Jonibai We Ma Boroyari Sina 19:10 - Yareba

¹⁰ Eno weiro nana dawabai guriguri umane uteda danu buri gigirariro arubi uero wei, eno da ua, aini naini anu aiyemutu, anama Yesu Kerisonu ba sina webaita, ya nesia gaukara uruama utaisi enoba Godibai guriguri ua wei. I we bou ueta uwara emaini Yesu Kerisonu ba imueta iwata utate enanari Danu ba sina we bou uta.

Jonibai We Ma Boroyari Sina 19:10 ပူးပေါင်းရင်းမြစ်များ

Matiunu 4:10

Weiro Yesuma ido wei, seitani Nabairoma ania! Godinu bukaroma eno wasu, anu dera Godibai torowa guriguri uawete Danu gaukara torowa uawe eno wasu Yesuma wei.

Makanu 7:25

Mui aweta, danu seitaninu mui siosa imumuma rewoeta bobo arumaratunu danua dana nauite ido are farite arubi ui.

Rukanu 1:19

Weiro aneruma dawaba wei, nanu ifuna Geibero. Na Godibai ibatane wei. Godima na ewa kobere sina aba wemane iba siaia usinuro iba fanea wei.

Rukanu 24:44

Yesuma emaba wei, imue eawe! Aubokona yabai ibeda Mosesini i we bou ueta uwaraini Samusi bukaro Naba webita sina enanari ufisu webitara.

Joninu 5:39

Yana Godinu buka eregou utaita. I bukaroma ere me ibene ibene ibeta muboe imutaitana i bukaro sinama Na yanu wiroeta Amara wasu wei.

Afosoro 13:27

I Jerusaremu suro ibebita uwaraini emanu dera uwaraini emana Yesu utaro ui. I uwarama Dawa iwata meba imutawa uta. I we bou ueta uwaranu sina sabate kowaro ainewaure yawitebitaro nautebitate imutawa utebita. Eno utebitaba i we bou ueta uwaranu weita sina enanari ba ui.

2 Korinita 8:7

Ya Korinita su uwarama uwara nesianu ueta serigari utaita. I naueta iyana, Godinu sina weta iyana, iwata ueta iyana, uegou ueta iyana, naini nanu uwaraba neno arama ueta iyana, ya uwarama botai uegou utaitaba nanu ununa i oi maeta enanari uegou ufoe iba watane.

Efesa 5:15

Kobererau torowa uawe. I beforo me uwaranu ueta sineta ari da uawete i beforo bobo uwaranu ueta sineta ari uawe.

Efesa 5:33

Nono nanu sina merogo, ya awerasi yana yanu torowa imutaita enanari yanu awetaboba neno arama uawero ya awetaboini yanu awerasinu sina nesia nauawe.

Firifai 3:3

Yana yanu ofe tufeisina Godinu koiniboro da sibeisi. Yana Godi nenoma imuegou ufeisi deina ido. Ina i ba ofe tureta ari. Yesu Keriso Dawa ya ma wiroiba iba imuteda yaru utaisi. Nono yanu ofema uetaba imutawa utaisi.

1 Tesoronaika 5:15

Mui amarama ya siosawere ufisuna siosawere moko da uawe. Yanu yanu kobererau ue matawete uwara nesiaba enanari uawe.

Iburu 1:14

Enoba i aneruna ane ari? Emana Godinu gaukara ueta imumu torowa. Godima ema siaia utasuro anaitate Godinu wiroeta mubitaita uwara durua utebaita.

Iburu 12:25

Imue eawe! Yesu Dana yaba wasuba Danu sina nauforo! Bodere Mosesima ewa nasiniro inareda sina weiro nono Godima Danu sina nautawa utebita uwaraba fanisi mai. Godima emaba eno uiba yana i urero ibinu Amaranu sina da naufeisina dubu oname kowaro Godima yaba fanisi derawere mafisugo!

1 Joninu 5:10

Anama Godinu Amara Yesu imuegou utasuna Godinu ba sina danu neno ubarero ibinu. Anama Godinu sina nautawa utasuna dawa Godi meo bobo wasu. Godima Yesu Dawa Nanu Amara weirogo i amarama dawa nautawa uteda Godi Dawa meo bobo wasu.

1 Joninu 5:21

Nanu Aruma Amara, i ba me godi nesia kodiawe. Nanu sina ido me sininu.

Jonibai We Ma Boroyari Sina 1:1

Yesu Kerisoma ewa owawa bukaro sina we ma boroyarebi. Godi Danu ununa i sina Danu gaukara ueta uwaraba we ma borobafie iba i sina Yesuba wei. Godi Danu ununa ane ane sau fafisu ememetu iba iwata ufitae iba Danu sina Yesuba wei. Dana eno weiro Yesu Kerisoma Danu aneru siaia uiro i aneruma Yesu Kerisonu gaukara ueta amara Jonibai anite i sina nesia wei.

Jonibai We Ma Boroyari Sina 1:9

Na Joni, nana ya uwara nesianu yaiye. Yaini naini Yesubai taka ue ibinisi, iba awona Yesu Kerisoma ya yawotasuro ewa orofaro ibedana yaini uruama Danu gaukara utaisi. Eno utaisiba emema yaba awe uyaraitaro oferi wouraisite ya nesia inare kimu utaisi. Nana Godinu sina wete Yesu Keriso naba we ma boroyari sina weba na fanisi mateda na mune Fatamosi mutumuturo oitaro ibitara.

Jonibai We Ma Boroyari Sina 12:11

Yanu naiyemutu, I Reka Mamoe Dana emaba uite Danu onono itariro emanu naueta Dawabai oitate Danu sina webitaba i wawei weta amara serigari uta. I uwara ema i uietaba iyarawa utebita. Emanu naueta derawereba eme emanu unu ema ma uifitae utaba iba uitebita.

Jonibai We Ma Boroyari Sina 12:17

I dera uwaya ari emeruma i awetaba ibo derawere uite i awetanu koiniboroini urafie ani. I Godinu sina nautebaitate Yesu Kerisonu buribi anebaita uwaraini urafie ani. I dera uwaya ari i enea gigirariro inaibiro ere.

Jonibai We Ma Boroyari Sina 14:7

Dana derawere eno wei, Godima kotoroma uwara ma saragari ueta kowa ido farinuba Dawaba iya uyawete Danu buna ueta we ma derawere uawe. Godima ureini nasinini eneaini ubi erioini nesia ubu uiba Dawabai ane arubi uawete guriguri uawe wei.

Jonibai We Ma Boroyari Sina 15:4

Yanu Waria Godi eme nesia Aba kakara uteda Anu ifu we ma derawere utaita A torowa kobererau. I orofa atata uwara nesia Anu rorowarauini ba ueta eraitaba Abai afitate guriguri ufitaita, i soni eno munebita.

Jonibai We Ma Boroyari Sina 19:9

Eno we me sitaro i aneruma naba wei, sina eno owawa ue odia. Godima ana anaba i Reka Mamoenu aweta muneta ogaroba waya youriba yaru derawere ufitaita weite nono wei, ina Godinu ba sina wei.