Jonibai We Ma Boroyari Sina 7:2 - Yareba

^2-3 Nana tubetuberoma erena mui aneruma i kowa amueta afuroma fariro ere. Dawana i me ibene ibene ibeta Godinu isi bobo. Dana i nasini enea ma siosa ufitae iba buna muta aneru foba eno wei, i nasinini eneaini anaini da ma siosa uawero duburo ma siosa uawe weiro naue.

Jonibai We Ma Boroyari Sina 7:2 ပူးပေါင်းရင်းမြစ်များ

Matiunu 16:16

Weiro Saimoni Fitama wei, Ana Godinu Mesaia, Ana i me ibinu Godinu Amara wei.

Matiunu 26:63

Weiro Yesuma sina mui wiawa uiro wei, i amara sadei aneba A wawei waita wei? Eno weite i botai dera fuyo ode sina weta amarama Yesuba nono wei, Godinu ifuro ba sina wiaro naufe. Ana Keriso Godinu Amara aba me? Wiaro naufe wei.

Joninu 6:27

Yanu nasini ibeta gaukara yajara ieta ari ina da uegou uforo wei. Nono i me ibene ibene ibeta ieta ari ina kobere gaukara uegou uawe wei. Godima Danu imueta Na, Ba Eme Sire Amarabai odiba Nana i me ibene ibene ibeta matatane, Yesuma eno wei.

2 Korinita 1:22

Godima ya yawoteda Danu ere iwata ueta yabai odasute Danu Imumu Kotofu siaia utasuro yanu neno ubarero tare ibinuba yana Godinu uwara ya iwata utaisite Danu yabai ufisu i iwata utaisi.

Efesa 1:13

Nono Yesu Kerisoba webiba ya aika uwara yana i kobere sina, yanu wiroeta sina nautebita. Enoba yana yanu naueta Dawabai oitaro Godima we bou uiro fari Imumu Kotofuma yanu nenoro itarite ya Godinu uwara we mawetu ue odi. I Imumu Kotofuna Godinu isi saneta ari yanu nenoro sane odi.

Efesa 4:30

Godinu Imumu Kotofuma neno siosa uosoba siosawere da uawe. Yana Godinu uwaraba Godima Danu Imumu Kotofu yanu neno ubarero odiba nono duburo ya mune Danu orofaro odifisu.

1 Tesoronaika 1:9

I sina we inarebita uwarama eno waita, i Tesoronaika su uwarama Foroini danu uwaraba bana weitate emaba kobererau uta. Eno utate i ba me godi ekoitate i ba Godibai aneda i me ibinu ba Godinu gaukara utaitate Godinu uietaroma ma uyari Amara i ureroma fafisu Amara yawotaita eno waita.

2 Timotibai 2:19

Godi Danu uwaraba imuetana su tutubu ari. Kimu derawere imutasuba i tutubuna wawana wawana utawa utasu. Godi Danu ere iwata ueta sina eno ibinu, Godima Danu uwara nesia iwata utasu. Nono mui eno, anama Godinu ifu mubisuna siosawere ueta kodifi eno ibinu.

Iburu 12:22

Yana iro farawa utaitate yana Sioni maidanibai, i me ibeta Godinu su, i ure Jerusaremu suini aneru faiya faiyawerebai faraita.

Jonibai We Ma Boroyari Sina 1:3

Anama ewa buka yawifisuna yaru ufisu. Ana anama Godinu fafisu ememetu sina naufitate ewa owawa bukanu sina enanari ufitaitana yaru ufitaita. Nauawe! I dubu kowa fafie baworo ufisuna i dubu ememetu ido sau fafisu.

Jonibai We Ma Boroyari Sina 10:1

Nana eno erena mui buna derawere aneru ureroma tarariro ere. Danu wadiana goso, ima baruiro nono warabadi danu kofiri kofiro ibi. Danu ibo nawatana kowanu ario ari. Danu burina ina yarebasu tutubu sadei ari.

Jonibai We Ma Boroyari Sina 16:12

Nono mui aneruma anite danu korube nabero ma wegari uiro i siosawere ueta i dera Ufareiti waita ogoro itariro i dera ogo yaraie me sini. I kowa amueta dera uwaranu daba wabue moya ue odifiro fafitae iba eno yaraie me sini.

Jonibai We Ma Boroyari Sina 5:2

Nana nono erena mui buna derawere aneruma yua derawere we mamite wei, anama dawa kobere amarana i uwane tarieta na ma furiare sabite i buka ma wurafite efisu wei.

Jonibai We Ma Boroyari Sina 8:3

Eno uiro nono mui aneruma goru nabero woure i fuyo oeta kabesi gigiraribai ane inaibiro ere. I muno danua fauda dawaba mairo munite i faudaini Godinu uwaranu guriguri ueta fuyo odifie ani. Dawa ane i dera yaure yawoetanu orofa iboro goruma ueta nabero fuyo oeta kabesiro odi.