Jonibai We Ma Boroyari Sina 21:7 - Yareba

⁷ Anama inare kimu ufite i siosawere ueta serigari ufisuna Nana danu Godi simaro dana Nanu amara sibisu. Nana eno umau wei.

Jonibai We Ma Boroyari Sina 21:7 ပူးပေါင်းရင်းမြစ်များ

Matiunu 19:29

Anama danu suini dataeini dabueini arumamini danuaini damamaini koiniboroini beataini Nanu ifuba ekodifisuna duburo mui faiya faiyawere mubite me ibene ibene me ibeibisu wei.

Matiunu 25:21

Weiro danu dera amarama wei, ana rorowarauini kobere gaukara ueta amara. Ana kikiratu kobererau yawosinuba odimaro derawere yawofasu. Nabai are ibeda yaru ua wei.

Matiunu 25:34

Odifite nono i Dera Waria Amarama Danu banibira age afu uwaraba eno webisu, Godima yaba we ma kobererau utasuba arawe. Godima ureini nasinini ubu uteda yanu yawoeta orofaini ido ubu uiba arawete i orofaro yauawe.

Makanu 10:17

Yesu i orofa ekodite dabaro ani. Anebina mui amara durami ue are farite jegirari uteda wei, kobere Tisa Amara, anene umate ibene ibene me ibeta mumau wei?

Romani 8:14

Ana anama Godinu Imumu Kotofunu sina nautaitate enanari utaitana emana Godinu koiniboro.

Romani 8:19

Godima Danu uwara mawetu ufiro Godinu ubu ui ememetu nesiama Godinu naueta uwarade abo uwara efitae iba yawotaita.

2 Korinita 6:16

Godinu dubu suini i ba me godinu dubu suini ema arotorowa me. Ema aika maika. Imue eawe! Yana i me ibinu Godinu dubu su. Godinu bukaroma eno wasu, Nana emanu neno ubarero ibeda emaini uruama animau. Nana emanu Godi simaro emana Nanu uwara sibitaita.

2 Korinita 6:18

Eno ufoitana ya mumate yanu yamama simaro yana Nanu aruma amara siboita. Yanu buna derawere Waria Godima eno wei, Godinu bukaroma eno wasu.

Iburu 8:10

I Isaraero uwarabai odimau reka unuro ue matanetana edono, i awe kowa me sibiro Nana Nanu tarawatu emanu befororo odimate emanu nenoro owawa ue odimau. Nana emanu Godi simaro emana Nanu uwara sibitaita.

1 Fitanu 3:9

Anama yaba siosawere ufisuna dawaba moko siosawere da uawe. Anama yaba sina siosa webisuna dawaba moko sina siosa da wiawete dawaba we ma kobererau uawe. Aneba? Godi Danu unu yana emeba we ma kobererau ufero Dana ya we ma kobererau ufie iba ya mune odi.

Jonibai We Ma Boroyari Sina 2:11

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari ufitaitana i dubu uietama ema da mubisu watane wei.

Jonibai We Ma Boroyari Sina 2:17

Anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utebitaba emaba i kiwuma ibinu mana ieta mamaro ifitaita. Nana emaba mui inakeowere gebiro demui demui mamau. I gebirorona emanu reka ifu odimaro nono i ifu mui amara dawa iwata me. I mubisu amara danu torowama dawa iwata ufisu watane Dana eno wei.

Jonibai We Ma Boroyari Sina 2:25

Nono awonaroma Nanu famau kowaro yanu kobererau ueta nesia enanari uegou uawe.

Jonibai We Ma Boroyari Sina 2:7

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utaitaba emaba kobererau umate Godinu waiyaro waratasu wiroeta ana danu tai mumate emaba mamaro ifitate me ibine ibine ibifitaita watane wei.

Jonibai We Ma Boroyari Sina 21:3

Nana nauena wate derawere i kininu yauretaroma farite wei, awonana Godinu ibetana emebai. Dana emebai ibifiro emana Danu uwara sibitaita. Godini emaini ibeda Dana emanu inodi emanu ditiroma maiture sabiro iro uieta da fafisu iro sorara uetana me, i wetana me, oferi wouretana me. I bodere ibaiabai nesia me sita weiro naue.