Jonibai We Ma Boroyari Sina 9:1 - Yareba

¹ Eno ue me siniro i mui dubu aneru danu tawuyo ubuiro nanu tubetuberoma erena i bodere ureroma nasiniro itari muina ere. I muinaba i dera nasini eba ma ereareta ki mairo maibi.

Jonibai We Ma Boroyari Sina 9:1 ပူးပေါင်းရင်းမြစ်များ

Rukanu 10:18

Weitaro Yesuma emaba wei, eno utebitana bida mamebasu i ari seitanima ureroma ewaro tare ureiro ere wei.

Rukanu 8:31

Weiro seitaninu moana siosa imumuma Yesuba weita, i siosa kabesiro ya siaia da ua weita.

Romani 10:7

Enanari nono anama emeda nasini ubarero i uieta uwarabai tanibite Keriso iroma woure etu deiro amufiro me ibifisu eno da we imuawede. I eno imueta daba ibawa me.

Jonibai We Ma Boroyari Sina 1:20

Nono i muina nesia seweni Nanu banibira age afu ibaitaro erinu, i goruma ubu ueta ekiwa erinu, ina kasei sina. I sinanu ubina eno, i muina sewenina eno, i dubu su nesia seweninu aneru. I ekiwa seweninu ubina eno, i ekiwa sewenina i dubu su nesia seweni, Dana naba eno wei.

Jonibai We Ma Boroyari Sina 11:7

Ema sadei Godinu sina we me sibisisina i bunawere egi ari amara ido nasini dera ebaroma amufite i amara sadeini urafite dana i amara sadei ure ma uifisu.

Jonibai We Ma Boroyari Sina 17:8

I erinu buna egi dana bodere ibebe nono awona ibawa utasu. Dana i nasini yafawere ebaroma nasiniro sau amufite anibiro Godima dawa ma siosa ue me sibisu. I nasiniro ibifitaita uwara, i uwara emanu ifu ifu i me ibene ibene ibeta uwaranu bukaro owawa ue odawa ui. I uwarama i buna egi dana bodere ibebe awona ibawa utasute nono duburo nono fafisu, i uwarama dawa ereda neno kirifu ufitaita wei.

Jonibai We Ma Boroyari Sina 20:1

Nana nono erena mui aneruma ureroma tarareda i nasini yafawere ebanu ki mamite nono urumwere seni wourite tarariro ere.

Jonibai We Ma Boroyari Sina 20:10

Ido seitani dana i nasiniro eme faiya faiyawere iruteda danu dabaro woure ani. Godima dawa i uitawa gajiga ina mesau ubarero saniro dana i buna egini meo we bou ueta amarabai itari. Emana iro dumuini kowaini me ibene ibene ibeda oferi derawere woureibitaita, nana eno ere.

Jonibai We Ma Boroyari Sina 6:13

Oyauma boruba ana tai beruwere ma rarewari utebasuro nasiniro itarebasu i ari ureroma muina burubatate nasiniro itataro ere.

Jonibai We Ma Boroyari Sina 8:10

Eno ue me siniro i mui aneru danu tawuyo ubuina mui dera muina ekiwa ari bububu ue nasiniro tarari. I mui afu nasiniro erio ogoini i ogo nesia ubarero itari.

Jonibai We Ma Boroyari Sina 8:12

Nono i mui abana aneru danu tawuyo ubuina i kowaini sakaraini muinaini emanu mui afu ma siosa uiro emanu mui afu ariona me siniba i dumuini kowaini emanu ariona derawere me.

Jonibai We Ma Boroyari Sina 8:2

Nana tubetuberoma erena aneru seweni Godibai inaibitaro emaba tawuyo seweni mairo muta.

Jonibai We Ma Boroyari Sina 9:2

Dana i ki mameda i dera nasini eba ma ereariro iroma gibori derawere amui. Inama koe derawere yarebaita gibori i ari amuite kowaini goso nesia giborima garari uiro dumu derawere sini.