1 Korɛnti 3:16 - Yaouré

¹⁶ 'Ka Zozinɔn bɛ cɛɛ cɩ Bali -le 'kɔn 'a, ɛn Bali lei 'saun -nyɛanla 'ka 'ji. Ka'a tɔa zɩ dʋʋ?

1 Korɛnti 3:16 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Zan -a crɛn -tɛ 14:17

'Ka 'pa "vazan zɩɛ Bali lei nɛn 'e 'wɩ tɩglɩ -kɔɔnman min lɛ bɛ -nyrɛn. Minnun nɛn 'trɛda 'wɩnun 'gʋɛ -nyrɛn waa ye "yi "bɛ, ya'a 'kɔlaman -e 'e drɛ -wee vɛ -a dɩ, kɔɔ o yra 'ka "da 'zia dɩ, ɛn wa'a -tɔlɛ dɩ. 'Pian 'cee vɛ bɛ, "ka "tɔ, kɔɔ e ya 'ka 'va, ɛn 'ka -taa "drɛlɛ waa min -tʋwli "a.

Rɔmɛn 6:16

Kaa -tɔa 'ka 'bɔ -a 'nan, -te min wɩɩ "man 'nan 'e dra min -tʋ 'suzan 'a bɛ, e 'nyranman "paa 'e 'tazan zɩɛ -yrɛ ɛn e 'ta wʋla -a wei da. Te e drɛ 'siɛn "le 'e 'tazan -le nɔan -le 'wɩ 'zʋ. -A -tʋwli "nɛn "nyian 'cee vɛ -a. -Te ka wɩɩ "man ɛn 'wɩ 'wlidɩ 'ka 'pla bɛ, te ka drɛ "le 'wɩ 'wlidɩ "le nɔan -le 'wɩ 'zʋ. 'Wɩ nɛn e -taa "bɔlɛ 'ka man -a 'le 'srannan "bɛ, -nyrɛn -kadɩ -a. Ɛn -te ka wɩɩ "man 'nan ka 'ta wʋla Bali wei da bɛ, te ka drɛ "le Bali -le nɔan -le 'wɩ 'zʋ. 'Wɩ nɛn e -taa "drɛlɛ 'cee vɛ -a -a 'le 'srannan "bɛ, -nyrɛn 'nan Bali 'ka "siala min tɩglɩ 'a 'e 'lɛ.

Rɔmɛn 6:3

-A -cin 'e 'kɔn 'ka 'ji 'nan, -kaa pɛɛnɔn nɛn o -kaa -batize drɛ bɛ, -kaa drɛ Zozi Crizi nun -a -tʋwli, ɛn -kaa ka waa 'e cin va.

Rɔmɛn 8:11

Bali 'bɛ Zozi Crizi wluan -kanɔn 'va. -Yee "wɛan kaa nɛn Bali lei 'saun a 'ka 'lɔ bɛ, Bali 'bɔ 'belidɩ -nɔan 'ka po nɛn e -taa "kalɛ bɛ -yrɛ. Kɔɔ ka drɛ "le min -tʋwli "le 'wɩ 'zʋ 'ka 'vale Bali lei 'saun 'a.

Rɔmɛn 8:9

'Cee vɛ bɛ, 'ka 'bɔ 'ci 'sɔ wɩnun "cɛɛ 'ka "paala "nyian dɩ, 'pian Bali lei 'saun nɛn. -Te e ya 'wɩ 'kpa -a 'nan Bali lei 'saun a 'ka 'lɔ bɛ, -a -nan nɛn e 'ka "paala. Maan ve 'cɛɛ 'nan, min nɛn Crizi lei 'saun 'ka -yrɔ "dɩɛ, te -a san 'ka Crizi -le vɛ -a dɩ.

1 Korɛnti 3:17

Min nɛn e Bali -le 'kɔn -wi bɛ, Bali min zɩɛ -a -nan -nyaan. Kɔɔ Bali -le 'kɔn a 'saun ɛn 'ka Zozinɔn 'bɛ cɩ Bali -le 'kɔn 'bɔ zɩɛ -a.

1 Korɛnti 3:9

Kɔɔ kʋ ya Bali lɔ "le -yee 'nyranman 'panɔn 'zʋ, ɛn cɛɛ cɩ Bali -le fei 'bɔ 'a. Ɛn "nyian bɛ, ka ya "le -yee 'kɔn 'le 'wɩ 'zʋ.

1 Korɛnti 5:6

E 'ka 'wɩ "yi "a "fo -e 'ka -dandan 'tan 'wɩ zɩɛ -a -ji dɩ. Kaa -tɔa 'ka 'bɔ 'a 'nan: «Sɩ 'wlɛ -tʋwli min 'shɛ pɛɛnɔn "tranman!»

1 Korɛnti 6:16

Kaa -tɔa 'nan, -te min 'nyin -kɔnnɛn -wɛɛzan -sru "bɛ, te o "flinɔn drɛ min -tʋwli "a. Kɔɔ e ya 'e 'crɛn -tɛdɩ Bali -le 'fluba 'ji 'nan: «Min "fli zɩɛ o dra min -tʋwli "a.»

1 Korɛnti 6:19

-A -cin 'e 'trɔa 'ka 'ji 'nan, 'ka 'kɔlɛ bɛ, e ya Bali lei 'saun 'le 'kɔn 'a. Ɛn Bali 'yee lei 'saun zɩɛ -a -nɔn 'cɛɛ, e ya 'ka 'lɔ. Ka 'ka "nyian 'ka 'fli -ji dɩ.

