Jonibai We Ma Boroyari Sina 17:18 - Yareba

¹⁸ I erinu awetana i dera natofo su ari. I suna i orofa atata aika maika dera yawoeta uwara nesia emanu kofiri weiro naue.

Jonibai We Ma Boroyari Sina 17:18 ပူးပေါင်းရင်းမြစ်များ

Rukanu 2:1

I kowaro Sisa Agasitasi dawa Romani gaemani amara, dana mui tarawatu owawa ue odite siaia uiro aboro aboro woure anitaro nauta. I tarawatuna ifu ifu yawieta tarawatu. I orofa atata uwara nesianu ifu ifu mubie iba i tarawatu owawa ue odi.

Jonibai We Ma Boroyari Sina 11:8

i amara sadei uifisiro emanu ofe i dera su tutuba abanaro ibifisu. Emanu Dera Waria Amara Yesu i suro korosiro ui. I suba kasei sinaroma Sodomuini Ijifi waita.

Jonibai We Ma Boroyari Sina 12:4

I uwaya ari dera emerunu toromama i urero muina moana nesia giriri ue mune nasiniro sanite nono i kuita mubie utebi awetanu iboro inaibifiro i aweta kuita mubiro dana ifie iba inaibi.

Jonibai We Ma Boroyari Sina 16:19

Eno uiro i dera natofo su abanaro nesia rarogonu saragari ui. I orofa atata aika maika natofo su su nesia jugari uta. Godima i dera Baboronia natofo su imuteda Danu ibo ueta derawere i kafusiro odite mairo i Baboronia natofo su uwara nesia Godinu ibo ueta waini ogo ari itebita.

Jonibai We Ma Boroyari Sina 18:2

Dana derawere eno wei, Dana urei. I dera Babaronia natofo su dana jugari ui. Eno uiro seitaninu uwaraini seitaninu imumu siosawereini emana iro awona ibinita. Siosawere iga gasira faiyawere iro ibinita wei.