Jonibai We Ma Boroyari Sina 3:19 - Yareba

¹⁹ Nana ana uwaraba neno arama utedana emaba iba sina weda ure ma rorowarau utatane. Enoba imuegou uawete yanu siosawere ueta nesia dubena afu sawe.

Jonibai We Ma Boroyari Sina 3:19 ပူးပေါင်းရင်းမြစ်များ

Matiunu 25:7

I arumami nautate uyatate nanefa beafitae uta.

Joninu 2:17

Eno uiba Danu iwata ueta uwarama imuta. Godinu bukaro i sina eno ibinu, Godinu su imuegou utataneba uimau, i sina eno ibiba iba eno imuta.

Romani 12:11

Yanu gaukaraba ofe ejiwa da uawete bunawere uawe. Yanu imueta ma derawere uawete yanu Dera Waria Amaranu gaukara uegou uawe.

1 Korinita 11:32

Godima ya koto uteda fanisi matasuna ya ma kobererau ufiro Godinu sina nautawa uwaraini i siosawere kabesiro da anibene iba eno utasu.

2 Korinita 6:9

Ewa orofa atata uwarama ya iwata mero nono Godi Dawa ya iwata utasu. Yana uietanu iboro inaibeda nono uitawa me ibinisi. Dana ya we mawetu ufie uteda urasute ma uitawa utasu.

2 Korinita 7:11

Imue eawe! Yana i ba me uetaba neno siosa derawere utedaba Godi imuegou utate i ba me ueta sau ekode, i unutawa ue, Godiba iya uyare, na ya durua umane we, i ba me ueta ma rorowarau uegou ue, i amara fanisi mae, eno uegou utaba ya Korinita uwarabaina kerere me.

Gareisia 4:18

Na yabai da ibimaro moana uwarama kobererau imuteda yabai kobererau ufitaitana ina kobererau.

Taitasibai 2:14

Godima yanu ba me uetaba ibo uiba Yesu Kerisoma yaba ewaro tare ui. Dawa yanu ba me ueta nesiaba uite yanu neno ma roatarau ufiro kobere ueta uegou ufete Danu uwara sibene iba eno ui.

Jeimisinu 1:12

Anama i siosa ue ereta ekodifisuna Godima dawa we ma kobererau ufiro yaru ufisu. Godima Dawaba neno arama utaita uwara emaba enanari me maeta derawere emaba mafisu.