1 Korɛnti 2:13 - Yaouré

¹³ Ɛn "yinun zɩɛ blamin -le 'wɩ 'tɔdɩ -dandan -a "cɛɛ -kaa -nan wɩ ve minnun lɛ dɩ. 'Pian 'wɩnun nɛn Bali lei 'saun -a "paa -kaa 'le bɛ, -a 'bɔ nɛn -kaa ve minnun lɛ. 'Wɩ 'kpa nɛn, 'wɩnun nɛn e cɩ Bali -le 'wɩ 'a bɛ, -kaa -ci "sia minnun nɛn Bali lei 'saun o "paala bɛ -wlɛ.

1 Korɛnti 2:13 ပူးပေါင်းရင်းမြစ်များ

Zozi Crizi -le 'wɩ 'nɔnnɔn nɛn Luk -a crɛn -tɛ 12:12

Kɔɔ 'wɩ nɛn 'kɔ 'ka vɩ bɛ, Bali lei -a "paaman 'ka 'ji tʋ zɩɛ -a wlu.»

Drɛwɩ (Actes) 2:4

Bali lei 'saun 'ta o pɛɛnɔn da 'nun, ɛn o 'wɩdɩ 'sia wei peenun -ji. Bali lei 'bɛ 'wɩ zɩɛ -a 'pa o 'le.

1 Korɛnti 1:17

Kɔɔ Crizi 'ka 'an 'palɛ -sia 'nan 'an 'ta minnun -batize drɛ dɩ. 'Pian yaan 'pa 'sia 'nan 'an 'ta 'yee 'wɩ 'nɔnnɔn vɩ minnun lɛ. Ɛn 'wɩ zɩɛ blamin -le 'wɩ 'tɔdɩ -dandan "cɛɛ maan "sia -e 'an vɩ minnun lɛ dɩ. Maan dra zɩɛ 'nan -e Crizi -le -ka nɛn yaa 'wʋ yiba "plan da bɛ, -yee 'plɛblɛ 'lɛ 'e 'fʋ "man.

1 Korɛnti 14:2

Fɛ nɛn maan ve zɩɛ -yɛɛ cɩ 'nan, min nɛn e "we weinun nɛn blamin 'ka -a -ci maan dɩɛ -a -ji bɛ, Bali lɛ nɛn e 'wɩ tin "baa, minnun lɛ "cɛɛ dɩ. Blamin 'ka 'kɔlaman -e 'e -ci man dɩ, kɔɔ 'wɩnun nɛn Bali lei 'saun a "paa -a 'le te yaa ve bɛ, -a -ci a 'e yɔɔdɩ minnun man.

1 Korɛnti 2:1

'An "bʋɩ Zozinɔn, 'an 'bɔ 'gʋɛ, zɩ an 'lʋ 'ka 'va bɛ, blamin -le 'wɩ 'tɔdɩ -dandan 'lee 'wɩdɩ sidɔ -a "cɛɛ an 'wɩ nɛn Bali -a drɛ bɛ -a 'vɩ 'cɛɛ dɩ.

1 Korɛnti 2:14

'Pian min nɛn e 'ta wʋla 'e 'bɔ 'wulo -ji wɩnun da bɛ, wɩnun nɛn e 'si Bali lei va bɛ, ya'a 'we "man 'nan 'wɩ 'kpa nɛn dɩ. -A san "e 'wɩnun zɩɛ -a "siala klin "tɛ wɩnun -a ɛn ya'a 'kɔlaman -e 'e -ci man dɩ. Fɛ nɛn maan ve zɩɛ, -yɛɛ cɩ 'nan 'wɩnun nɛn e 'si Bali va bɛ Bali lei 'saun 'bɛ -ci "sia min lɛ.

1 Korɛnti 2:4

Bali -le 'wɩ nɛn maan 'vɩ 'cɛɛ bɛ, blamin -le 'wɩ 'tɔdɩ -dandan 'lee 'wɩdɩ sidɔ -a "cɛɛ maan 'vɩ 'cɛɛ ɛn kaa 'man "yi "dɩ. 'Pian Bali lei 'saun 'bɛ 'nyranman 'pa 'plɛblɛ ɛn ka 'wɩ zɩɛ -a 'man "yi.

1 Korɛnti 9:11

An Bali -le 'wɩ 'vɩ 'cɛɛ, e ya "le fɛ 'wlɛ nɛn maan -fɔ. -Yee "wɛan nɛn -a -nɔan da nɛn -e -a -cin 'e 'kɔn paan 'an 'ji 'nan 'an 'ka 'pɛ "nɛn "fɛ -ble.

Efɛz 5:19

'Ka cin "koe "tɔ Bali -le 'fluba 'ji "drenun -fɔdɩ -a, 'lee Bali 'tɔ bɔ "drenun -fɔdɩ -a, 'lee "drenun nɛn Bali lei 'saun -a -cin -tɔa 'ka 'ji bɛ -a -fɔdɩ -a. "Drenun zɩɛ -a 'bɔ 'a nɛn 'ka Minsan 'tɔ bɔ 'ka 'bli pɛɛnɔn 'a.

Kolɔs 3:16

Crizi -le 'wɩ 'nɔnnɔn bɛ, 'e 'kɔn 'ka yei 'e 'ciɩladɩ "da! 'Wɩ 'tɔdɩ -a nɛn 'ka 'wɩ "paa 'ka cin ji, te ka -ko 'wɩ pladɩ -a 'ka cin lɛ. 'Ka Bali muo "fɔ 'ka 'bli pɛɛnɔn 'a, te ka -ko -yee 'fluba 'ji "drenun -fɔdɩ -a, 'lee -a 'tɔ bɔ "drenun -fɔdɩ -a, 'lee "drenun nɛn Bali lei 'saun -a -cin -tɔa 'ka 'ji bɛ -a -fɔdɩ -a.

1 Piɛri 1:12

Ɛn Bali -a -ci 'si -wlɛ 'nan, 'wɩnun zɩɛ ya'a dra o tʋ va dɩ, 'pian 'ka 'bɔ nɛn an 'fluba 'gʋɛ -a crɛn -tɛ 'cɛɛ bɛ, 'ka tʋ va nɛn e dra. 'Wɩ zɩɛ Zozi Crizi -le 'wɩ 'nɔnnɔn nɛn minnun -a 'vɩ 'cɛɛ bɛ, -nyrɛn. Bali lei 'saun nɛn Bali -ta -a bɛ, -yɛɛ 'wɩ zɩɛ -a 'pa o 'le. Bali -le 'pasianɔn 'bɔ nɛn laji nun bɛ, o ya "va 'nan "o 'wɩ zɩɛ -a -tɔa.

2 Piɛri 1:16

Kʋa 'vɩ 'cɛɛ 'nan -kaa san Zozi Crizi -ta pee wo -e 'e 'yee 'plɛblɛ pɛɛnɔn 'ci -kɔɔn. Fiɛn "cɛ kʋa 'pa 'cɛɛ dɩ, ɛn kʋ'a "nrɔnlɛ 'kʋ 'ji ɛn kʋa 'vɩ dɩ. 'Pian kʋ -yee -dan ci 'yɩ 'kʋ yiɛ 'a,