Makanu 12:10 - Yareba

¹⁰ Godinu bukaro i sina yawitaita aba me? Na iwata ya yawitaita. I bukaroma eno wasu, su ubu ueta uwarama mu sata gebirona i botai tutubu ari sini.

Makanu 12:10 ပူးပေါင်းရင်းမြစ်များ

Matiunu 12:3

Weitaro Yesuma emaba wei, Deiwidinu osi uriba ieta munebi ikiki yawitaita aba me?

Matiunu 19:4

Weitaro Yesuma wei, ewa sina yawita aba me? Godima awetaini awera ubu uite wei, idoro i amarama danu danua damama ekodifite danu awetabai taka ufiro emana sadeina merago demurai ari sibisisi Godima wei. I sina ya yawita aba me Yesuma wei? Weite nono wei, Godima eno uiba awetaini awera sadei ari me, emana demurai ari. Godima ema ma taka uiba mui amarama ema da ma darefisu wei.

Matiunu 21:42

Weitaro Yesuma emaba wei, ewa wemau sina Godinu bukaro yawita. I sinana edono, i su ubu ueta uwaranu mu sata gebirona i botai tutubu ari sini. Ewa yanu Godinu uetaba kamama eraisi. I sinana eno, Yesuma wei.

Matiunu 22:31

Weite wei, Mosesinu uietaroma ma uyareta sina imue eawe. Mosesima Godinu wei sina eno owawa ue odi, Nana Eibaramunu Godi, Aisikinu Godi, Jeikofunu Godi Mosesima eno owawa ue odiro yana yawita. Godi Dawa i uieta uwaranu Godi me. Dawana i wiroeta uwaranu Godi Yesuma wei.

Makanu 12:26

Uieta emenu uyareta Mosesinu bukaro yawitaita aba me? I ina yarebi ananu ikiki yawitaita aba me? I ikikiro Godima Mosesiba wei, Nana Eibaramunu Godi, Nana Aisikinu Godi, Nana Jeikofunu Godi eno wei.

Makanu 12:9

Eno utaba i waiya ubi amara anene ufisu? Dawa anibite i waiya yawoeta uwara nesia ma uifite danu waiya aika uwaraba mafisu wei.

Makanu 13:14

Mui kowaro i siosa emetu danu ibeta kabesi mero iro ibifiro efoita. Eforo i kabesiro ibeda siosa ueta faiyawere uteibiro ya yawitaita uwara ido iwata ufoita wei. Judia orofaro ibinita uwara maidaniro sau manibitaita wei.

Makanu 2:25

Weitana Yesuma emaba wei, boderewere Deiwidini danu uwaraini osi utebiba ieta munebita ikiki yawitaitatema nono iwawa utaita. Eibieta Godinu dera fuyo ode sina weta amarama yawotebiro Deiwidi Godinu su ubarero amuite dera dubu su yawoeta uwaranu Godinu ereta kakara buredi mune iteda danu uwaraba mairo ita wei.

Rukanu 6:3

Weitaro Yesuma emaba wei, yanu dera sisia amara Deiwidini danu uwaraini osi urebiba ieta munebi ikiki yawitaita aba me wei?

Romani 9:33

Godinu bukaroma Yesuba eno wasu, Nana Saioni orofaro buridu ue ureieta gebiro odimaro ina eme ma ureifisu. Nono anama danu naueta Yesubai odifite dawa maru da ufisu, Godinu bukaroma eno wasu.