1 Korɛnti 13:2 - Yaouré

² Ɛn "nyian bɛ -te an Bali 'lewei ve, ɛn -te 'bɛ "cɛɛ dɩ -te an Bali -le 'wɩ yɔɔdɩ pɛɛnɔn 'ci maan, ɛn -te 'bɛ "cɛɛ dɩ -te an Bali -le 'wɩ pɛɛnɔn -tɔa, ɛn -te 'bɛ "cɛɛ dɩ 'mɛn yi -tɛradɩ Bali da -kɔlaman e pɔn "sʋala 'e 'klu -ji, 'pian -te ma'an min ye "yi "dɩɛ, 'wɩ pɛɛnɔn zɩɛ -a drɛdɩ bɛ, e ya 'wɩ "tun "a.

1 Korɛnti 13:2 ပူးပေါင်းရင်းမြစ်များ

Matie 13:11

Ɛn Zozi "e -wlɛ 'nan: «Kaa 'gʋɛ, 'ka lɛ nɛn Bali 'yee 'wɩ yɔɔdɩ nɛn 'e min "paala 'a bɛ -a -ci 'si. 'Pian minnun nɛn o 'ka 'an -sru "dɩɛ, "o 'wɩ pɛɛnɔn maan -kɔnnɛn "ji.

Matie 17:20

Ɛn Zozi "e 'nan -wlɛ 'nan: «'Cee yi -tɛradɩ Bali da a "wɛnnɔn, -yee "wɛan ka'a -kɔlalɛ -a drɛdɩ -a dɩ. Maan ve 'cɛɛ 'wɩ tɩglɩ 'a 'nan, -te 'cee yi -tɛradɩ Bali da a "wɛnnɔn "le fei fɛ 'wlɛ "wɛnnɛn -tʋ -le 'wɩ 'zʋ bɛ, kaa ve pɔn 'labɛ -yrɛ 'nan: ‹'I 'sʋra fɛ 'gʋɛ -a -nan 'i 'trɔa -miɛn›, yaa dra. 'Wɩ 'tʋ 'ka 'kɔan, te ka'a 'kɔlaman -a drɛdɩ -a dɩ.

Matie 21:19

E fijie yiba 'yɩ 'si man, ɛn e pli "man 'nan -e 'e 'blʋ -mie 'cɛn 'e -blɩ. 'Pian -a 'la 'saza nɛn yaa 'yɩ "da, ɛn e 'nan fijie yiba zɩɛ -yrɛ 'nan: «Te 'i 'blʋ -tʋwli 'e ba 'i man 'li "fo "dɩ!» 'Nun tɔɔn fijie yiba 'bɔ 'ka.

Matie 21:21

Zozi "e 'nan -wlɛ 'nan: «Maan ve 'cɛɛ 'wɩ tɩglɩ 'a 'nan, -te ka yi -tɛala Bali da bɛ, ɛn "nyian -te ka'a 'ci -fɔɔman dɩɛ, 'wɩ nɛn maan drɛ fijie yiba 'labɛ -yrɛ "bɛ, 'ka 'pɛ "sɔa -a drɛdɩ -a. Ɛn "nyian -te kaa 'vɩ pɔn 'labɛ -yrɛ 'nan: ‹'I 'sʋra 'gʋ, 'i 'kʋ -trɔa jemie -va bɛ›, yaa dra.

Drɛwɩ (Actes) 13:1

Bali 'lewei vɩnɔn 'lee Bali -le 'fluba "paanɔn a -leglizi nɛn Antiɔs bɛ -a -ji. O 'tɔ nɛn Barnaba 'lee Simeɔn nɛn waa laabo min tiidii "bɛ 'lee Sirene min Lusiyu 'lee Manaɛl nɛn o 'vale Galile 'lɛglɔn plazan Erodi -a o o 'lɛbʋ 'e cin va bɛ 'lee Saul.

