1 Korɛnti 3:3 - Yaouré

³ Kɔɔ ka 'ta wʋla 'ka 'bɔ 'wulo -ji wɩnun da. Fɛ -le "wɛan an 'wɩ zɩɛ -a 'vɩ bɛ, man bʋdɩ a 'ka yei, ɛn 'wɩ a 'e -fɔladɩ 'ka yei. 'Wɩ zɩɛ yaa -kɔɔnman 'nan Bali lei 'saun "cɛɛ 'ka "paala dɩ ɛn 'cee 'ta wʋ -pɛ a "le minnun nɛn wa'a Bali tɔa dɩɛ -wee vɛ zʋ.

1 Korɛnti 3:3 ပူးပေါင်းရင်းမြစ်များ

Rɔmɛn 13:13

-Cee 'ta wʋ -pɛ 'e 'kɔn tɩglɩ, ɛn 'e 'kɔn 'wein minnun pɛɛnɔn 'le vɛ -a, -e o yiɛ 'e 'nan -kaa man. Te -kaa fɛ -blɩ 'e 'ciɩla "da "dɩ! Ɛn te -kaa wɛn mlin 'e 'ciɩla "da "dɩ! Te -kaa nyin lɩ -sru te -kaa nan "cɛɛ dɩ! Ɛn te -kaa nyin -kɔnnɛn -sru te -kaa sran "cɛɛ dɩ! Te 'ka drɛ lɩ -wɛɛnɔn 'a dɩ, ɛn te 'ka drɛ -kɔnnɛn -wɛɛnɔn 'a dɩ! Te -kaa 'wɩ 'blɩ dɩ, ɛn te -kaa man bʋ dɩ!

1 Korɛnti 1:10

'An "bʋɩ Zozinɔn, -kaa san Zozi Crizi 'tɔ da an 'ka trʋ "baa 'nan, 'ka yei 'e 'kɔn 'e 'sɛndɩ 'e cin va. Te 'cɛndɩ 'e cin man 'e 'kɔn 'ka yei "fo "dɩ! 'Pian 'ka 'ci wɩ 'e 'kɔn -tʋwli, ɛn 'ka 'wulo -ji "nrɔn 'wɩ 'tʋwli "da.

1 Korɛnti 1:11

'An "bʋɩ Zozinɔn, fɛ -le "wɛan nɛn an 'wɩ zɩɛ -a 'vɩ bɛ, Kloe mangulinun -a 'sinan 'pa 'mɛn 'nan 'wɩ 'fɔla 'ka yei.

1 Korɛnti 11:18

-A tɛdɛ nɛn 'nan, -te 'ka cin 'yɩ bɛ, 'cɛndɩ 'e cin man a 'ka yei. 'Wɩ zɩɛ maan 'man, ɛn an yi -tɛala "da 'sɛzɛnɔn.

1 Korɛnti 3:4

Kɔɔ min -mienun a 'ka yei "o "ve 'nan: «"Kʋ "ya wo Pɔl -srunɔn 'a», ɛn min -mienun "o "ve 'nan, Apolo -srunɔn nɛn "wee "a. 'Wɩ zɩɛ -yɛɛ -kɔɔnman 'nan Bali lei 'saun "cɛɛ 'ka "paala dɩ.

2 Korɛnti 12:20

Kɔɔ "klan a 'an 'ji 'nan, -te an 'lʋ bɛ, ma'an -taa "bɔlɛ 'ka man "le zɩ 'an cɩ "va "bɛ -yee 'wɩ 'zʋ dɩ. Ɛn 'ka 'bɔ "nyian ka'a 'taa 'an 'tɔlɛ "le zɩ 'ka cɩ "va "bɛ -yee 'wɩ 'zʋ dɩ. "Klan a 'an 'ji 'nan, an bɔa 'ka man te 'wɩ 'blɩdɩ a 'ka yei, ɛn te man bʋdɩ -a 'ka yei, ɛn te ka ya 'ka nyran siadɩ 'ka cin yei, ɛn te bɔɛ "blɩdɩ a 'ka yei, ɛn te "srɔn wʋdɩ a 'ka yei, ɛn te ka "we 'ka cin man -wlidɩ, ɛn te 'ka 'fli "siala -dandan 'ka cin man, ɛn te ka'a ble 'ka cin yei "dɩ.

Galatɩ 5:15

'Pian -te ka drɛ "le -plɛnnun -le 'wɩ 'zʋ, ɛn 'shɛ srɔan nɛn kaa -tɛ bɛ, 'ka drɛ "yi, "tɔgɔ 'ka cin -tɛɛ.

'Fluba nɛn Pɔl -a crɛn -tɛ Tit lɛ 3:3

Fɛ nɛn maan ve zɩɛ -yɛɛ cɩ 'nan, -kaa 'bɔ 'gʋɛ 'e tɛdɛ bɛ, te -ka'a 'wɩ 'tɔ wɩ dra dɩ, ɛn te -ka'a yiɛ 'ka 'naan min man dɩ. Ɛn "nyian bɛ -kaa yi -tɛala 'wɩ nɛn e 'ka 'wɩ tɩglɩ 'a dɩɛ -a da. Ɛn te -kaa ya fɛ -tʋ -tʋdʋ pɛɛnɔn yɩdɩ "yi "le nɔan -a 'lee blamin ci 'sɔ wɩnun 'tɔ 'tʋdʋ pɛɛnɔn 'le nɔan -a. Te -kaa nyannɛn drɛdɩ ye "yi, ɛn te -kaa min lɔ fɛ ye "yi "le 'e drɛ -cee vɛ -a. Te -kaa "naan min man, ɛn minnun "naan -cee "man.

Zaji 3:16

Fɛ nɛn maan ve zɩɛ -yɛɛ cɩ 'nan, -te man bʋdɩ a fɛnan, ɛn bɔɛ "blɩdɩ a fɛnan bɛ, fɛ zɩɛ -a -nan 'ka flɩɩ "fo "dɩ. 'Wɩ 'wlidɩ 'tɔ 'tʋdʋ pɛɛnɔn a -nan.

1 Piɛri 4:2

-Yee "wɛan 'cee tʋ nɛn e -fʋ -e 'ka drɛ 'trɛda bɛ, Bali ci 'sɔ wɩnun da nɛn 'ka 'ta wʋla! Te 'ka 'ta wʋla 'wɩ 'wlidɩ "nɛn blamin ci 'sɔ -a bɛ -a da dɩ!