Taitasibai 3:5 - Yareba

⁵ Yana kobere uetaba Dawa ya ma wirotawa, Dana yaba enademi torowa neno arama derawere uteda iba ya ma wiroi. Dana yanu ba me ueta uroe me siniro Danu Imumu Kotofuma ya reka kuita ari mune odite Danu reka wiroeta yaba mai.

Taitasibai 3:5 ပူးပေါင်းရင်းမြစ်များ

Matiunu 3:11

Ya yanu neno neno ueta dubena afu sanaitana ya ogoma babataito utatane. Nono mui amara nanu buribi afiro Danu buna derawere na ari me. Nana kobererau meba Danu ibo didi da inare tumau. I amarama ya Godinu Imumuini ina yaretama babataito uegou ufisu wei.

Rukanu 1:50

Ana anama Dawa imuegou ufitaro awona uwaraini nesia neno arama derawere ufisu watane. Danu age bunawere. I siosa imueta sasae bobo uwara ma beratasuro aika maika anaita.

Rukanu 1:54

Danu bodere durua ueta neno arama we bou ueta imutasute ya Isaraero uwara durua utasu.

Rukanu 1:78

Godima ya neno arama derawere utasuba i dera ario ari ureroma tarafite i dumuini uietanu utumuro ibinita uwara ario ufite yanu daba mawetu ufiro merau ibifeisi watane wei.

Romani 11:6

Godi Danu unu derawere utedaba ema mune odi. Nono yanu ueta kobererau uforo efite iba eno utawa, Danu unu ya, iba eno durua ui. Yanu gaukara uetaba eno ufirona Danu yabai durua uetana ba durua ueta me.

Romani 12:2

Ewa orofa atata nautawa uwaranu me ibeta ari da uawe. Yanu imueta Godibai odiawero Dana yaba reka imueta mafi. Eno ufiro yana Godinu imueta iwata ufote yaru uteda kobere ueta torowa uegou uteiboita.

Romani 3:20

Enoba imue eawe! I tarawatu sina uegou utaita uwarama Godinu iboro rorowarau da inafitaita. Godinu tarawatu sina, ima yanu siosawere ueta ma borobarasuro yanu torowa yanu siosawere ueta iwata utaisi.

Romani 3:28

Nana eno watane, anama Yesu Kerisobai danu naueta odasuna dawa Godibai ibinu. I tarawatu sina ima dawa ma rorowarau utawa utasu. I naueta torowa ima dawa ma rorowarau utasu iba eno watane.

Romani 4:5

Emanu wiroetaba emanu torowa gaukara utawa utaita uwara, Godima emanu neno, me ma rorowarau utasu. Enoba anama i tarawatunu ueta utawa utasute danu naueta Godibai odegou utasuna Godima eno we imutasu, i amaranu nauetaba danu nenona rorowarau we imutasu.

Romani 9:11

I aweta Rebeka dia munebina i amara sadei desini ubarero ibeda kobererau aba siosawere utawa usiro Godima ereda Rebekaba wei, i botai amarama i dubu amaranu gaukara ueta amara sibisu wei. Godi Danu unu ufie uteda iba eno wei. Dawa unutawa mui amara ueta derawere ufisuba botai amara sineta. Danu unu dubu amara Dana weiba botai amara sini.

Romani 9:16

Enoba emenu unuini emanu utaita sinaitaini kobererau weda iba eno da ufisu. Godi Danu unu durua uetaba iba eno ufisu.

Romani 9:30

Ibago anene webeisi? Eno webeisi, i aika uwarama i kobere ueta mubitae uteda gaukara utawa uteda emanu naueta torowa Godibai odebitaro Godima ema ma rorowarau utebi.

1 Korinita 6:11

Yabai moana uwara bodere eno utebita. Yana Yesu Keriso imutaba Godinu Imumu Kotofuma yanu neno uroite ya mune aika Godibai odiro Godima Yesu Kerisoini Danu Imumu Kotofunu ifuro yana kobererau wei.

Efesa 2:4

Godi Dawa unutawa ya uwaraba fanisi maeta. Danu ununa neno arama ueta. Siosa nenonu imueta unu uteda Godiba gifena usite uinono ari ue ibisiro Dana yaba ibo utawa neno arama derawere uteda uietaroma ari Yesuini yaini nesia ma uyariro kobererau ibinisi. Godi Danu torowa ya durua uteda ma wiroi.

Efesa 4:23

Idoba reka imueta imuawete reka neno muawe.

Efesa 5:26

Yesu Keriso Danu ununa Danu naueta uwara Godibai mune odifie Danu sina emaba maite babataito uiba toafurau ibinita.

Korose 3:10

Yana reka uwara sita. Godima yanu reka neno ubu uiba kowa mui muiro ue ereda iwata utaitate Dawa ari sinaita.

2 Timotibai 1:9

Boderewere Godima Danu unu uite Danu kobere durua ueta Yesu Kerisoro yaba mai. Nono awonana yanu ma wiroeta Amara Yesu Kerisoma farite i uietanu buna ma serigari ue eta sanite Godinu kobere sinaroma me ibene ibene ibeta wiroeta we ma boroyariro ereda iwata utaisi.

Taitasibai 3:4

Eno utedibisina yanu ma wiroeta Godi Dawa yaba neno arama uteda kobererau uite ma wiroi.

Iburu 4:16

Enoba da iya uyafete yanu imueta ma kimu ufete Godinu kobere durua ueta yaure yawoetanu orofaro anibeisi. Iro anibeisina Godima yaba neno arama uteda durua ufiro siosawere da ufete me ane ibeibeisi.

1 Fitanu 1:3

Godinu Dera Waria Amara Yesu Kerisonu Damamanu ifu we ma derawere ufene watane. Godi Dawa yaba neno arama derawere uteda Yesu Keriso uietaroma ma uyariba yana Kerisobai ane wirosite reka me ibene ibene ibeta imutaisi.

1 Fitanu 2:10

Boderena yana ba uwara me. Nono owonana yana Godinu ba uwara. Bodere yana Godinu neno arama ueta iwawa utebita. Awonana Godima yaba neno arama utasuro iwata utaita.

1 Fitanu 3:21

I sina imue eawe! I bodere uetama i babataito uetanu ubi ma boroyari. I babataito uetana yanu wiroetanu daba. Ima yanu ofe urotawa utasu. Yana babataito uteda Yesu Keriso Dawa uietaroma uyari imutate imueta iga me kobererau imutaitate wirotaita.