Rɔmɛn 11:25

'An "bʋɩ Zozinɔn, 'wɩ nɛn -a -ci a 'e yɔɔdɩ minnun man bɛ, an ya "vale "ka -ci man. Kɔɔ an 'ka "vale 'ka 'fli see "paa -e 'wɩ 'pee -cin 'e 'kɔn 'ka 'ji 'wɩ zɩɛ -a da dɩ. 'Wɩ zɩɛ -nyrɛn 'nan, Izraɛl 'nɔn -mienun a "trɔɛn "yuyu 'tannan, 'nan 'o 'ka "vale 'o yi -tɛala Zozi da dɩ. E -fo zɩɛ -trilii -e tʋ nɛn 'lɛglɔn 'pee -ji minnun pɛɛnɔn nɛn Bali o laabʋ bɛ e o "sia 'wɩ 'ji bɛ 'e bɔ.

Rɔmɛn 15:14

'An "bʋɩ Zozinɔn, maan -tɔa 'nan, ka 'wɩ "yi "dra 'ka cin lɛ "fo. Ɛn 'wɩ nɛn e cɩ "le 'ka -tɔ bɛ, kaa -tɔa 'e 'ciɩla "da. Ɛn "nyian bɛ, maan -tɔa 'nan 'ka 'pɛ "sɔa 'wɩ 'padɩ -a "va 'ka cin lɛ.

Rɔmɛn 16:25

-Kaa Bali 'tɔ bɔ! -Yɛɛ 'ka 'man -tɔa 'plɛblɛ 'cee yi -tɛradɩ Zozi da -a. Zozi Crizi -le 'wɩ 'nɔnnɔn nɛn maan ve minnun lɛ bɛ, -a 'bɔ 'a nɛn e 'ka 'man -tɔa 'plɛblɛ. 'Wɩ 'nɔnnɔn zɩɛ -yɛɛ Bali -le 'wɩ yɔɔdɩ nɛn e -fʋ 'e yɔɔdɩ minnun man -a -nan lɛ 'ka lɛ va dɩɛ, -a 'ta bɔala minnun lɛ.

1 Korɛnti 11:4

-Yee "wɛan nɛn -klɔnmɔn nɛn e ya Bali trʋ 'banan, -te 'bɛ "cɛɛ dɩ, e ya Bali 'lewei vɩnan te fɛ -tʋ a 'e 'tɔdɩ -a -wulo -man bɛ, te e ya 'e 'tazan nɛn Crizi -a bɛ -a -tɛnan 'yra -a.

1 Korɛnti 12:28

Bali 'nyranman -pɛba 'wʋ Zozinɔn 'tʋdʋ pɛɛnɔn 'lɔ -leglizi -ji. -A tɛdɛ nɛn Zozi 'le 'pasianɔn 'a, ɛn -a "flizan nɛn Bali 'lewei vɩnɔn 'a, ɛn -a yaagazan nɛn Bali -le 'wɩ "paanɔn 'a. -Wee -sru "bɛ, Zozinɔn nɛn o -cɛ -srɔn "wɩnun dra bɛ o nɛn. -Wee -sru "bɛ, Zozinɔn nɛn o -cɛ "sia minnun man bɛ o nɛn. -Wee -sru "bɛ, Zozinɔn nɛn o "paa minnun va bɛ o nɛn. -Wee -sru "bɛ, Zozinɔn nɛn o -tɔa -si 'lɛ bɛ o nɛn. -Wee -sru "bɛ, Zozinɔn nɛn o "we weinun nɛn blamin 'ka -a -ci maan dɩɛ -a -ji bɛ o nɛn.

1 Korɛnti 13:1

-Te an weinun pɛɛnɔn nɛn 'trɛda 'gʋɛ o -fɔa "sidɔ, ɛn -te 'bɛ "cɛɛ dɩ 'nan an Bali -le 'pasianɔn nɛn laji bɛ o wei -fɔa "sidɔ, 'pian -te ma'an min ye "yi "dɩɛ, 'wɩ pɛɛnɔn zɩɛ -a drɛdɩ bɛ, e ya 'wɩ "tun "a. Te an ya "le 'nan 'kogoba nɛn e min man dra -wluwlu 'e "tun "bɛ -yee 'wɩ 'zʋ, -te 'bɛ "cɛɛ dɩ "le 'nan -pʋ nɛn e min man dra -wluwlu 'e "tun "bɛ -yee 'wɩ 'zʋ.

