Jonibai We Ma Boroyari Sina 19:6 - Yareba

⁶ Nana nono nauena ogo sisifunu rurua arini ure gururu weta arini eme faiyawere guruguru ue weroroka ueta ari, i ari mui wate eno weitaro naue. Emana eno weita, yanu Dera Waria bunawere Godi Dana nesia yawotasuba Danu ifu we ma derawere utaisi weita.

Jonibai We Ma Boroyari Sina 19:6 ပူးပေါင်းရင်းမြစ်များ

Matiunu 6:13

I siosa ue ereta ibaiabai yabai da woure arate i siosabairoma ya woure eta ania.

Jonibai We Ma Boroyari Sina 1:15

Danu burina ario derawere. Ina burasi waita aiyoni ari. Ina derawerero yare fefetebasuro igabuga nesia ibebasuro ba burasi torowa roatarau torowa amutebasuro eme emanu agema ma bisibasa utebaitaro ario derawere utebasu. Danu burina i ari. Danu watena ogo sisifuma itareda webasu i ari.

Jonibai We Ma Boroyari Sina 1:8

I Dera Godima eno wei, Na torowama Nana botairoma dubu, eno wei. I Godi torowama boderewere awonaini daido ibinuba duburona Dawana buna derawere fafisu.

Jonibai We Ma Boroyari Sina 12:10

Nono ureroma mui wate derawere eno wei, awonana Godima ya ma wirosinu wei. Danu buna nesia wabararowere usinute Dawana yanu Dera Kini ibinu. Danu fafisu wiroeta Amara Keriso Dana danu buna nesia enanari ma wabararowere usinuro bunawere usinu. I Godinu iboro inaibeda uwaraba wawei weta amara muninute nasiniro saninuro itarinu.

Jonibai We Ma Boroyari Sina 14:2

Nana nauena mui wate ureroma tarari. I watena eno, ogo sisifunu itarebasu rurua ari, ure gururu webasu i ari. I watena emema gita ari afa waita ememetu waribo utebaita kobere rurua ari.

Jonibai We Ma Boroyari Sina 19:1

Nono duburo nana nauena wate derawere, eme faiyawere urero weroroka weitate eno weita, Godinu ifu we ma derawere uawe. I eme ma wiroetaini araetaini buna nesia ina Godinu.

Jonibai We Ma Boroyari Sina 19:4

Eno weitaro i dera uwara tueniti foini i me ibene ibene ibeta emeru foma yajigoma jejerigari utate i yaure yawoetanu orofaro yaubi Godibai guriguri uteda weita, ba waita, Godinu ifu we ma derawere utaisi weita.

Jonibai We Ma Boroyari Sina 21:22

Nana erena iro dera dubu su ibawa ui. Yanu Dera Waria bunawere Godi Dawaini i Reka Mamoeini emanu torowana i dera dubu su ari.

Jonibai We Ma Boroyari Sina 4:5

I dera yaure yawoetanu kabesirona bida mamiro ure derawere uri. I dera yaure yawoeta orofanu iboro iro ekiwa seweni yarebi. I ekiwana Godinu Imumu seweni.

Jonibai We Ma Boroyari Sina 6:1

Nana tubetuberoma erena i Reka Mamoema mui uwane tarieta na nesia seweni, i botai na turiro ere. Nana ereda nauena mui me ibene ibene ibeta emeru danu watena ure urebasu rurua ari. Dana naba derawere wei, arate ea weiro naue.

Jonibai We Ma Boroyari Sina 8:5

I aneruma i goruma ueta nabero munite i fuyo oeta kabesi ina torite i nasiniro sani. Sanina bida mamebiro ure urebiro dumu farebiba nasini wawana wawana utebi.