Jonibai We Ma Boroyari Sina 2:26 - Yareba

^26-28 Ana anama i siosawere ueta serigari ufitate Nanu unu ueta awonaroma i dubu kowaro uteibitaitana Nanu Babama Naba buna mai enanari emaba mamaro emana i orofa atata uwara nesia kimuwere yawofitaita. Emana kimuwere yawoteda Naba wasai utaita uwara ma berafitaita. Emema aiyoni isu ari ima nasinima ubu ueta okia kikiratu ure birabiarebaita i ari emema kimuwere yawofitate Naba wasai utaita uwara ma berafitaita. Nana emaba i waura warai bububu ueta baikoni mamau.

Jonibai We Ma Boroyari Sina 2:26 ပူးပေါင်းရင်းမြစ်များ

Matiunu 10:22

Ya Nanu ifu munaitaba i uwara nesia yaba neno ka ufitaita. Anama buna ufiro dubu kowa ido fafiro dawa wirofisu wei.

Matiunu 19:28

Weiro Yesuma emaba wei, ba wemaro nauawe, i Ba Eme Sini Amarama i reka fafisu orofaro Danu kobere yawoeta yaureta deiro yaufisu. Yaubifiro yana Nanu buribi anaita uwarama mui yawoeta yaureta deiro yaufote i Isaraero uwaranu abua tuero (12) yawofoita wei.

Matiunu 24:13

Nono anama awonaroma inare kimu ue i dubu fafisu kowaro ane fafisuna dana wiroeta mubisu.

Joninu 6:29

Weitaro Yesuma wei, Godinu yabai siaia ui Amara imutaitana ina Godinu gaukara wei.

Romani 2:7

Ana anama kobere uetaini Godinu araetaini kobere ifu wetaini ibene ibene me ibetaini mubitae utedana kobererau uegou utebaitana Godima emaba ibene ibene me ibeta mafisu.

Romani 8:37

Yesu Kerisoma yaba neno arama uteda durua utasuba ane ane yabai uyarasuna ya ma siosa utawaba arisiaraisi.

1 Tesoronaika 3:5

Idoba yaba imutebe imutebe na arama uete yanu imuetana ido aba me na iwata umane iba Timoti siaia uero yabai ani. Seitanima yaba siosawere ui aba na iwata me. Nanu gaukara yabai me sini o me, na iwata meba iba Timoti siaia uero yabai ani.

Iburu 3:6

Yesu Keriso Dana Godinu Amara iba Dana Godinu su yawotasu. Imue eawe. Ya buna utaisite Godi imutaisite Danu we bou ueta nesia mubene imutaisina yana Danu su uwaraba ya nesia Dana yawotasu.

Jeimisinu 2:20

Ya beforo me uwara! Ya Godi imuteda kobererau utawa utaitana ina arotorowa me. Ina yabai ma iwata umau.

1 Joninu 2:19

I wasai keriso uwarama yabairoma anita. I uwarana yanu naueta uwara me. Emana aika uwara. I uwarana yanu naueta uwararona yabai ibifitae, meba yabairoma anitaba uwara nesia yanu ba uwara me iwata utaita.

1 Joninu 3:23

Godinu wasu sina eno, yanu neno Danu Amara Yesu Kerisobai ibifiro Dawa imufete ya neno arama ue matafe, Dawa eno yaba wasu.

1 Joninu 5:5

Anama Yesu Keriso Dawa Godinu Amara imutasuna dawa ewa orofa atatanu ueta sineta ba mewere serigari utasu.

Jonibai We Ma Boroyari Sina 2:11

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari ufitaitana i dubu uietama ema da mubisu watane wei.

Jonibai We Ma Boroyari Sina 2:17

Anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utebitaba emaba i kiwuma ibinu mana ieta mamaro ifitaita. Nana emaba mui inakeowere gebiro demui demui mamau. I gebirorona emanu reka ifu odimaro nono i ifu mui amara dawa iwata me. I mubisu amara danu torowama dawa iwata ufisu watane Dana eno wei.

Jonibai We Ma Boroyari Sina 2:7

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utaitaba emaba kobererau umate Godinu waiyaro waratasu wiroeta ana danu tai mumate emaba mamaro ifitate me ibine ibine ibifitaita watane wei.

Jonibai We Ma Boroyari Sina 20:4

Nana mui eno ere, moana yaure yawoeta orofaro moana uwara yautaro ere. Godima emaba buna mairo emeba koto uta. Nana erena moana uwarama Yesunu we ma boroyari ba sinaini Godinu sina webitaba uwarama ema urebitaro uitebitaro emanu imumu Godibai manitaro emanu imumu nana ere. I uwarama i buna egini danu imumubai guriguri utawa utate ema unutawa danu isi emanu beforoini agero oetaba iba munawa uta. Emana uitebitate nono uietaroma uyarebitaba emaini Yesu Kerisoini oya wani tausani (1000) yawofitaita.

Jonibai We Ma Boroyari Sina 21:7

Anama inare kimu ufite i siosawere ueta serigari ufisuna Nana danu Godi simaro dana Nanu amara sibisu. Nana eno umau wei.

Jonibai We Ma Boroyari Sina 22:5

Irona dumu meba nanefaini kowanu ario me. Yanu Waria Godi Danu torowana emanu ario. I uwarama kini uwara ari me ibene ibene ibeda yawoteibitaita.

Jonibai We Ma Boroyari Sina 3:12

Anama danu siosawere ueta serigari ufisuna Nana dawa mune Nanu dera dubu suro ma kimu ueta tutubu ari ma inare odimaro dawa me ibene ibene ibeda iroma sara da anibisu. Nana Godinu ifu danu ofero owawa ue odimau. Eno umate nono Nanu Godinu reka su ifu Jerusaremu su urero Godibairoma fafisu sunu ifuini Nanu reka ifuini danu ofero owawa ue odimau.

Jonibai We Ma Boroyari Sina 3:21

Nana bodere i orofa atatanu siosawere ueta serigari uete Nanu Babanu yawoetanu yauretaro Dawaini yauraitu enanari ana anama emanu siosawere ueta serigari ufitaitana emaba kobererau umaro Naini Nanu yawoetanu yauretaro yaufeisi.

Jonibai We Ma Boroyari Sina 3:5

Ana anama emanu siosawere ueta serigari ufitaitana ido Nana emaba inakeorau wadia emabai yure odimate emanu ifu i wiroeta bukaroma da ma iramau. Nana Nanu Babanu iboroini Danu anerunu iboro inaibeda emana Nanu uwara eno wemau.