1 Korɛnti 13:3

Ɛn "nyian bɛ -te an yɩfɛ pɛɛnɔn -nɔan 'yalɛ -tɛnɔn lɛ, ɛn -te 'bɛ "cɛɛ dɩ -te an "we "man 'nan minnun 'an 'tɛ 'blɩ an 'ka "vale 'an "sia Bali -sru "dɩ -le "wɛan bɛ, 'pian -te ma'an min ye "yi "dɩɛ, 'wɩ pɛɛnɔn zɩɛ -a drɛdɩ bɛ, e ya 'wɩ "tun "a.

1 Korɛnti 13:8

Yi -tʋ bɔa "bɛ, te Bali 'lewei vɩdɩ 'wɩ 'nyan. Ɛn te weinun nɛn blamin 'ka -a ci maan dɩɛ -a -fɔdɩ 'wɩ 'nyan. Ɛn te Bali -le 'wɩ yɔɔdɩ -tɔdɩ bɛ -a 'wɩ 'nyan. 'Pian fɛ -tʋwli "cɛ 'bɛ 'fo -nan, -yɛɛ cɩ min yɩdɩ "yi "a.

1 Korɛnti 14:29

Ɛn "nyian bɛ, Bali 'lewei vɩdɩ bɛ, 'e drɛ min -tʋ, min "fli, -te 'bɛ "cɛɛ dɩ, min yaaga. Ɛn min -mienun 'o 'wɩ zɩɛ -a fa 'si!

1 Korɛnti 14:39

-Yee "wɛan, 'an "bʋɩ Zozinɔn, 'ka -wɛɛ 'nan 'ka Bali 'lewei ve. Ɛn -te min a 'wɩnan wei nɛn blamin 'ka -a -ci maan dɩɛ -a -ji bɛ, 'ka 'tʋɩ 'e vɩ.

1 Korɛnti 14:4

Kɔɔ -te min "we weinun nɛn blamin 'ka -a -ci maan dɩɛ -a -ji bɛ, -a 'bɔ 'fli -le yi -tɛradɩ Bali da 'bɛ "paa "da. 'Pian min nɛn e Bali 'lewei ve bɛ, Zozinɔn pɛɛnɔn 'le yi -tɛradɩ Bali da nɛn yaa "paa "da.

1 Korɛnti 15:51

'Wɩ 'tʋ nɛn e ya 'e yɔɔdɩ blamin man bɛ, an "ta -a -ci ve 'cɛɛ. -Kaa pɛɛnɔn 'ka 'cɛan -kaadɩ man dɩ, 'pian Bali -kaa pɛɛnɔn 'kɔlɛ limlan.

1 Korɛnti 16:22

Min nɛn ya'a Minsan ye "yi "dɩɛ, Bali 'e 'wɩ "nɛn -kɔɔn -a san lɛ. Maranata! Minsan 'e 'ta!

1 Korɛnti 4:1

'Wɩ nɛn -a -cin 'e 'kɔn 'ka 'ji 'kʋ 'va zia bɛ -nyrɛn 'gʋ, kʋ ya Crizi 'sunɔn 'a, ɛn e 'kʋ 'pla 'nan 'kʋ Bali -le 'wɩ yɔɔdɩ "paa 'ka 'ji.

1 Korɛnti 7:19

-Te min a 'e -fɔdɩ -klɔnmɔn -va bɛ, e ya 'wɩ "tun "a. Ɛn -te min 'ka 'e -fɔdɩ -klɔnmɔn -va dɩɛ, e ya "nyian 'wɩ "tun "a. 'Pian 'wɩ nɛn e cɩ 'wɩ -dan a bɛ, -nyrɛn 'nan, min 'e 'ta wʋla 'wɩ nɛn Bali -a 'vɩ bɛ -a da.

1 Korɛnti 8:4

-Yʋ -pan wi -blɩdɩ bɛ, -kaa -tɔa 'nan, -yʋnun 'bɔ "ka "dɩ. Bali a -tʋwli, ɛn fɛ pee "ka -e 'wɛɛ 'sia "nyian bali -a "fo "dɩ.

