Taitasibai 1:16 - Yareba

¹⁶ I uwarama eno waita, yana Godi iwata utaisi waitate eno wedarogo nono siosawere utaitaba i uwarana ema Godi iwata me, ina ya iwata utaisi. I uwarana imueta igawerero gifena uwara. Emana siosawereba kobere ueta utawa utaita.

Taitasibai 1:16 ပူးပေါင်းရင်းမြစ်များ

Romani 1:28

I uwara ema unutawa Godi. Enoba Godima ema ekodiro emanu unu ibaiabai siosararabo utebita. Enoma enoma utebitana emanu imueta igawere utebiba siosawere ueta torowa utebita.

Efesa 5:6

Emenu siosawere irueta sina da nauawe. Enoba Godima Dawabai gifena utaita uwaraba ibo derawere ufite fanisi mafisu.

1 Timotibai 1:9

Nono Godima ya ma wiroiba i tarawatuna yanu tarawatu me, ina i siosawere utaita uwaranu. Moana uwarama mui tarawatu ekodaitate dera uwaranu sina nautawa utaitate Godi imutawa utaitate ba me utaitate Godinu sina nautawa utaitate sina siosawere waitate danua damamaini emeini ma uitaitate dita yagera faraita. Sodomu su uwaranu siosa ueta enanari amara sadeima aweta awera ari utaita. Eme mame muneta utaita, meo waita, wawei waita. Nono yanu araetawere Godinu kobere sina, i sina nana watane. I we mawetu ueta sina abanaro ma siosa uteibitate aika maika siosawere uteibitaitaba iba Godima i tarawatu Mosesibai mai. Iba naini Godinu kobere sina emaba watane.

1 Timotibai 5:8

Anama danu danata demurai uwara da yawofisuna dana ba me. Anama danu iwa demurai uwara da yawofisuna dana siosa derawerero nono Godinu sina nautawa aika uwaranu ueta siosana otowanono.

2 Timotibai 3:17

Godima ya ane ane kobere ueta ufene Danu sina mateda ima ya ue bou utasuba kobere ueta sineta ufeisi.

Taitasibai 3:1

Anu uwaraba eno wia, i gaemani dera yawoeta uwara nesianu sina nauawete gifena da uawete ba gaukara uegou uawe, eno wia.

Taitasibai 3:3

Nono yaini naini bodere eno utebisi, yana me sara sara ue, gifena ue, moana uwaranu meo sina nauteda daba aika maika ane, yanu siosa nenonu waribo unu danu sabua ueta uwarana ya, eno ue, uwaraba woroworo ibo uteda diti uro owere ma owere ue, yanu yanu neno ka ue matane, enoma enoma utedibisi.

1 Joninu 2:4

Anama Dawa na iwata utatane webite nono Danu sina da mubisuna dawana meo bobo amara, dawabai ba sina me.

Judenu 1:4

Moana Godi imutawa tisa uwarama yabai kiwuma fare eno weita, ya uwara yanu unu ane ane siosa ufoitana uawero Godima yaba fanisi da mafi eno weita. I uwarana meo bobo uwara. Godima wei fanisi sina enanari emaba fanisi daido mafisu. I uwarama Godinu kobere durua ueta sina ma siosa utaitate Yesu Keriso ekoitaba emaba fanisi mafisu.

Jonibai We Ma Boroyari Sina 21:27

Igawere ememetuma i tauniro da anibitaro i siosawere uetaini meoma weta uwarama iro da anibitaita. Ana ananu ifu ifu i Reka Mamoenu wiroeta bukaro ibifitaitana emanu torowana iro anibitaita.

Jonibai We Ma Boroyari Sina 21:8

Nono i jaburararabo uwaraini i nauegou utawa utaita uwaraini imueta igawere uwaraini eme ma uieta uwaraini dita yagera fareta uwaraini wada barau ueta uwaraini emanu torowa agema ubu ueta godibai guriguri ueta uwaraini i meoma weta uwaraini ema nesia i uitawa gajiga dei inaro sabiro itafitaita. Ina i uieta dubu oname ido, eno weiro naue.