1 Korɛnti 4:7 - Yaouré

⁷ -Tɩɛ 'vɩ 'yiɛ 'nan i ya -dan 'i bɔɛzan -tʋ man? Fɛ -tʋ nɛn 'i 'lɔ, te Bali "cɛɛ 'nɔn 'yiɛ dɩɛ, e 'ka "fo "dɩ! -Yee "wɛan nɛn 'i -dandan 'tandɩ 'le 'tɔ!

1 Korɛnti 4:7 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 19:13

"Yɛɛ -kʋ bɛ, 'e 'sunɔn laabʋ -fu, ɛn e -siga 'wlɛ nɛn -a 'flɛ -kɔan tɩglɩ bɛ, -a pli o man -tʋdʋ. E 'nan -wlɛ 'nan: ‹'Ka fɛ -wɛɛ "a -trilii, -e 'an 'tadɩ 'e bɔ.›

Zozi Crizi -le 'wɩ 'nɔnnɔn nɛn Zan -a crɛn -tɛ 1:16

"Yi "nɛn -yrɔ "bɛ e -cee "nɔn. Yi -tʋdʋ pɛɛnɔn man te e "yi zɩɛ -a -sɛan "da -cɛɛ.

Zozi Crizi -le 'wɩ 'nɔnnɔn nɛn Zan -a crɛn -tɛ 3:27

-A -nan Zan "e 'nan -wlɛ 'nan: «Min 'ka 'kɔlaman -e 'e fɛ -tʋ yɩ te Bali "cɛɛ -nɔn -yrɛ "dɩ.

Rɔmɛn 1:5

Bali ciɩla "va ɛn e "yi drɛ 'mɛn. Yaan drɛ Zozi 'le 'pasiazan -tʋ -a, 'nan -e 'an -yee 'wɩ 'nɔnnɔn vɩ minnun pɛɛnɔn nɛn o 'ka Zuif 'nɔn 'a dɩɛ -wlɛ. Yaa drɛ zɩɛ 'nan -e 'o yi -tɛra Zozi da, te o 'ta wʋla -a wei da.

Rɔmɛn 12:3

Bali -le "yi "nɛn yaa drɛ 'mɛn bɛ, yaa -si -nɔan 'mɛn -e 'an vɩ 'ka -tʋdʋ pɛɛnɔn lɛ 'nan, te 'ka 'fli 'sia -dandan 'ka cin man 'nan cɛɛ cɩ dɩ! 'Pian Bali -le "yinun nɛn yaa drɛ 'cɛɛ -tʋdʋ 'cee yi -tɛradɩ Zozi da man bɛ, -a -cin nɛn 'e 'kɔn 'ka 'ji -e 'ka 'ci "nrɔn min nɛn ka drɛ -a bɛ -a da.

Rɔmɛn 12:6

Bali "yi drɛ -kaa -tʋdʋ lɛ ɛn min -tʋ 'lee 'yee vɛ. -Te min -tʋ -le vɛ a Bali 'lewei vɩdɩ -a bɛ, 'e vɩ "le zɩ 'yee yi -tɛradɩ Bali da -a -cin -tɔa "ji "bɛ -yee 'wɩ 'zʋ.

1 Korɛnti 15:10

'Pian Bali "yi drɛ 'mɛn, ɛn yaan drɛ Zozi 'le 'pasiazan 'a. "Yi "nɛn Bali -a drɛ 'mɛn zɩɛ, -a "nɛn 'bɔla -dan. Kɔɔ an 'nyranman 'pa an ciɩ Zozi 'le 'pasianɔn pɛɛnɔn da. 'Wɩ tɩglɩ 'ji bɛ, mɛɛn "cɛɛ 'nyranman 'pa 'an 'bɔ 'a dɩ, 'pian Bali 'bɔ 'bɛ 'wɩ zɩɛ -a drɛ 'yee "yi "a.

1 Korɛnti 3:5

'Pian e ya "le 'an 'wɩ 'tʋ laabʋ 'ka 'lɔ. -Tɩ nɛn Apolo -a? Ɛn -tɩ nɛn 'an 'bɔ Pɔl -a? Maan ve 'cɛɛ 'nan, Bali 'sunɔn "tun "nɛn 'kʋa. 'Kʋ 'va nɛn Bali ciɩla ɛn ka yi -tɛra Zozi da. 'Wɩ nɛn Minsan -a -pɛba 'wʋ 'kʋ 'lɔ bɛ, -a 'bɔ nɛn kʋa drɛ.

1 Korɛnti 5:6

E 'ka 'wɩ "yi "a "fo -e 'ka -dandan 'tan 'wɩ zɩɛ -a -ji dɩ. Kaa -tɔa 'ka 'bɔ 'a 'nan: «Sɩ 'wlɛ -tʋwli min 'shɛ pɛɛnɔn "tranman!»

1 Korɛnti 7:7

E ya 'an 'ji 'nan minnun pɛɛnɔn 'o 'fʋ paan "kɔnnɛn -gɔnnɛn -a "le 'mɛn 'wɩ 'zʋ. 'Pian Bali "yi drɛ min lɛ -tʋdʋ. Yaa drɛ min -mienun lɛ 'e 'to, ɛn yaa drɛ min -mienun lɛ 'e 'to.

Zaji 1:17

Maan ve 'cɛɛ 'nan, 'wɩ "yi 'lee 'wɩ tɩglɩ pɛɛnɔn "sia Bali va lou. -Yɛɛ laji fɛnun pɛɛnɔn nɛn o "bia bɛ o drɛ. Fɛnun pɛɛnɔn zɩɛ 'o 'man limlan, 'pian Bali 'ka 'limlan 'li "fo "dɩ.

1 Piɛri 4:10

Bali "yi drɛ 'ka 'tʋdʋ pɛɛnɔn lɛ -pɛ "kaga "ji, -yee "wɛan te min -tʋ 'e 'yee vɛ 'tʋɩ 'e 'saza 'le vɛ -a dɩ, 'pian 'ka "yi "drɛ -a 'ka cin lɛ!