Jonibai We Ma Boroyari Sina 10:5 - Yareba

^5-6 Nono i enea ogoroini nasiniro inaibiro ere aneruma danu banibira age ure afu saneda i me ibene ibene ibeta, ureini nasinini eneaini ana omaini gasiraini boroini waraini mabaraini ane ane nesia ubu ui Godinu ifuro eno wei, nesia daido sau me sibisu wei.

Jonibai We Ma Boroyari Sina 10:5 ပူးပေါင်းရင်းမြစ်များ

Afosoro 17:23

Na anedana mui fuyo oeta enero danu owawa oeta ibinu. I owawa oetana eno, ewa fuyo oetana ya iwata me godinu. Ewa Godi yaba watane wei.

Romani 1:20

Godima i ureini nasinini erawa nautawa ane ane ubu uite i ubu ui ememetu nesiaro Danu feare ibetawere ueta sineta, Danu bunaini Danu ba Godi imuetaini ma borobarasuba Danu koto kowa fafiro uwarama Dawa ya iwata me sina da webitaita.

Iburu 6:13

Godima Eibaramuba we bou uteda weite nono mui dera amara meba Danu ifuro Danu torowa wei.

Jonibai We Ma Boroyari Sina 10:2

Nono dana mui ereare ibi bukaratu maibeda danu banibira afu burina enearo odite nono danu ewani afu burina nasiniro odi.

Jonibai We Ma Boroyari Sina 14:7

Dana derawere eno wei, Godima kotoroma uwara ma saragari ueta kowa ido farinuba Dawaba iya uyawete Danu buna ueta we ma derawere uawe. Godima ureini nasinini eneaini ubi erioini nesia ubu uiba Dawabai ane arubi uawete guriguri uawe wei.

Jonibai We Ma Boroyari Sina 16:17

Nono i dubu aneruma anite danu korube nabero ma wegari uiro i siosawere ueta ure wuwuro itariro mui wate i urero dera dubu su ubarero ibi dera yaure yawoeta orofaroma derawere eno wei, ido me sininu wei.

Jonibai We Ma Boroyari Sina 4:11

Ana yanu Dera Waria Amaraini yanu Godi. Enoba eme nesia Abai Anu ifu we ma derawere utaitate Aba we ma kobererau utaita. I buna nesiana Anu. Ana nesia ubu ui. Ana Anu unu uite nesia ubu uiro ido ibinita, eno waita.

Jonibai We Ma Boroyari Sina 4:9

I fo me ibene ibene ibeta ememetuma i dera yaure yawoetanu orofaro yaubinu Amarabai Danu ifu we ma derawere utebaitate Dawaba we ma kobererau utebaitana i dera uwara nesia tueniti fo (24) ema i dera yaure yawoetanu orofaro yaubinu me ibene ibene ibeta Godinu iboro arubi utebaitate Dawaba guriguri utebaita. Emana emanu goru kofiri barueta mune Danu iboro odaitate eno soni waita,