Makanu 15:14 - Yareba

^14-15 Weitaro wei, Danu siosade, ane usinu wei? Weina korosiro odia derawere webitaba emanu unu ufie uteda Barabasi uregari uite weiro Yesu isuma urebita. Utaro Faeratima Yesu korosiro ure odifitae emaba mai.

Makanu 15:14 ပူးပေါင်းရင်းမြစ်များ

Matiunu 27:19

Nono i koto uwaranu yaureta deiro yaubeda sina webina danu awetama mui sina siaia uite wei, Dawa kobere amaraba Dawa kodia. Awona na tuberoma Dawa enete neno siosa derawere uneba Dawa kodia wei.

Matiunu 27:54

I ami kafitenini danu ami uwaraini ema Yesu yawoteda i nasini wawana wawana uetaini nesia etate neno kirifu derawere uteda weita, ewana Godinu ba Amara weita.

Makanu 15:13

Weina korosiro odia weita.

Rukanu 23:4

Weiro Faeratima i dera fuyo ode sina weta uwaraini i guruguru ubita uwaraba wei, i amarabai kerere atanawa une wei.

Rukanu 23:47

Eno uiro ami kafiteni amarama erite Godinu ifu we ma derawere uite wei, ewa amarabai kerere me. Dana kobere amara wei.

Joninu 18:38

Yesu eno weiro Faeratima wei, ba sina ina ane wei? Eno weite wawaro itarite i Ju uwaraba wei, Dawabai kerere me weite wei, ya Ju uwaranu baeta eno, Godima Isaraero uwara Ijifiroma woure aneta ogaro kowa mui muiro dibura amaraba webaitaro uregari utebataneba yanu ununa i Ju uwaranu dera yawoeta amara ma uregari umau aba me wei?

Afosoro 13:28

I Jerusaremu suro uwarama Yesunu ueta sineta siosa me atanawa utate Faeratibai anitate me sara weitaro utaro ui.

Iburu 7:26

Ina kobererauba Yesu Keriso Dana yanu kobere fuyo ode sina weta Amara sini. Dana ya durua utebasu. Dana ba kobererau. Dana siosawere utawa ui. Godima Dawa i siosawere ueta uwarabairoma munite i ure deiro woure mane odiro ibinu.

1 Fitanu 1:19

Dana siosa ememetu goruini siriwa ari matawa ui. Dana Yesu Kerisonu kobere roatarau ononoma ya oiya ui. Yesu Keriso Dana roatarau reka mamoe ari, amai me, iga me, ane ane me, Dana roatarau torowa.