Jonibai We Ma Boroyari Sina 11:19 - Yareba

¹⁹ I sina we me sitaro Godinu urero dera dubu su kasimu ma ereariro erena i unuro ue matanetanu bogesi wabararo ibiro ere. Nana erena bida mamebiro rurua derawere webiro ure gururu gururu webiro nasini dumu farebiro aisi ureroma tararebi. kasimu ma erearirini dumu farebiro aisi ureroma tararebi.

Jonibai We Ma Boroyari Sina 11:19 ပူးပေါင်းရင်းမြစ်များ

Jonibai We Ma Boroyari Sina 11:13

Nesia eno uina nasini dumu farite i natofo su derawere muduna afunu su su faiyawere ma jugari uiba eme faiyawere seweni tausani (7000) uie me sitaro eta. I erebita uwarama iya uyareda i urero ibinu Godinu ifu we ma derawere utebita.

Jonibai We Ma Boroyari Sina 11:15

Nono i dubu aneru dana danu tawuyo ubuiro moana wate ureroma eno weita, yanu Dera Waria Amaraini Danu fafisu wiroeta Amaraini emana i nasini nesia yawofitae buna munitaba Dawa yawoteibisu weita.

Jonibai We Ma Boroyari Sina 12:1

Nono mui ereta derawere urero ere. Ina eno, mui aweta iro ibiro ere. I aweta danu baruetana kowa baruite danu kofina muina tuero (12) odite i sakara deiro inaibeda dana kuita sau mubie uteda oferi derawere woureda i webi.

Jonibai We Ma Boroyari Sina 16:1

Nana nauena mui wate i urero dubu su ubareroma i aneru nesia seweniba derawere eno wei, aniawete Godinu ibo ueta korube naberoro ibinu i nasiniro ma wegari uawero itafi weiro naue.

Jonibai We Ma Boroyari Sina 16:18

Eno weiro bida mamebiro rurua derawere weiro ure gururu webiro nasini dumu derawere fari. Boderena nasini dumu eno farawa utebi. Ina i nasini dumunu danua.

Jonibai We Ma Boroyari Sina 16:21

Aisi gebiro derawere, fifiti (50) kiro urumu ina dera raisi begi ari ureroma emenu deiro itata. Emema i aisi urumu uetaba Godinu ifu we ma siosawere utebita. Ina siosawere ueta derawere iba eno utebita.

Jonibai We Ma Boroyari Sina 19:11

Nana nono erena ure eba uiro inakeowere osi egi iro ibiro ere. Nana erete nono erena mui Amara danu ifuna gaukara uegou uetaini sina rorowarau weta. I Amarama osi deiro yaubeda Danu koto uetaini Danu uranetaini rorowarau utasu.

Jonibai We Ma Boroyari Sina 4:1

I nesia ue me siniro na Joni nana tubetuberoma erena urero kasimu ereare ibiro ere. Botai i tawuyo ubutebaita rurua ari wate naue enanari nono eno wei, Nabai mararo aba duburo fafisu ememetu mawetu uma eno wei.

Jonibai We Ma Boroyari Sina 4:5

I dera yaure yawoetanu kabesirona bida mamiro ure derawere uri. I dera yaure yawoeta orofanu iboro iro ekiwa seweni yarebi. I ekiwana Godinu Imumu seweni.

Jonibai We Ma Boroyari Sina 7:15

Eno weite wei, ema dumuini kowaini Godinu dera dubu suro Dawabai Danu gaukara utaitaba Godima Danu dera yaure yawoetanu orofaro yaufite emabai ibifisuba kobererau ibifitaita.

Jonibai We Ma Boroyari Sina 8:5

I aneruma i goruma ueta nabero munite i fuyo oeta kabesi ina torite i nasiniro sani. Sanina bida mamebiro ure urebiro dumu farebiba nasini wawana wawana utebi.

Jonibai We Ma Boroyari Sina 8:7

Nono i botai aneru danu tawuyo ubuina aisi gebiroini inaini ononoini ma dinudinu uite nasiniro itari. I nasini rarogonu ma bebere ibiro i aisini inaini ononoini nesia itariro mui afu nasini ana oma inama yare me sini.