1 Korɛnti 6:9

'Wɩ 'gʋɛ -a -cin 'e -trɔa 'ka 'ji. -Nyrɛn 'nan minnun nɛn o 'wɩ dra -wlidɩ "min va bɛ, wa'a 'ko Bali -le mingɔnnɛn trɛda "fo "dɩ. Ɛn "nyian bɛ, te 'ka 'wɩ 'gʋɛ -a 'sia 'wlu wɩ -a "fo "dɩ! Minnun nɛn o ya -kɔnnɛn -wɛɛnɔn 'a bɛ, 'lee minnun nɛn o ya lɩ -wɛɛnɔn 'a bɛ, 'lee minnun nɛn o ya -yʋ -pannɔn 'a bɛ, 'lee minnun nɛn o min -sran -wɛɛman bɛ, 'lee minnun nɛn o min nan -wɛɛman bɛ, 'lee -klɔnmɔn 'lee -klɔnmɔn nɛn o nyianla "le lɩ 'lee -kɔnnɛn -le 'wɩ 'zʋ bɛ,

1 Korɛnti 9:13

'Wɩ nɛn an "sia -a vɩnan 'gʋɛ, -a -kɔɔn "man wɩnun nɛn "nyian 'gʋ. Maan ve 'cɛɛ 'nan, minnun nɛn o 'nyranman "paa Bali -le 'kuin, 'lee minnun nɛn o Bali -pan 'nyranman "paa bɛ, 'nyranman 'bɔ nɛn waa "paa bɛ -a "nɛn "fɛ nɛn waa -ble. E 'ka zɩ dʋʋ?

1 Korɛnti 9:24

Fɛ -le "wɛan nɛn an 'wɩ zɩɛ -a 'vɩ bɛ -nyrɛn 'gʋ. -Te minnun -sɛn terɛn da 'nan 'o flan 'bli -e 'o man -kopa yɩ bɛ, min -tʋwli 'bɛ -kɔan "o -wulo -a. Ka'a tɔa zɩ dʋʋ? -Yee "wɛan nɛn 'ka flan 'bli -e -kopa zɩɛ 'e drɛ 'cee vɛ -a!

2 Korɛnti 6:16

Ɛn "nyian bɛ, Bali -pan 'kɔn bɛ, -yʋ -pan 'kɔn "cɛɛ dɩ. -A -cin 'e 'kɔn 'ka 'ji 'nan -kaa ya Bali nɛn -a yiɛ cɩ "man "bɛ -yee 'kɔn 'a. 'Wɩ zɩɛ Bali -a 'vɩ 'e 'cɛn. Kɔɔ e ya 'e 'crɛn -tɛdɩ Bali -le 'fluba 'ji 'nan: «An -nyɛanla o va. An -kɔan -wee Bali -a, ɛn o -kɔan 'mɛn minnun -a.»

1 Timote 3:15

'nan -te 'an 'mɔn te yi'an ye dɩɛ, tɔɔn zɩ 'kɔ 'i 'wɩ drɛ Bali -le 'kuin bɛ, te yia -tɔa. Bali nɛn -a yiɛ cɩ "man "bɛ, -yee -leglizi nɛn. -Yɛɛ cɩ 'wɩ tɩglɩ 'kɔladrɛn 'a, ɛn -yɛɛ cɩ -a cɛin -a.

2 Timote 1:14

Bali -le 'wɩ "paadɩ tɩglɩ nɛn maan 'pla 'i 'va bɛ, 'i yiɛ 'tɔ "va! Bali lei 'saun nɛn -kaa 'ji bɛ, -yɛɛ "paa 'i 'va -a drɛnan.

Ebre 3:6

'Pian Crizi -le vɛ bɛ, Bali -pɩ nɛn, ɛn Bali 'yee minnun pɛɛnɔn 'pɛba 'wʋ -yrɔ. -Kaa ya Bali -le minnun -a, 'pian e ya 'nan te -kaa 'pɛ -sru 'e 'tɔa dɩ, ɛn -kaa yi -tɛra Minsan da ci "nrandɩ -a.

Zaji 4:4

Ka "we "flivli Bali man "le lɩmɔn nɛn e 'si 'e 'sran wlu, ɛn e -kʋ -kɔnnɛn pee -va bɛ -yee 'wɩ 'zʋ. 'Trɛda fɛnun yɩdɩ "yi "bɛ, e ya Bali 'nan man wɩ -a. Ka'a -ci tɔa dʋʋ? Min oo min nɛn e 'trɛda fɛnun pɛɛnɔn ye "yi "bɛ, 'e 'fli dra Bali 'nanmanzan 'a.

1 Piɛri 2:5

'Ka 'bɔ "nyian, ka ya "le -kɔlɛnun nɛn 'belidɩ a -wlɔ "bɛ -wee 'wɩ 'zʋ. 'Ka 'bɔ -a nɛn Bali 'yee 'kɔn -tɔa, -e Bali lei 'saun 'e -nyran ji. 'Kaa nɛn Bali 'ka 'si "va 'e 'pannɔn 'a. Bali -panvɛ nɛn kaa -nɔan -e 'e 'sɔ Bali lɛ bɛ, 'cee 'nyranman nɛn kaa "paa Zozi Crizi 'le "wɛan bɛ -nyrɛn.

1 Zan 4:12

Min -tʋ 'ka tian Bali yɩlɛ dɩ. -Te -kaa cin ye "yi "bɛ, te -kaa 'vale Bali -a, -kaa ya min -tʋwli "a, ɛn te Bali yɩdɩ "yi "a 'e 'lɛ sɔɔdɩ -kaa 'ji.