Jonibai We Ma Boroyari Sina 8:12 - Yareba

¹² Nono i mui abana aneru danu tawuyo ubuina i kowaini sakaraini muinaini emanu mui afu ma siosa uiro emanu mui afu ariona me siniba i dumuini kowaini emanu ariona derawere me.

Jonibai We Ma Boroyari Sina 8:12 ပူးပေါင်းရင်းမြစ်များ

Matiunu 24:29

I dera awerarabo ememetu me sibitaitana daido sau ewa yana awona eraisi kowa dumu ufiro nono sakara da ario ufiro muina ureroma burubafitate nasiniro itafitaro i urenu buna derararabo nesia wawana wawana ufitaita.

Matiunu 27:45

Kowa otoro inarite kowa ario utawa dumu sini ibi. Nono kowa osugari uite ane abanaro farina kowa nono ario ui.

Makanu 13:24

Awe kowa nesia me sibiro kowa basugari ufiro sakara ario da ufiro muina ureroma tarafitaro urenu buna derarabo nesia wawana wawana ufitaita.

Makanu 15:33

Kowa otoro i orofa atata nesiaro kowa ario utawa dumu sini ibiro kowa osugari uite ane abanaro farina kowa nono ario ui.

Rukanu 21:25

Yesuma emaba mui sina eno wei, urero kowaini sakaraini muinaini iro ereta aika maika efoita. Ewa orofaro enea ufe rurua derawere weda uyafisuba emema iya uyafitate ina iwawa ufitaita.

2 Korinita 4:4

I uwarama Yesu Kerisonu araetawere sina nauotote Dawa Godi iwata uotoba seitanima emanu imueta daba garari utasuba ema Godinu kotofu sina ario ari erawa utaita.

Jonibai We Ma Boroyari Sina 12:4

I uwaya ari dera emerunu toromama i urero muina moana nesia giriri ue mune nasiniro sanite nono i kuita mubie utebi awetanu iboro inaibifiro i aweta kuita mubiro dana ifie iba inaibi.

Jonibai We Ma Boroyari Sina 16:10

Nono i mui aneruma anite danu korube nabero ma wegari uiro i siosawere ueta i buna egi ari emerunu yaure yawoeta orofa deiro itari. Itariro i buna eginu yawotasu orofaro dumu derawere ui. Emema oferi derawere woutate iba emanu meana emanu torowa ae aditate emanu oferi wouretaini amaimaba Godinu ifu we ma siosa utate emanu siosawere ueta ekodawa uta.

Jonibai We Ma Boroyari Sina 6:12

Nana nono erena i Reka Mamoema i bukaro mui uwane tarieta na turiro ere. Nana erena nasiniro dumu derawere fariba nasini wawana wawana uiro kowa dubawaruwere wadia ari uiro sakara onono ari uiro ere.

Jonibai We Ma Boroyari Sina 9:15

Eno weiro ido aneru fo uregari ui. Ewa kowa torowaro i muduna afu uwara nesia ido ma uie me sibitae iba i aneru eno ue bou uiro ibita.

Jonibai We Ma Boroyari Sina 9:18

Eno farebite i siosawere ueta rarogonu, ina buburaini giborini wakiki danu gajiga gebiro ima i muduna afu eme nesia ma uie me sita.