Makanu 9:7 - Yareba

⁷ Weina goso ma yariro gosoroma sina tararite wei, ewana Nanu Amara ubiba Danu sina nautebeawe wei.

Makanu 9:7 ပူးပေါင်းရင်းမြစ်များ

Matiunu 27:43

Dawa Godi imutasu. Nana Godinu amara wenuba Godinu neno Dawabai ibifisuna Godima Dawa durua ufiro efe irue weita.

Matiunu 27:54

I ami kafitenini danu ami uwaraini ema Yesu yawoteda i nasini wawana wawana uetaini nesia etate neno kirifu derawere uteda weita, ewana Godinu ba Amara weita.

Matiunu 3:17

Eno uiro ureroma sina tararite wei, ewana Nanu amara ubiba Nanu neno Dawabai ibinuro yaru utatane wei.

Makanu 9:6

Ema derawere iyataba iba eno wei.

Makanu 9:8

Weiro sau etana moana uwara iro me, Yesu torowa eta.

Joninu 1:34

Jonima eno weite wei, na ereba Dana Godinu Amara ubi demurai iba yabai watane wei.

Joninu 1:49

Weina Nataniama wei, Rabai Ana Godinu Amara. Ana ya Isaraero uwaranu Dera Yawoeta Amara wei.

Joninu 12:28

Baba, Anu ifu ma derawere ua wei. Yesuma eno weina ureroma sina tararite wei, Nanu ifu botai ma derawere uete enanari nono awona ma derawere umau wei.

Joninu 19:7

Weiro i Ju uwarama moko weita, yabai tarawatu ibinu weitate weita, Dawa Nana Godinu Amara weiba yanu tarawatuba uifisu weita.

Joninu 20:31

I owawa ode buna ueta efote Yesu Dana Godinu we mune odi Amara, Dana Godinu Amara imufote me ibene ibene ibifoita.

Joninu 5:18

Yesu eno weiba ubusi uyatate Yesu ma uifitae uta. Yesuma sabate kowa imutawa uite wei, Godina Nanu Baba weiba Godini Dawaini weda we ma arotorowa uiba iba ubusi uyata.

Joninu 5:37

Godima Na siaia uite Nanu gaukara kobererau wei. Yana Godinu wate tanana nautawa utaitate Dawa erawa utaita.

Joninu 9:35

Yesuma i sina nauite i amara dobere ane atanite wei, i Ba Eme Sini Amarabai naue imue utasu aba me?

Afosoro 1:9

I sina Weiro nautate erebitaro Yesu ido urero mani. Maniro gosoma garari uiro Yesu erawa uta.

Afosoro 7:37

Ewa Mosesima danu uwaraba wei, Godima na we mune odi, i ari mui we bou ueta amara, yabai we mubite odifisu wei.

Afosoro 8:36

Eno we mawetu ue anebe ogo ane atasi. Ane atasiro Itiofia amarama Firifiba wei, na babataito umane watane. Na babataito ufasu aba me wei?

Romani 1:4

Dawa eme sinite Dawaini Godini kakarawere iba Danu ueta sineta kobererau, Godinu ueta sineta ari. Enoba Godima buna derawere uteda Yesu Dawa uietaroma ma uyariba Dawa Godinu Amara ina ya nesia iwata utaisi. Yanu dera Waria Amara Yesu Kerisoba watane.

Iburu 2:1

Yesu Keriso Dana derawereba Godinu daba ekodioisiba yanu nausi ba sina enanari uegou ufeisi.

2 Fitanu 1:17

Yana Dawaini i maidaniro uruama inaibisina Danu Damama Godima bunaini araeta mairo ariowere uiro esi. I kobere bunawere weta ureroma tararite Yesunu ifu ma derawere uite eno wei, Dawa Nanu Amara ubi. Nanu neno Dawabai ibinuro yaru utatane eno weiro nausi.

1 Joninu 5:20

Godinu Amarama ewaro tararite yaba iwata derawere mateda Dawa iwata ufene iba tarari. Yana i ba Amara, Godinu Amara Yesu Kerisobai ibinisi. Ewa Yesu Keriso Dawana Godi. Ewa wiroetana me ibene ibene ibeta. Ina nesia ya iwata utaisi.

Jonibai We Ma Boroyari Sina 1:7

Eforo! Dana i urenu gosoroma ido fafisu. Dana eno fafiro uwara nesia Dawa ure yanae utebita uwara emaini Dawa efitaita. I orofa atata uwara nesia Dawaba ane ane utebitaba imufitate emanu torowa neno ure adireda i webitaita. Dana eno fafisugo, nanu sina ido.