Jonibai We Ma Boroyari Sina 12:4 - Yareba

⁴ I uwaya ari dera emerunu toromama i urero muina moana nesia giriri ue mune nasiniro sanite nono i kuita mubie utebi awetanu iboro inaibifiro i aweta kuita mubiro dana ifie iba inaibi.

Jonibai We Ma Boroyari Sina 12:4 ပူးပေါင်းရင်းမြစ်များ

Joninu 8:44

Yanu yamamana seitani. Yana danu adarabuba yana danu ueta utaita. Boderewereroma seitani dawa ma uieta amara. Dawa unutawa ba ueta. Dana meo bobo amara torowa, dawabai ba me. Dawa sina wasuna meo torowa wasu. Dana meo weta ubinu damama.

1 Fitanu 5:8

Toafurau yawoforo yaba wasai utasu amara, seitani, dawa dera awe orowa kua ari eme afie kekerama dobereda kaka ue inarasu.

Jonibai We Ma Boroyari Sina 12:7

Na erena urero uraneta kowa ido fari. Maikeroini danu aneru nesia ido uyatate i dera uwaya ari emeruini danu aneru nesiaini uratate serigari utaba i uwaya ari dera emeruini danu aneru nesiaini urero ibawa uta.

Jonibai We Ma Boroyari Sina 12:9

Enoba i dera uwaya ari emeru, dana i ofe kimu tabai ari, danu mui ifu dewira o seitani, dana i nasiniro ibeta uwara nesia irutebi. Maikeroini danu aneruma dawaini danu aneru nesia mune emina nasiniro sataro tarata.

Jonibai We Ma Boroyari Sina 13:2

I buna egi ari emeru nono erena refodi egi ari ibi. Danu burina bea eginu buri ari. Danu bebetuna raiyoni eginu bebetu ari ere. I dera uwaya ari emeruma danu bunaini danu yaure yawoeta orofaini danu yawoeta buna nesia i buna egiba mai.

Jonibai We Ma Boroyari Sina 13:4

I dera uwaya ari emeruma danu buna i buna egi ari anemeruba maiba uwara nesia dawabai guriguri utate i buna egi ari emeruini guriguri uteda weita, anama dawa ewa buna egi ari emeru ari? Anama dawaini urafisu weita.

Jonibai We Ma Boroyari Sina 16:13

Nana nono erena imumu siosa rarogonu, genama ari, i dera uwaya ari emerubairomaini i buna egibairomaini i meo we bou ueta amarabairomaini i nesia emanu bebeturoma amutaro ere.

Jonibai We Ma Boroyari Sina 17:18

I erinu awetana i dera natofo su ari. I suna i orofa atata aika maika dera yawoeta uwara nesia emanu kofiri weiro naue.

Jonibai We Ma Boroyari Sina 20:2

Dana nasiniro itarite i dera uwaya ari emeru, i dera tabaiwere danu mui ifuna dewira o seitani waita dawa munite oya faiyawere wani tausani (1000) ibifie iba senima uwane tari.

Jonibai We Ma Boroyari Sina 8:10

Eno ue me siniro i mui aneru danu tawuyo ubuina mui dera muina ekiwa ari bububu ue nasiniro tarari. I mui afu nasiniro erio ogoini i ogo nesia ubarero itari.

Jonibai We Ma Boroyari Sina 8:11

I muinanu ifuna diririwere ana ari. I ogo nesia diririwere siniba emema itate uita.

Jonibai We Ma Boroyari Sina 8:12

Nono i mui abana aneru danu tawuyo ubuina i kowaini sakaraini muinaini emanu mui afu ma siosa uiro emanu mui afu ariona me siniba i dumuini kowaini emanu ariona derawere me.

Jonibai We Ma Boroyari Sina 8:7

Nono i botai aneru danu tawuyo ubuina aisi gebiroini inaini ononoini ma dinudinu uite nasiniro itari. I nasini rarogonu ma bebere ibiro i aisini inaini ononoini nesia itariro mui afu nasini ana oma inama yare me sini.

Jonibai We Ma Boroyari Sina 8:8

Eno yare me siniro mui aneru danu tawuyo ubuina ina bubura dera maidani ari sataro enearo itari. I enea rarogonu enanari ma bebere ibiro nono mui afu enea ogo onono siniro nono i afuro erio egini enearo ibinita ememetu nesia uie me sitaro i afuro inarebita bouti nesia beberugari uta.

Jonibai We Ma Boroyari Sina 9:10

Emanu toromana begaranu toroma ari. Emana sakara fairo (5) emanu toromama eme ateda oferi matebita.

Jonibai We Ma Boroyari Sina 9:19

I osi nesianu bunana emanu bebeturoini toromaro ibita. Emanu toromana kofiri bobo tabai ari. Ima uwara ma siosa utebita.