Taitasibai 2:2 - Yareba

² I dera ofe kimu uwaraba eno we mawetu ua. I dera ofe kimu uwarama ane ane siosawere da ufitate nabirau ufitate imueta kobererau imuteda kobererau webitate Godinu sina nauteda imufitate neno arama uteda nesia rorowarau ufitaita eno webaro naufitaita.

Taitasibai 2:2 ပူးပေါင်းရင်းမြစ်များ

Makanu 5:15

Fare etana i seitaninu moana siosa imumu faiyawerema rewoe ibita amara danu beforo kobererau uiro wadia yurite yaubiba etate i uwara iyata.

Rukanu 8:35

Su uwarama i ueta nesia efitae anita. Ane Yesubai fatana seitaninu moana siosa imumuma ekoita amara, dawa beforo kobererau uiro wadia yuriro wadia bobo yaubiro etate iyata.

Romani 12:3

Godima naba neno arama uteda nanu gaukara maiba iba wemaro nauawe. Yana yanu torowaba ya derawere eno da we imuawe. Yanu ifu we ma derawere da uawe. Godima naueta yabai odiba iba yanu torowa kekerama imuawe.

1 Korinita 15:34

Gogore da uawete i siosawere ueta nesia kodiawe. Moana uwarama yabai ibeda Godi iwata me. Ema Godi iwata meba ina ya uwaranu kerere.

1 Korinita 9:25

I sirakaini waribo aika maika utaita uwarama mui yajara ufisu moko mubitae iba emanu ofe ubu yawoegou utaita. Nono yaini naini i yajara ufisu moko da mubeisirogo nono i me ibene ibene ibeta moko Godibai mubene iba Godinu gaukara uegou utaisi.

2 Korinita 5:13

I uwarama waita, Foroini danu uwaraini emana gogore bobo waita. Ya Godinu gaukara utaisiba iba eno waita. Nono ya imueta rorowarau imutaisina ya Korinita su uwara Godi imuegou ufoe iba eno imutaisi.

Firifai 4:8

Naiyemutu, nanu dubu sina ewado eawe. I ba uetaini kobere uetaini emeba rorowarau uetaini roatarau imuetaini araetawere imuetaini ure nudarau uetaini ane anena kobererauro Godi we ma kobererau ueta iyana imuegou uawe.

1 Tesoronaika 5:6

Idoba toafurau yawoawe. Aika uwarama nauta kunawere ainebaitaba ya enanari da uawete inare kimu uteda yawoegou uawe.

1 Tesoronaika 5:8

Yana i kowanu adarabuba kimu ogoma gogore da ufete yanu Godi imuetaini neno arama uetaini o dadau ueta aiyoni bira ari dadau ufete yanu Yesu Keriso ma wirotasu imueta kofi barueta ari barufeisi. Seitani ya ma serigari da ufiro Yesuma ya daido ma wirofisu.

1 Timotibai 1:14

Yanu Dera Waria Amarana kobererau. Nana Dawabai taka ue odineba Dana naba we mawetu utasuro nanu naueta Dawabai odeda Danu neno arama ueta ari enanari emebai neno arama utatane.

1 Timotibai 1:2

Timoti ewa sina ea. Bodere nanu we sina nauiba Yesunu sina naueta amara siniro iba aba nanu amara ari watane. Yanu Baba Godini yanu Dera Waria Amara Yesu Kerisoini Emana a kobererau durua ufisite Emanu wesa ueta aba mafisiro merau ibifae watane.

1 Timotibai 1:5

I Efesa su Godinu naueta uwarama neno arama uegou ufitate nenoma kobererau ufitate Godi imuegou ufitae iba watane. I tisa uwarama nanu sina ina iwawa utaitate urane yarane utaitate me sara waita.

1 Timotibai 3:11

I dikoninu awetabona kobererau ibifitaita. Ema kimu ogo da ifitate gogore da ufitaita. Moana uwarabai emeba siosawere weda emanu sina da woure tobo tufitaita. Eme da we irufitaita. Emaba kobererau ufitaita.

1 Timotibai 3:2

I dubu su yawoeta amara dawa kobererau ueta sineta uteda ibifiro uwarama dawa siosa amara da webitaita. Dawa aweta sadei me. Dawa aweta demurai amara. Dawa i nesia ititi kakara bobo kekerama ufisu. Dawa kobere imueta amara. Dawa sina kobererau webisu. Dawa moana uwaraba bana webisu. Dawa kobere we mawetu ueta amara. Dawa kimu ogo ie beforo arama ueta amara me. Dawa urane yarane da ufite kobererau ibifisu. Dawa oi muneta torowa amara me.

1 Timotibai 3:4

Dawa danu su kobererau yawoteda danu adarabu kobererau yawofiro danu adarabu gifena da ufitate emeba ititi kakara ufitaita.

1 Timotibai 3:8

Dikoni sinana edono, dikonini yawoeta uwaraini emanu ueta sineta arotorowa. Dikoni uwarana kobere ueta sineta uwaraba emema ereda emaba ititi kakara ufitaita. Waini ogo derawere da ifitaita. Ema unutawa oi muneta torowa. Ema sina meo wiawa baro torowa webitaita.

1 Timotibai 5:1

Nanu emeba kakara ueta sinana edono, a reka amaraba i dera uwara nesiaba iba sina webasuna ibo bobo da wia. Anu amamaba kobererau wasu sina ari emaba wia. I reka uwara nesia anu atae abuebai utebasu i ari i uwarabai enanari ua.

Taitasibai 1:13

Eno wei danu sinana ba. Enoba emanu naueta kobererau ufie emaba derawere we kakara uteda kobere dabaro woure ane odia.

Taitasibai 1:8

I uwarama uwara aika maikaba bana webitate emanu unu kobererau ueta torowa ufitate emanu imueta yawoegou ufitate emebai kobererau ufitate siosa imueta da imufitate ane aneba ibo da ufitae watane.

Taitasibai 2:7

Ana i uwaranu eretaba kobere ueta aika maika uaro efita. A we mawetu utedana ba sina torowa wiate sawadi da uate rorowarau ua.

1 Fitanu 1:13

Yana gaukara utedana yanu imueta ma kimu uawete ue bou uawe. Yesu Keriso Dawa fafisuna Godima ya kobererau durua uteibisuba iba ereda yawoawe.

1 Fitanu 4:7

Ewa orofa atatanu ibaiabai nesia me sibie utasuba yana guriguri ufoe uteda me sara siosa da ibiawete yanu torowa yawoegou uawete imuegou uawe.

1 Fitanu 5:8

Toafurau yawoforo yaba wasai utasu amara, seitani, dawa dera awe orowa kua ari eme afie kekerama dobereda kaka ue inarasu.

2 Fitanu 1:6

Ure nudarau weta yanu iwata ueta deiro odiawe. Neno kimu uegou ueta yanu ure nudarau ueta deiro odiawe. Godinu ueta sineta ari yanu neno kimu uegou uetanu deiro odiawe.