Makanu 12:28 - Yareba

²⁸ Sina sina webitana mui tarawatu tisa amarama farite Yesunu kobere sina nautebe imuteda Yesuba wei, abo tarawatuna derawere wei?

Makanu 12:28 ပူးပေါင်းရင်းမြစ်များ

Matiunu 19:18

Weiro i amarama wei, abo sina wei? Weiro Yesuma wei, eme da ma uia, yagera da fa, waira da ua, wawei webasuna meo wawei da wia, anu anua amamaba uegou ua, anu aiyeba anu aika neno arama utasu enanari neno arama ua wei.

Matiunu 23:23

Ya tarawatu tisa uwaraini Ferosi uwaraini ya meoma weta uwara eregou uforo! Yana waiyaro ibaiabaini moana kikiratu ibaiabai nesia taisi odegou utaitate nono i tarawatu buna ememetu, uwaraba kobererau uetaini neno arama uetaini Godi naue imuetaini ina utawa utaita. I taisi oetaini ina nesia da imutawa ufote nono i tarawatu ueta nesia uegou uforo wei!

Matiunu 5:19

Anama Godinu tarawatu sina demurairatu nautawa utasute nono moana uwaraba enanari we mawetu utasuna dawa i ure yawoeta orofaro kikiratu sibisu wei. Nono anama Godinu tarawatu sina nesia nauegou utasute nono moana uwaraba enanari we mawetu utasuna i ure yawoeta orofaro dana derawere sibisu wei.

Makanu 9:14

Yesuini Danu amara rarogonuini Danu inaibita iwata uwarabai are fatate etana uwara faiyawere inaibita. Iwata ueta uwarabai inare kara utaro tarawatu tisa uwaraini Yesunu moana iwata ueta uwaraini dua sina we mataneda inaibita.

Rukanu 11:42

Ya Ferosi uwara, eregou uforo! Yana waiyaro ibaiabai nesiaini moana kikiratu ibaiabai taisi odaita, nono moana uwaraba kobererau utawa utaitate Godi imutawa uteda neno arama utawa utaita wei. Yanu taisi oetaini Godi imuetaini neno arama uetaini nesia uegou uawe wei.

Rukanu 20:39

Eno weiba moana tarawatu tisa uwarama mui sina weta unutawaba weita, Tisa, ba wasu weita.