Taitasibai 2:1 - Yareba

¹ Nono ade! Godinu kobere ueta sineta sina ba we mawetu utebea.

Taitasibai 2:1 ပူးပေါင်းရင်းမြစ်များ

1 Timotibai 6:3

Anama Yesu Kerisonu kobere imueta ina Godinu imueta da we mawetu ufite nono aika uwaranu imueta we mawetu ufisuna dana sasae bobo amara, danu beforona buna me. Danu ununa bebetuma yaraneta. Moana uwaraini sina faiyawere we matafie uteda uwaranu sina serigari ufie utasuba urane yarane ufitate wawei meo webitate uwaraba siosawere imufitaita.

2 Timotibai 1:13

Godinu ba sina faiyawere aba wero nauiba enanari uegou ua. Yesu Kerisoma Danu neno arama uetaini imuetaini aba maiba enanari emeba neno arama uteda Godi imuegou ua.

Taitasibai 1:9

I uwarabai Godinu ba sina we mawetu utaro nauta. I uwarama Godinu ba sina da ekodifitate imuegou ufitate moana uwarabai we mawetu ufitaro naufitae watane. Moana uwarama emanu sinaba bebetuma yarafitaitana i uwaranu siosa imueta ma wirofitae watane. I dubu su yawoeta dera uwarana eno ereda we mune ode ode ua.

Taitasibai 3:8

Nanu ununa i naueta uwaraba i sina wegou ufaro i uwarama naufitate kobere ueta torowa ufitaro ima i uwara ma kobererau ufite emanu neno ma rorowarau ufie iba watane.

1 Fitanu 4:11

Ananu buna buna maetana durua ueta, dawa Godinu bunama wegou ufisu. Ananu buna maetana durua ueta, dawa Godinu bunama eme durua uegou ufisu. Yana Yesu Kerisonu ifuro eno uawero emema ereda Godinu ifu we ma derawere ufita. I bunaini araetaini Godibai me ibene ibene daido ibeibisu. Nanu sina ido.