Jonibai We Ma Boroyari Sina 5:5 - Yareba

⁵ Nana eno ueba mui dera amarama naba eno wei, i da wiate ea. I Juda uwarabairoma fari raiyoni waita Amara, i Amarana Deiwidinu dera sirorari amara. Dana i orofa atatanu siosawere ueta nesia serigari uiba Dana i uwane tarieta na seweni ma furiare sabite i buka ma wurafisu wei.

Jonibai We Ma Boroyari Sina 5:5 ပူးပေါင်းရင်းမြစ်များ

Rukanu 7:13

Amo fatate anebitaro Dera Waria Amara i wabu aweta erite neno arama uteda wei, i da wia weite ane i ui amaranu wiaro buriro i wia wouta uwara ido inata. Ido inataro Yesuma wei, reka amara uya wei.

Rukanu 8:52

Amuina suro yaubita uwarama sorara utaro nauite wei, i da wiawe. I aruma me siniro iwata utate iba yo weita.

Joninu 20:13

Eriro i aneru sadeima weisi, aweta, aneba i wasu weisi? Weisiro wei, Nanu Dera Waria Amara ewadoroma munitate aboro oita ari na iwata meba iba i watanea wei.

Romani 1:3

Godinu kobere sinana Danu Amaraba wasu sina. Danu Amarama eme sinite Deiwidinu sisia amara sini.

Romani 15:12

Nono Isaiyama eno wei, Jesinu sisia amara Dawa Danu danuama Dawa mubiro fafiro Godima Dawa ma uyafiro Dana Ju me aika uwara yawofisu. Ema yawofiro emana Dawa imuteda emanu naueta Dawabai odifitaita, Isaiyama eno wei.

Iburu 7:14

Ya iwata, yanu Dera Waria Amara Danu sirorari amarana Juda. Mosesima Judanu sisia uwara fuyo ode sina weta uwara we odawa ui.

Jonibai We Ma Boroyari Sina 1:1

Yesu Kerisoma ewa owawa bukaro sina we ma boroyarebi. Godi Danu ununa i sina Danu gaukara ueta uwaraba we ma borobafie iba i sina Yesuba wei. Godi Danu ununa ane ane sau fafisu ememetu iba iwata ufitae iba Danu sina Yesuba wei. Dana eno weiro Yesu Kerisoma Danu aneru siaia uiro i aneruma Yesu Kerisonu gaukara ueta amara Jonibai anite i sina nesia wei.

Jonibai We Ma Boroyari Sina 22:16

Yesuma wasu, Na Yesu i dubu naueta uwarabai ewa sina webie Nanu aneru siaia uero ani. Nana Deiwidinu sisia amara. Nana i ario derawere baikoni ari eno wasu.

Jonibai We Ma Boroyari Sina 3:21

Nana bodere i orofa atatanu siosawere ueta serigari uete Nanu Babanu yawoetanu yauretaro Dawaini yauraitu enanari ana anama emanu siosawere ueta serigari ufitaitana emaba kobererau umaro Naini Nanu yawoetanu yauretaro yaufeisi.

Jonibai We Ma Boroyari Sina 4:4

Nana erena mui yaure yawoeta orofa tueniti fo (24) ima i dera yaure yawoeta orofa ode kara utaro nono dera uwara nesia tueniti fo i yauretaro yaure fare anitaro ere. I uwara nesia emanu wadiana inakeorarabo barutate emanu kofiri baruetana goru eno baruta.

Jonibai We Ma Boroyari Sina 5:4

I buka ma wurae ereta amara atanawa utaba iba na i derawere webitara.

Jonibai We Ma Boroyari Sina 6:1

Nana tubetuberoma erena i Reka Mamoema mui uwane tarieta na nesia seweni, i botai na turiro ere. Nana ereda nauena mui me ibene ibene ibeta emeru danu watena ure urebasu rurua ari. Dana naba derawere wei, arate ea weiro naue.

Jonibai We Ma Boroyari Sina 7:13

I mui dera amarama naba wei, i inararabo yafawere asugari barueta bobo uwarade, ema aboroma farita wei. Eno weiro we, dera amara, na iwata me, anu aika iwata utasu wero wei, i uwarama awe derawere uyaretaba urumuini oferi wourebitaro emema ema ma uitebita. I uwara emanu wadia i Reka Mamoenu ononoma urotaro inarau ibita. Enoba ema i dera yaure yawoetanu orofaro yaubinu Godinu iboro inaibinita wei.