Makanu 3:16 - Yareba

¹⁶ Emanu ifu ewado. Saimoni reka ifu Fita mami.

Makanu 3:16 ပူးပေါင်းရင်းမြစ်များ

Makanu 1:16

Yesu Gareri mesau nioro inarebe erina Saimonini danu dabue Enuduruini ogoro iwame sane inarebisiro eri. I amara sadeina erio egi woureta amara sadei.

Makanu 3:17

Jebedinu amara sadei Jeimisini danu dabue Joni reka ifu Boanari mami. I ifunu ubina ure ruruanu adarabu mami.

Rukanu 6:13

Waikukuro Danu buribi aneta uwara nesia yua weiro Dawabai mane fata. Mane fataro emabairoma amara tuero (12) we munite emaba ya afosoro uwara wei.

Afosoro 1:13

Iroma Jerusaremu suro are fatate emanu su ubarero amuta. Fitaini Jonini Jeimisini Enuduruini Firifini Tomasini Batoromuini Matiuini Arofiasinu amara Jeimisini Keinani orofa amara Saimonini Jeimisinu amara Judasini moana awetaboini Yesunu danua Merini Danu daburetaini ema ainewaure guriguri utedibebita.

1 Korinita 1:12

Ya eno waita, mui amarama, nana Foronu buribi aneta amara wasu. Mui amarama nana Aforasunu buribi aneta amara wasu. Mui amarama nana Fitanu buribi aneta amara wasu. Mui amarama nana Kerisonu buribi aneta amara wasu. Aneba eno weda saragari ue tu aika maika utaita?

1 Korinita 3:22

Godima na Foroini Aforasini Fitaini we odiba yana arotorowa yana yaba gaukara ueta uwara. Godima ewa orofa atata ememetu nesia yaba maite yanu me ibeta maite yanu uieta mai. Dawa i awona ane ane nesia maite i duburo fafisu ane ane maiba i nesina yanu.

2 Fitanu 1:1

Na Saimoni Fita Yesu Kerisonu gaukara amara. Nana Danu afosoro amara, nana ewa owawa ue odatane. Ya naueta uwaraba wemaro nauawe. Nana Godi nautatane enanari yana Godi nautaitaba yanu nauetana arotorowa. Yesu Keriso yanu ma wiroeta Godi Dawana kobererau. Dana nesia rorowarau utasute i naueta yaba arotorowa matasu.