɛ, -mɛ "le "wɛan ka'a yi 'tɛala 'an da dɩ?

2 Korɛnti 5:21

Crizi 'ka 'wɩ 'wlidɩ "tʋwli "drɛlɛ dɩ, 'pian Bali -cee 'wɩ 'wlidɩ "nɛn "wɩ 'bɔ "man. Yaa drɛ zɩɛ 'nan -e -kaa drɛ min tɩglɩ 'a 'e lɛ, 'wɩ nɛn e 'bɔ Crizi man zɩɛ -yee "wɛan.

Ebre 4:15

-Te -kaa "koe 'ka -kaa da Bali -sru 'ta wʋdɩ -a dɩɛ, -cee Bali -panzan zɩɛ 'wɩ nɛn -kaa man bɛ yaa -tɔa. Kɔɔ Satan nɛn e -kaa 'man -taan "bɛ, e -yee 'man -tan, 'pian ya'a 'wɩ 'wlidɩ "tʋwli "drɛlɛ "fo "dɩ.

Ebre 9:28

'Wɩ 'tʋwli zɩɛ Crizi -a drɛ, e -ka 'e 'pa -a -tʋwli "cɛ 'nan, -e Bali 'e min "kaga 'le 'wɩ 'wlidɩ 'fui. Crizi -ta pee wo "nyian, 'pian ya'a 'taa 'nan -e 'e 'ka -e Bali 'e minnun -le 'wɩ 'wlidɩ 'fui dɩ. E -taa 'nan -e 'e minnun nɛn o cɩ -a -pɛnnan bɛ o 'si 'wɩ 'ji.

1 Zan 2:1

'Mɛn 'nɛnnun, 'wɩ 'gʋɛ maan crɛn -tɛ 'cɛɛ 'nan, -e 'ka vɩlɛ 'ka 'wɩ 'wlidɩ "drɛ dɩ. Ɛn -te min -tʋ 'wɩ 'wlidɩ drɛ bɛ, 'ka -tɔ 'nan min nɛn e -nyɛanla -cee 'wɩ -sru, -e 'e -cee 'wɩ 'si "va "bɛ, e ya -kaa "tɩ Bali "srɔn. Zozi Crizi nɛn e ya tɩglɩ bɛ, -nyrɛn.

1 Zan 3:5

Ɛn kaa -tɔa 'nan Crizi -ta -e 'e -cee 'wɩ 'wlidɩ pɛɛnɔn bɛ -a "nɛn "wɩ yɩ, te ya'a 'wɩ 'wlidɩ "drɛlɛ dɩ.

Apokalis 14:5

Wa'a 'wlu -tʋwli "sɛnlɛ "fo "dɩ. Ɛn 'tɔ 'tʋ 'ka 'e 'padɩ o man dɩ.