2 Korɛnti 12:11

An 'wɩ tin 'ba 'cɛɛ "le 'an 'wulo 'ka 'an da dɩ. Cɛɛ -maan maan drɛ zɩ. Kɔɔ cɛɛ 'wɩ -dandan ve paan 'an man, 'pian ka'a drɛlɛ dɩ. An 'ka fɛ -tʋ -a dɩ, 'pian Zozi 'le 'pasianɔn nɛn o -dandan "taan 'labɛ, maan -tɔa 'nan an 'ka o man "wɛnnɔn Bali -le 'wɩ 'ji dɩ.

Galatɩ 5:16

-Yee "wɛan maan laabo 'ka 'lɔ 'nan: 'Ka 'ta wʋla Bali -sru -yee lei 'saun 'le 'plɛblɛ 'a! -Te kaa drɛ zɩɛ, ka -kɔlaman blamin ci 'sɔ wɩ -wlidɩ 'klɩdɩ -a.

Galatɩ 5:22

'Pian -te Bali lei 'saun 'bɛ min "paala bɛ, zɩ -a "nɛn bɔala 'gʋ: -A san min ye "yi, ɛn -a san ci "nranman, ɛn -a san man yra flɩɩ, ɛn -a san 'e 'man -sɛanla 'wɩ 'ji, ɛn -a san a min 'kpa 'a, ɛn -a san ci a "yi, ɛn min yi -tɛala -a san da.

Galatɩ 6:3

Maan ve 'cɛɛ 'nan, -te min 'e 'fli 'sia 'nan 'e 'kpa "mlian 'e "bʋɩ Zozizan 'tʋ da bɛ, te e ya 'e 'bɔ 'fli see "paanan, kɔɔ -a tɩglɩ da bɛ -a 'bɔ "nyian "e 'ka 'wo fɛ -tʋ -a dɩ.

Efɛz 3:4

-Te kaa ta 'vɩ bɛ, kaa -kɔnnɛn "ye 'nan, 'wɩ nɛn Crizi -a drɛ minnun -le vɛ -a, te -a -ci a 'e yɔɔdɩ o man bɛ, e 'ka 'e yɔɔdɩ "mɛn "man dɩ.

Efɛz 6:19

Ɛn "nyian bɛ, 'ka Bali trʋ 'ba 'mɛn 'nan, 'wɩ nɛn 'kɔ 'an vɩ bɛ 'e -cin -tɔ 'an 'ji. Ɛn 'nan -si 'e 'lɛ 'sʋ 'mɛn, -e 'an Zozi 'le 'wɩ 'nɔnnɔn nɛn -a -ci a 'e yɔɔdɩ minnun man bɛ, -a -ci vɩ -wlɛ.

Kolɔs 1:26

Bali -le 'wɩ 'bɔ zɩɛ, 'li bɛ te e ya 'e yɔɔdɩ minnun man. 'Pian 'bɛ nɛn 'gʋɛ, Bali -a kɔɔn 'wein minnun nɛn o cɩ -yee vɛ -a bɛ -wlɛ.

1 Timote 3:16

'Wɩ 'kpa nɛn, -kaa pɛɛnɔn pei a -tʋwli 'nan, 'wɩ yɔɔdɩ nɛn -cee yi -tɛradɩ Zozi da -a bɛ e ya -dan. -Nyrɛn 'nan Zozi drɛ blamin -a, ɛn Bali lei 'saun -a -ci kɔɔn 'nan ya'a 'wɩ 'wlidɩ -tʋwli "drɛlɛ dɩ. Bali -le 'pasianɔn -a 'yɩ. 'Wɩ nɛn Zozi -a drɛ bɛ, waa -nan 'sinan 'pa 'lɛglɔn pɛɛnɔn 'ji 'nɔn lɛ, ɛn minnun yi -tɛra "da. Bali 'tɔ -dan -nɔn -yrɛ laji lou.

1 Zan 4:8

'Pian bii nɛn yi'a min ye "yi "dɩɛ, te yi'a Bali tɔa dɩ, kɔɔ Bali min ye "yi.