Makanu 9:41 - Yareba

⁴¹ Eno weite wei, yana Kerisonu buribi inaraitaba Nanu ifuro mui amarama yaba ogo ifoe mafiro Godima i ueta da imutawa ufite moko daido mafisu. Iba yaba wegou utatane wei.

Makanu 9:41 ပူးပေါင်းရင်းမြစ်များ

Matiunu 10:42

Anama Nanu iwata ueta amakanu nodo raraka ufie ogoratu mafisuna dana Nanu amaraba Godima i ogo maeta amaraba moko derawere mafisu wei.

Matiunu 25:40

Eno webitaro Dera Amarama emaba eno webisu, ba sina wemaro nauawe. Nanu sina naueta uwaraba eno utebitana Naba utebita webisu.

Makanu 4:10

Duburo i guruguru uta uwara anitaro moana inaibita uwaraini Danu iwata ueta uwara nesia tuero (12) i kasei sinanu ubi dobetate weitaro wei, Godima Danu ureroma nesia yawoe anasu kiwu sina ma borobarasuro ya iwata utaita. Nono Godinu sina nautawa uwara kasei sinaroma torowa nautaitate kasei sinanu ubi iwawa utaita wei.

Romani 14:15

Ana ieta itebasuro anu aiyema i ueta ereda imueta siosawere utasuna ina kobererau me. Ana eno utasuna anu aiye ba neno arama utawa siosawere utasuba ina kobererau me. Ana neno arama utawa anu unu torowa utasu. Kerisona i amaraba ui. Enoba ane ifasuna ina i amaranu imueta ma siosa uosoba i ieta da ia.

Romani 8:9

Nono yade. Godinu Imumu Kotofuma yabai ibinuba yana i siosa nenonu ueta utawa yana Imumu Kotofubai ibeda kobererau utaita. Enoba Kerisonu Imumu Kotofuma anabai ibawana dawana Yesu Kerisonu amara me.

1 Korinita 15:23

Emana mamamama uyafitaita. Yesu Keriso Dawa ko uyari. Nono duburo Dawa fafiro Danu muneta uwara ido uyafitaita.

1 Korinita 3:23

Nono ya uwarana Kerisonu. Keriso Dawa Godinu.

2 Korinita 10:7

Nanu buna me ofe da eawete nanu ueta sineta eregou uawe. Ana anama nana Yesu Kerisonu amara weboitana naini Yesu Kerisonu amara imuawe.

Gareisia 3:29

Yana Yesu Kerisonu uwarana yana Eibaramunu sisia uwara. Enoba yana Godinu we bou ueta nesia muboita.

Gareisia 5:24

Yesu Kerisonu naueta uwara emanu unu Yesu Kerisoma emanu siosawere ueta mu sabie emanu siosa nenonu unu ueta Yesu Kerisonu korosiro ure oita.