Makanu 11:1 - Yareba

^1-2 Yesuini Danu iwata ueta uwaraini Jerusaremu dera natofo suro fafitae arebita. Arebe arebe are mui su sadei Betifeijini Beteni i oriwa maidanibai ibita. Enoba inarebe i su sadei ibita orofa abanaro are fata. Nono iroma Jerusaremu suna yafa me. Are fatate Yesuma Danu iwata ueta mui amara sadei siaia uteda wei, etei yanu ibo afu ibinu mui kirisi weto su ifu Betifeiji iro aniawate eawaro mui su gigirari tubune tutubaro bodere mui amarama yaurawa i otowa doniki egi nama doie odifitaro ibifiro efawaisina ido na ma uregari ue muawate Nabai woure arawa wei.

Makanu 11:1 ပူးပေါင်းရင်းမြစ်များ

Matiunu 21:17

Weite Yesu ema ekodite Jerusaremu suroma Beteni suro ane aini.

Matiunu 24:3

Yesuma Oriwa maidaniro mane yauri. Ido yauriro Danu iwata ueta uwara emanu aika Dawabai mane fatate weita, Anu dera dubu suba wenu sina abo kowaro eno ufisu? I dubu kowaro anene ufiro efero a fafasu weita?

Matiunu 26:30

Yesuini Danu uwaraini soni weitate i su ekoitate Oriwa maidaniro manita.

Makanu 13:3

Duburo Oriwa maidaniro yaubeda dera dubu su erebiro Fitaini Jeimisini Jonini Enuduruini emanu aika fatate Dawaba weita, Anu wenu sina enanari abododo ufisu? I dubu kowaro anene ufiro efero A fafasu weita?

Makanu 14:13

Weitaro Yesuma Danu mui iwata ueta amara sadei siaia uteda wei, natofo suro aniawate mui ogo woureta amara efawaisina danu buribi aniawa.

Makanu 6:7

Mui kowaro su su we mawetu ue inarebi.

Joninu 8:1

Yesuma Oriwa maidaniro manite iro aini.

Afosoro 1:12

Oriwa maidani sabate kowaro inareta daba ni yafa meratu Jerusaremu su baworo.