Jonibai We Ma Boroyari Sina 9:20 - Yareba

²⁰ Nono i siosawere uetaba uitawa me ibita uwarama emanu siosawere ueta dubena afu sanawa uta. Emanu agema uta godi ekodawa uta. Emana i siosawere imumuini i goruini burasini gebiroini anaini ima ueta ditima ba erawa sina ba nautawa ba inarawa meo godi ekodawa emabai siboro sanebita.

Jonibai We Ma Boroyari Sina 9:20 ပူးပေါင်းရင်းမြစ်များ

Matiunu 21:32

Eno weite nono wei, Jonima farite Godinu kobere sina webina yana dawa nautawa utaro i takesi muneta uwaraini emeba uyare fareta awetaboini emana danu sina nauta. I uwarama eno utaro yana etate yanu ba me ueta dubena afu sanawaba danu sina nautawa uta Yesuma eno wei.

Afosoro 17:29

Yana Danu sisia uwaraba Godi Dawa siriwa, o goro, o gebiro, o emenu imueta ememetuna i ari me, eno da imufeisi wei. Bodere uwarama Godi iwata meba iba Godima ema ibo utawa. Awonana Dana ya uwara nesiaba eno buna wasu, yanu neno neno ueta dubena afu sawe wasu wei.

Afosoro 7:41

Weitate borumakaunatu goruma ubu utate borumakauba fuyo mata. Emanu ubu uetaba yaru derawere uta.

2 Korinita 12:21

Na iro famate emauna Godima na ma kikiratu ufisu. Yabai moana uwarama ba mewere utebitana emanu ba me ueta dubena afu sanawa uteda me ibebita. I uwarama ba me uetaini dita yagera ueta faiyawere utebita. I ba me ueta dubena afu sanawa me ibinita emaba neno siosa uteda maru umate i uwaraba i wemau.

1 Timotibai 4:1

Godinu Imumu Kotofuma eno wasu, uwara faiyawere i dubu kowaro Godi ekodifitate seitaninu tisa uwaranu meo we mawetu ueta imufitate emanu dabaro anibitaita wasu.

Jonibai We Ma Boroyari Sina 15:1

Nana ereta derawere ere. I eretanu ubina derawere. Nana erena aneru sewenima siosawere ueta woutaro ere. I siosawere uetana i dubu siosawere ueta. Godima ibo uteda eno ufite nono mui daido da ufisu.

Jonibai We Ma Boroyari Sina 16:8

Nono i mui aneruma danu korube nabero ma wegari uiro i siosawere ueta kowa deiro itariro Godima ere ekodiro kowama inanu wakiki ari uite eme yari.

Jonibai We Ma Boroyari Sina 9:19

I osi nesianu bunana emanu bebeturoini toromaro ibita. Emanu toromana kofiri bobo tabai ari. Ima uwara ma siosa utebita.

Jonibai We Ma Boroyari Sina 9:21

Emana eme ma uietaini wada barau uetaini dita yagera faretaini waira uetaini i siosawere ueta nesia emanu dubena afu sanawa uta.