Jonibai We Ma Boroyari Sina 8:2 - Yareba

² Nana tubetuberoma erena aneru seweni Godibai inaibitaro emaba tawuyo seweni mairo muta.

Jonibai We Ma Boroyari Sina 8:2 ပူးပေါင်းရင်းမြစ်များ

Matiunu 18:10

Koiniboroba ewa amakanu ari emaba me sara nenoma ibo da uforo! Yaba ba wemaro nauawe. Emanu yawoeta aneruna urero Nanu Bababai ibinitaba iba emaba ibo da uforo wei.

Matiunu 24:31

Dawa fafite areda Danu aneru siaia ufie tawuyo ubufiro anibitate Danu muneta uwara kowa amueta afuro kowa itareta afuro ufuniro manamaro aboro aboro nesia ane mubitaita wei.

Rukanu 1:19

Weiro aneruma dawaba wei, nanu ifuna Geibero. Na Godibai ibatane wei. Godima na ewa kobere sina aba wemane iba siaia usinuro iba fanea wei.

Rukanu 21:36

Eregou uforo! Buna muboe guriguri uforo i siosawere fafisu uetama ya ma siosa da ufiro i Ba Eme Sini Amaranu iboro me inafoita wei.

1 Korinita 15:52

Godinu dubu tawuyo ubufiro ya diti naifunono ufete reka ofe mubeisi. I dubu tawuyo ubufiro i uieta uwara ma uyafiro reka ofe mubitaro ya me ibinisi uwarama reka ofe mubeisi.

1 Tesoronaika 4:16

Yanu Dera Waria Amara ureroma tarafisuna Dawa yua derawere webiro i botai aneruma sina derawere webiro Godima Danu tawuyo derawere ubufisu. Eno ufiro Yesu Kerisonu uieta uwara uriroma botai uyafitaro nono ya, ewa orofaro uitawa reka me ibinisi uwaraini emaini gosoro manibete nono ya nesia yanu Dera Waria Amara urero atafete yanu Dera Waria Amarabai mane me ibene ibene ibifeisi.

Jonibai We Ma Boroyari Sina 1:4

Na Joni, nanu sina ya Eisia orofaro dubu su seweni (7) ibinita uwaraba owawa ue odatane. Nanu ununa Godi Dana boderewere ibebe awonaini daido ibinu, nono duburo fafisu, Dawaini Dana i urero dera yaubetabai ibinu Amara, Dawana Godinu botai uietaroma uyari Amara, Dawana i orofa atata yawoeta dera uwaranu yawoeta dera kofiri. Nanu ununa Godini Imumu sewenini Yesuini emana yaba kobererau durua ufitate emanu wesarau ueta yaba mafitae watane. Yesu Keriso Dana ya uwara nesiaba neno arama uteda yaba uiro Danu onono itariba Dana ya nesia yanu siosawere uetabairoma mune aika odi. Dana ya uwara nesia dera yawoeta uwaraini Danu Damama Godinu fuyo ode sina weta uwara we mune odiba Dawabai buna derawereini araeta derawereini me ibene ibene ibifie watane, nanu sina ido.

Jonibai We Ma Boroyari Sina 11:15

Nono i dubu aneru dana danu tawuyo ubuiro moana wate ureroma eno weita, yanu Dera Waria Amaraini Danu fafisu wiroeta Amaraini emana i nasini nesia yawofitae buna munitaba Dawa yawoteibisu weita.

Jonibai We Ma Boroyari Sina 15:1

Nana ereta derawere ere. I eretanu ubina derawere. Nana erena aneru sewenima siosawere ueta woutaro ere. I siosawere uetana i dubu siosawere ueta. Godima ibo uteda eno ufite nono mui daido da ufisu.

Jonibai We Ma Boroyari Sina 16:1

Nana nauena mui wate i urero dubu su ubareroma i aneru nesia seweniba derawere eno wei, aniawete Godinu ibo ueta korube naberoro ibinu i nasiniro ma wegari uawero itafi weiro naue.

Jonibai We Ma Boroyari Sina 8:13

Nana nanu tubetuberoma erena mui amuo gasirama urero wawane inareda derawere wei, ari, ari, ari, i moana aneru rarogonu emanu tawuyo ubufitaitana i nasiniro ibifitaita uwara nesia siosa derawere woufitaita weiro naue.

Jonibai We Ma Boroyari Sina 8:6

Eno ue me siniro i aneru sewenima emanu tawuyo ubufitae ue bou uteda yawota.

Jonibai We Ma Boroyari Sina 9:1

Eno ue me siniro i mui dubu aneru danu tawuyo ubuiro nanu tubetuberoma erena i bodere ureroma nasiniro itari muina ere. I muinaba i dera nasini eba ma ereareta ki mairo maibi.