Jonibai We Ma Boroyari Sina 12:3 - Yareba

³ Nono mui ereta derawere urero ere. Ina eno, mui dera uwaya ari emeruma ibi. Danu ofena kukuiwere. Nono danu kofiri nesia seweni. Danu yawera nesia teni. I dera yawoeta uwaranu kofiri barueta kofi seweni nesia danu kofiri seweniro ibita.

Jonibai We Ma Boroyari Sina 12:3 ပူးပေါင်းရင်းမြစ်များ

Jonibai We Ma Boroyari Sina 12:1

Nono mui ereta derawere urero ere. Ina eno, mui aweta iro ibiro ere. I aweta danu baruetana kowa baruite danu kofina muina tuero (12) odite i sakara deiro inaibeda dana kuita sau mubie uteda oferi derawere woureda i webi.

Jonibai We Ma Boroyari Sina 12:13

I dera uwaya ari emeru dawa sataro nasiniro tararite dana i amara muni aweta yowerirogo nono Godima i awetaba amuo gasiranu fakina sadei mairo fafafa ue i eme ibawa orofa danu kabesiro anite dera uwayabairoma yafawere ibebi. Iro oya rarogonuini mui oya abanaro dawa yawoegou uteda ieta matebitaro itebi.

Jonibai We Ma Boroyari Sina 12:17

I dera uwaya ari emeruma i awetaba ibo derawere uite i awetanu koiniboroini urafie ani. I Godinu sina nautebaitate Yesu Kerisonu buribi anebaita uwaraini urafie ani. I dera uwaya ari i enea gigirariro inaibiro ere.

Jonibai We Ma Boroyari Sina 12:4

I uwaya ari dera emerunu toromama i urero muina moana nesia giriri ue mune nasiniro sanite nono i kuita mubie utebi awetanu iboro inaibifiro i aweta kuita mubiro dana ifie iba inaibi.

Jonibai We Ma Boroyari Sina 12:7

Na erena urero uraneta kowa ido fari. Maikeroini danu aneru nesia ido uyatate i dera uwaya ari emeruini danu aneru nesiaini uratate serigari utaba i uwaya ari dera emeruini danu aneru nesiaini urero ibawa uta.

Jonibai We Ma Boroyari Sina 12:9

Enoba i dera uwaya ari emeru, dana i ofe kimu tabai ari, danu mui ifu dewira o seitani, dana i nasiniro ibeta uwara nesia irutebi. Maikeroini danu aneruma dawaini danu aneru nesia mune emina nasiniro sataro tarata.

Jonibai We Ma Boroyari Sina 13:1

Nana nono erena i buna egi ari emeru enea ogoroma amui. Danu eretana eno, danu yawera nesia teni, nono danu kofirina seweni. Danu yaweraro i dera yawoeta kofi barueta ibita. I kofiri nesia mui ifu deiro deiro ibi. I ifunu ubina Godiba sina ueta siosawere ifu.

Jonibai We Ma Boroyari Sina 13:2

I buna egi ari emeru nono erena refodi egi ari ibi. Danu burina bea eginu buri ari. Danu bebetuna raiyoni eginu bebetu ari ere. I dera uwaya ari emeruma danu bunaini danu yaure yawoeta orofaini danu yawoeta buna nesia i buna egiba mai.

Jonibai We Ma Boroyari Sina 13:4

I dera uwaya ari emeruma danu buna i buna egi ari anemeruba maiba uwara nesia dawabai guriguri utate i buna egi ari emeruini guriguri uteda weita, anama dawa ewa buna egi ari emeru ari? Anama dawaini urafisu weita.

Jonibai We Ma Boroyari Sina 15:1

Nana ereta derawere ere. I eretanu ubina derawere. Nana erena aneru sewenima siosawere ueta woutaro ere. I siosawere uetana i dubu siosawere ueta. Godima ibo uteda eno ufite nono mui daido da ufisu.

Jonibai We Ma Boroyari Sina 16:13

Nana nono erena imumu siosa rarogonu, genama ari, i dera uwaya ari emerubairomaini i buna egibairomaini i meo we bou ueta amarabairomaini i nesia emanu bebeturoma amutaro ere.

Jonibai We Ma Boroyari Sina 17:12

I erinu yawera tenina moana dera yawoeta uwara teni. Emana farawa duburo fafitate buna mubitate emaini i buna egini emana wai fuyaratu eme yawofitaita.

Jonibai We Ma Boroyari Sina 17:16

I yawera tenini buna egini emana i dita yagera fareta awetaba ararua derawere ufitate danu ibaiabai nesia mubitaro ofe torowa ibifiro nono emana danu ofe dama ifitate inama dawa yafitaro yare me sibisu.

Jonibai We Ma Boroyari Sina 17:7

I aneruma naba wei, aneba neno kirifu usinu wei? Nana aba i awetaini dawa wourasu kofiri sewenini yawera teni bobo buna eginu feare ibeta ubi ma boroyamaro naua wei.

Jonibai We Ma Boroyari Sina 19:12

Danu ditina ina bubura ari. Danu kofiriro kini uwaranu kofi barueta ari faiyawere ibita. Danu kofi baruetaro Danu ifu ibi. Emema i ifunu ubina iwata me. Danu torowa Dawa iwata.

Jonibai We Ma Boroyari Sina 20:2

Dana nasiniro itarite i dera uwaya ari emeru, i dera tabaiwere danu mui ifuna dewira o seitani waita dawa munite oya faiyawere wani tausani (1000) ibifie iba senima uwane tari.