Korose 4:5 - Yareba

⁵ I nautawa uwarabai ibedana kobere ueta ue, kobere sina we, enoma enoma utebeawe. Yanu gaukara kowa sara da uawete yawoegou uawe.

Korose 4:5 ပူးပေါင်းရင်းမြစ်များ

Matiunu 10:16

Eawe, ya mamoe ari orowa kuabai siaia umauba towi ari beforo buna uawete ubani gasira danu wate ari ure nudarau wiawete kobererau imuegou uawe wei.

Romani 16:19

Uwara nesia iwata yana Yesu Kerisonu sina nesia nautaitaro iba yaru utatane. Nanu ununa yana i kobere ueta nesia iwata uegou utaitarogo nono siosawere ueta nesiana ya iwata me.

Korose 3:16

Yesu Kerisonu we mawetu ueta sina imuawero yanu neno tairo ibifi. I sina imuawete iwata derawere uteda yanu yanu we mawetu ue matawete we kakara ue mataneda samusini Godi we ma kobererau ueta soni aika maika we Godi imueta soni safararo aika maika eno eno soniroma wiawe.

1 Tesoronaika 4:12

Eno ufoitana moana uwarabai nui da weboro Godinu sina nautawa uwarama efitate ya kobere uwara webitaita.

1 Timotibai 3:7

Godinu sina nautawa uwarama dawa kobere amara webitaro seitanima dawa ma siosa da ufiro dawa da ureifisu. Nanu dubu su yawoeta sina ido.

Jeimisinu 1:5

Mui iwata me amara dawa Godibai wenauefiro Godima dawaba iwata derawere mafisu. Emema Godibai ane ane wenauefitaitana Godima ibo da ufite aneba wenaueraita eno da webite emaba nesia maegou ufisu.

Jeimisinu 3:13

Yabai abo amarana iwata derawerero beforo buna amara? I amarama danu ueta sineta kobererau uteda na eawe da webisuna dawana iwata derawerero beforo buna amara.

Jeimisinu 3:17

Godinu imuetana kobererauba yana urero Godinu imueta imutaitana kobererau uegou uteda urane yarane utawa utaitate emeba kobererau utaitate emenu sina nautaitate emeba neno arama utaitate yanu imueta uro owere ma owere utawa utaitate ba sina torowa webaita.

1 Fitanu 3:1

Ya awetaboma ya nesia yanu dera uwaranu sina nauteda utaisi i enanari yanu awerasinu sina nauawe. Moana awerasima Godinu sina nautawa utebitaro nono yana emanu sina nauegou ufoitana yanu kobere ueta sineta efitate Godi imufitaita. Yanu kakara ueta sineta ima yanu awerasinu imueta ma owefisu.