Jonibai We Ma Boroyari Sina 15:3 - Yareba

³ Emana Godinu gaukara amara Mosesini i Reka Mamoenu soni eno munebita, yanu buna derawere Waria Godi. Ana buna derawere ueta utasu. Ana i orofa atata aika maika ibinita uwaranu dera yawoeta amara. Anu ueta sineta nesia rorowarauini ba utasu.

Jonibai We Ma Boroyari Sina 15:3 ပူးပေါင်းရင်းမြစ်များ

Joninu 1:17

Mosesima Godinu tarawatu yaba mairo nono Yesu Kerisoma yaba Godinu neno arama uetaini ba sinaini mai.

1 Timotibai 1:17

Yanu Godi Dawa nesia iwata utasu. Dana yanu me ibene ibene ibeta Godi. Yana Dawa erawa utaisi. Dawa da me sibisu. Godi demurai Dawa torowa. Godi mui me. Enoba Danu ifu we ma derawere ufete Dawaba ainewaure we ma kobererau uteibene watane.

Iburu 3:5

I arina Mosesima Godinu uwarabai ibeda Godiba gifena utawa ui. Dana Godinu gaukara amara iba Godinu ueta ufisu sina emabai webi.

Jonibai We Ma Boroyari Sina 1:8

I Dera Godima eno wei, Na torowama Nana botairoma dubu, eno wei. I Godi torowama boderewere awonaini daido ibinuba duburona Dawana buna derawere fafisu.

Jonibai We Ma Boroyari Sina 14:3

I uwarama i dera yaure yawoetanu orofa iboroini i me ibene ibene ibeta emeru fonu iboroini i dera uwara tueniti fonu iboro inaibeda mui reka soni munebita. Nono moana uwarama i reka soni iwata me. Godima i eme wani aderedi foti fo tausani uwara nasiniro ibita eme turoma oiya unono uite ma saragari ue odiba emanu torowa i reka soni munebita.

Jonibai We Ma Boroyari Sina 14:8

Nono mui aneru fare botai anerunu buribi aneda wei, i dera Babaronia natofo su dana jugari usinu. Nauawe, dana jugari usinu. I Babaronia natofo sunu ueta siosawere ina kimu ogo ari. Dana danu siosawere dita yagera ueta kimu ogo ari uwara nesiaba mairo itate beforo siosa ue me sara siosa uta eno wei.

Jonibai We Ma Boroyari Sina 17:14

Ema nesia i Reka Mamoeini urafitaita. Nono i Reka Mamoeini Danu we mune odiro buribi anegou utebita uwaraini emana i dera yawoeta uwara ma serigari ufitaita. I Reka Mamoena Dana i dera uwaranu Dera Amara. Dana i dera yawoeta uwaranu Dera yawoeta Amaraba iba i uwara ma serigari ufisu wei.

Jonibai We Ma Boroyari Sina 19:16

Danu yafawere barueta wadiaini Danu mauro mui ifu eno owawa ue odiro ibi. I ifunu ubina i kini uwara nesia emanu kini, i dera uwara nesia emanu Dera Amara eno ibi.

Jonibai We Ma Boroyari Sina 19:2

Godima koto utasuna rorowarauini ba utasu. Dana i dera tauni ina i orofa atata eme ma siosa uteda dita yagera farebasu aweta ariba koto usinute ma arama ue me sininu. I dera taunima Godinu gaukara uwara ma uitebiba Godima dawaba fanisi derawere mai weita.

Jonibai We Ma Boroyari Sina 4:8

I fo me ibene ibene ibeta ememetu ema nesia demui demui emanu fakinana nesia sikisi (6) bobo. Diti faiyawere emabai ibita. Ubareroini wawaroini nesia wate fare ibita. Emana dumuroini kowaroini wate eno webaita, i Dera Waria buna derawere Godi Dawana kobererau, Dawana kobererau. Dana bodere ibebe awonaini daido ibinuba duburo fafisu. I sina imoiteda wiawa daido eno weiene weiene utebaita.