Jonibai We Ma Boroyari Sina 2:14 - Yareba

¹⁴ Nono Na unutawa yanu moana ueta. Yabaina moana uwarama ibeda Beiramunu we mawetu ueta sina nautaitate enanari utaita. Bodere Beiramuma Beirakiba we mawetu utebiba Beirakima Isaraero uwarabai ane wei, i ba me godibai fuyo oeta egi ifote dita yagera fafoitana ina ido weirogo nono enona ba me wei.

Jonibai We Ma Boroyari Sina 2:14 ပူးပေါင်းရင်းမြစ်များ

Matiunu 18:7

Ewa orofa atata uwarabai siosawere ue ereta faiyawere ibinuba siosawere utaita. Ba me ue ereta faiyawere fareibisu. Nono mui amarama mui amarabai ba me ue efisuna Godima dawa fanisi mafisu wei.

Afosoro 15:29

Eno, i ba me godinu fuyo oeta egi da iawe, onono da iawe, mimi utebaitaro onono nasiniro itarawa utebasu egi da iawe, dita yagera da fawe. Eno ufoitana kobererau ibifoita. Ido yanu sina me sininu.

Afosoro 21:25

Nono Godinu aika naueta uwara yanu imueta owawa oisite emabai siaia usi. Yanu imuetana eno, i meo godiba maeta fuyo ieta da iawe, egi onono da iawe, i mimi utaro onono farawa egi da iawe, dita yagera fareta da uawe. Yanu imuetana eno oisite Godinu sina aika naueta uwarabai siaia usi weita.

Romani 11:9

Deiwidima Godinu bukaro eno wasu, emanu unu ueta, emanu ogaroini ofuaini ina ema muneta oga ari sibie watane. Emanu ogaro itedana eno imutaita yana Godini arotorowa meo we imufitaitaba Dawabairoma dowafitate emanu mokona fanisi muneta daido mubitaita.

Romani 14:13

Idoba yanu yanu wawei da we matafene watane. Siosa ueta naiyenu dabaro da odifene watane.

Romani 14:21

Egini ba waini ogoini ifate ane ane ufasuna mui naueta amara ma siosa ufasuba eno da uate kobererau ufasu deina ina kobererau ufasu.

Romani 9:32

Aneba i tarawatunu sina nesia utawa utebita? Emana emanu naueta Godibai odawa emanu gaukara ueta torowa utebita. I uwarama Yesu Dawana i buridu ue ureieta gebiro ariba iba iro buridu ure ureitebita.

1 Korinita 1:23

Nono yana waisi, uwarama Yesu Keriso yaba korosiro ure oita waisiba i Ju uwarama ibo derawere utaitaro i Guriki uwarama i sinana meo sina waita.

1 Korinita 7:2

Nono aweta awera me ibebe ubusi uyaosoro dita yagera faotoba demui demui aweta awera muboita deina ido.

Iburu 13:4

Awetabo munetaini awerasi munetaini ina kobererau eno we imuawe. Awetabo ya yanu awerasibai ibedana aika awerasibai da aniawero enanari awerasi ya yanu awetabobai ibedana aika awetabobai da aniawe. Godima i siosawere imuteda dita yagera fareta uwaraba koto ufisu.

1 Fitanu 2:8

Godinu bukaroma nono eno wasu, i gebirona emenu ure baidaureta gebiro. Ina eme ma ureieta gebiro, eno wasu. I uwarama Godinu sina nautawaba iba ure baidauraitate ane ureitaita i ari. Godima wasu, anama eno ufisuna dawa ure baidaufite ureifisu wasu.

2 Fitanu 2:15

I uwarama Godinu daba ekoitate Beiramunu ueta ari utaita. Beiramu dawa Bosanu amara. Danu unu oi muneibie iba siosawere utebite danu moko munebi.

Judenu 1:11

Godima emaba fanisi derawere mafisu. Ema Godi imutawa utaitaba Godima emaba fanisi mafisu. Keinima danu dabue ma ui. I uwarama Keininu imueta ari imutaita. Beiramu danu ununa oi muneta. I uwarama enanari oi mubitae iba siosawere utaita. Kora dawa Godinu sina munawa ui, enanari i uwarama Godinu sina nautawa utaitaba ido emanu me ibene ibene ibeta ma siosa utaita.

Jonibai We Ma Boroyari Sina 2:20

Nono Nanu sina naua. Na unutawa anu demurai siosawere ueta. I aweta, Jejabero, dana yabai ibinuro ana dawa ekodawa utasu. I awetama wasu, nana Godinu sina watane wasute Nanu gaukara utaita uwara dita yagera fafitate i meo godiba fuyo oeta egi ifitae we mawetu utebasu. Dana Nanu uwara eno irutasu.

Jonibai We Ma Boroyari Sina 2:4

Nono Nanu sina aba wemaro naua. Ina eno, bodere anu reka naueta Nabai odite anu neno nabai maegou uite nono awonana a me. Bodere anu ueta kobererau utebe i ueta kobererau ekodinu. Enoba imuegou uate anu siosawere ueta kodiate anu bodere kobererau ueta enanari ua. Nono eno ueta kobererau da ufasuna abai famate abairoma i ariorau ekiwa mune aika odimau.

Jonibai We Ma Boroyari Sina 21:8

Nono i jaburararabo uwaraini i nauegou utawa utaita uwaraini imueta igawere uwaraini eme ma uieta uwaraini dita yagera fareta uwaraini wada barau ueta uwaraini emanu torowa agema ubu ueta godibai guriguri ueta uwaraini i meoma weta uwaraini ema nesia i uitawa gajiga dei inaro sabiro itafitaita. Ina i uieta dubu oname ido, eno weiro naue.

Jonibai We Ma Boroyari Sina 22:15

Nono i tauni wawaro i kuasiri ari uwaraini wada barau utaita uwaraini i dita yagera faraita uwaraini i eme ma uitaita uwaraini i emanu agema ueta meo godibai guriguri utaita uwaraini i meoma waita uwaraini i meoma utaita uwaraini ema nesia wawaro ibifitaita.