Jonibai We Ma Boroyari Sina 14:4 - Yareba

⁴ I emema nasiniro arumamini awetaboini ofe buritawa merau ibeda awetabo munawa utebita. I Reka Mamoe anibie utasuna emaini nesia Danu buribi anaita. Godima ema nesia eme turoma moko oiya unono uite ma saragari ue ema botai Godini i Reka Mamoebai fuyo oeta ari odi.

Jonibai We Ma Boroyari Sina 14:4 ပူးပေါင်းရင်းမြစ်များ

Matiunu 19:12

Moana uwara emanu danuamutuma ema eno mutaba aweta munawa utaita. Moana uwarama moana uwara kaiyama tutaba aweta munawa uta. Nono moana uwarama i ure yawotasu sina nauegou ufitae iba aweta munawa utaita. Anama ewa sina nauegou utasuna dawa enanari utasu Yesuma wei.

Matiunu 25:1

Godinu ure yawoetana ewa sina ari Yesuma wei. Arumami teni (10) emanu nanefa mutate i aweta muneta amara atafitae anita.

Matiunu 8:19

Eno weina mui tarawatu tisa amarama Yesubai farite wei, Tisa, aboro aboro anibasuna naini animau wei.

Joninu 12:26

Anama Nanu gaukara mubite uifie ufisuna Nanu buribi ido afisu wei. Na aboro ibimauna dawaini iro Nanu gaukara amara ibifisu wei. Anama Nanu gaukara uegou ufiro Godima dawa we ma kobererau ufisu wei.

Joninu 13:37

Eno weiro Fitama wei, aneba awona Anu anasu iro da animau weite wei, Aba uimau wei.

Joninu 8:12

Mui kowaro Yesuma i dera dubu suro yaubita uwaraba wei, Nana ewa orofa atatanu dera nanefa ario ari. I orofa atata uwara nesia we mawetu utataneba iba Nana emanu dera ario ari. Nanu buribi afitaita uwarana dumuro da inareibitaita. Enoba Nanu wiroeta arioro anedibeibitaita wei.

Afosoro 20:28

Godinu Imumu Kotofuma ya yawoeta uwara mune odiba yanu torowa eregou ufote yanu Godinu sina naueta uwara yawoegou uforo wei. Godima Danu sina naueta uwara Yesunu ononoma oiya uiba Godinu sina emaba maforo naufitaita wei.

1 Korinita 16:15

Naiyemutu, nauawe. Ya iwata, Sitefanasini danu awetaini koiniboroini Akeiya orofaro ema ko Godinu sina naue imutebita. Awonana ema Godinu muneta uwara durua utaita.

1 Korinita 6:20

Godima moko derawerema maite ya oiya uiba yanu ofero kobererau torowa utebeawero uwarama Godinu ifu we ma derawere uteibitaita.

1 Korinita 7:28

Emema awona aweta munaitana ina ido, siosawere me. Arumamima awerasi awona munaitana ina ido, siosawere me. Awona aweta awera munaitaba emanu ibeta kimuwere ufisuba na unutawa emanu kimuwere ibeta iba eno watane.

2 Korinita 11:2

Godima ereda yaba neno siosa utasu enanari nana yaba eno utatane. Nana ya uwara mui datu maeta aruma ari, i ari ya Yesu Kerisoba mae. Mui amarama buritawa aruma ari awera demurai ariba ya mae.

Efesa 1:14

Godinu Imumu Kotofu Dana yabai ibinuba ya iwata yanu Godibai moko munetana daido mubeisi. Nono Godima ya mune Dawabai odifiro me ibene ibene ibeda Danu ifu we ma derawere uteibeisi.

Efesa 5:27

Danu ununa Danu naueta uwara kobererau mubie Dawa unutawa Danu uwara igawere amaimawere gogofari ari ubeta. Danu ununa Danu naueta uwara Dawabai kobererau ibifitae iba Danu sina maite ema babataito ui.

1 Timotibai 4:3

I uwaranu meo webitaita sinana edono, amara aweta da mua, aruma awera da mua, moana ieta da iawe, eno webitaita. Godima emeba ieta nesia maiba emema Godibai emanu ietaba we ma kobererau ufitaitana nesia ifitaita.

Iburu 12:23

Yana Godiba botai yaru uteda guruguru utaita adarabu, emanu ifu ifu torowa urero owawa ue odiro ibinu, yana emabai faraita. Yana i eme nesiaba koto utasu Godibai faraita. Yana Godima ma rorowarau ui kobere emenu urero me ibeta imumubai faraita. Yana i unuro ue mataneta yawotasu kobere Amara Yesubai faraita. Eiboro dana uiro danu onono nasiniro itarina Godima neno siosa uirogo nono Yesu Keriso Dana uiro Danu onono nasiniro itarina Godima neno siosa utawa yaru uteda kobererau uiba ya durua utebasu iba yana Eiboronu ononobai farawa Yesu Kerisonu ononobai faraita.

Jeimisinu 1:18

Godima Danu ba sina yaba mafie we imuite iba Danu ba sina mairo yana nauteda Danu botai uwara sisi. Nono duburo moana uwarama Danu ba sina naufitate Danu naueta uwara sibitaita.

1 Fitanu 2:9

Nono yana i uwara ari me. Godima ya mune odi. Dana ya Danu roiya fuyo ode sina weta uwara mune odi. Dana ya Danu kakara uwara odi. Dawa ya dumuroma ma dare munite Danu ariowerero ane odiba i sina emebai weboe iba eno ui.

Jonibai We Ma Boroyari Sina 17:14

Ema nesia i Reka Mamoeini urafitaita. Nono i Reka Mamoeini Danu we mune odiro buribi anegou utebita uwaraini emana i dera yawoeta uwara ma serigari ufitaita. I Reka Mamoena Dana i dera uwaranu Dera Amara. Dana i dera yawoeta uwaranu Dera yawoeta Amaraba iba i uwara ma serigari ufisu wei.

Jonibai We Ma Boroyari Sina 21:22

Nana erena iro dera dubu su ibawa ui. Yanu Dera Waria bunawere Godi Dawaini i Reka Mamoeini emanu torowana i dera dubu su ari.

Jonibai We Ma Boroyari Sina 21:23

Godinu araetama i tauniro ario utebiro i Reka Mamoe Dawaini i tauninu arioba kowaini sakarama iro ario utawa ui.

Jonibai We Ma Boroyari Sina 3:4

Nono ya moana Sadasi suro ibinita uwara, yana siosawere utawa utebita. Yanu ueta sinetana roatarau wadia ari. Yana kobererauba inakeorau wadia baruforo Naini inarebeisi.

Jonibai We Ma Boroyari Sina 5:9

Ema nesia reka soni i Reka Mamoeba eno weita, Abaina arotorowaba i buka muninute i uwane tarisinu na ma furiare saninu. Emema a utaro uite Anu ononoma uwara aika maika, sina aika maika webita uwaraini orofa aika maika aboro aboro ibita uwara oiya uite ema woure amo Godibai odi.