Korose 3:17 - Yareba

¹⁷ Anene webote ane ufote ane ane ufoitana Yesu Kerisonu ifuro uteda Dawaini Baba Godinu iboro inaibeda we ma kobererau uawe.

Korose 3:17 ပူးပေါင်းရင်းမြစ်များ

Matiunu 28:19

Idoba i orofa atata uwara nesiabai aniawete Godinu sina wiawero naufitate Nanu iwata ueta uwara sibitaro ema babataito uawe. Baba Godinu ifuro Danu Amaranu ifuro Danu Imumu Kotofunu ifuro ema babataito uawete Nanu yaba bunawere we sina emaba enanari we mawetu uawero naufita wei. Yabai ibimaro ureini nasini me sibiro yabai daido ibimau. Ina imue eawe Yesuma eno wei.

Afosoro 19:17

I Efesa su uwara nesia, Ju uwaraini Guriki uwara i ueta nautate iya derawere uyatate Yesunu ifu we ma kobererau uta.

Afosoro 4:30

Anu buna age sate uwara ma wiroate Anu neno neno utawa Kotofu Amara Yesunu ifuro buna ueta ua weita.

Romani 1:8

Nanu botai sina eno, yana Yesu Keriso imuegou utaitaro i orofa atata uwara faiyawere nautaitaba Godibai yaba Yesu Kerisonu ifuro we ma kobererau utatane.

1 Korinita 10:31

Nanu sina wemaro nauawe. Ieta ifoita aba ane ane ufoitana Godinu ifu we ma derawere uteda eno ufoe watane.

Efesa 1:17

Nanu ununa yanu Dera Waria Amaranu Godi, i araetawere Baba Godi, Dawa ya durua ufiro Danu Imumu Kotofunu imueta yaba ma boroyafiro Godinu imueta nesia iwata uegou ufoe iba Godibai guriguri utebatane.

Efesa 5:20

Yesu Kerisonu ifuro nesiaba yanu Baba Godibai we ma kobererau utebeawe.

Firifai 1:11

Nanu ununa ya uwarabai Yesu Kerisonu kobere ueta ibifiro eno uforo emema efitate Godiba we ma kobererau ufitae iba Godibai guriguri utatane.

Korose 1:12

Godima ya ma kobererau uiba Danu ariowere yawoeta orofaro anibete yana i naueta uwaraini yanu urero muneta mubete merau ibifeisiba ya Godibai we ma kobererau uteiboe waisi.

Korose 2:7

Ana inima sakai ubarero tanasu enanari yanu imueta Yesubai odegou uforo yanu naueta derawere ufie watane. Efafarasima yaba eno we mawetu utebiro nautebitaba iba enanari uawete Godibai we ma kobererau uegou uawe.

Korose 3:15

Yesu Kerisoma ya yua we munite ofe demurai ari ue odiba Danu wesa uetama yanu neno yawoteibiro merau ibeda kobererau ufote Godibai we ma kobererau ufoe watane.

Korose 3:23

Ya uwara, ane ane ufoitana ina emenu gaukara me, ina Yesu Kerisonu gaukara we imuawete uegou uawe.

1 Tesoronaika 1:1

Na Foro, nana ewa sina owawa ue odatane eawe. Sairasini Timotini nabai ibeda yaba ario waisi. Ya Tesoronaika su uwara, ya Baba Godinu naueta uwaraba yana Godini Yesu Kerisonu uwara. Godima ya kobererau durua ufite ya nesiaba wesarauini ure nudarau ueta mafiro merau ibifoe iba watane.

Iburu 1:5

Godima aneruba eno wiawa Danu Amara torowaba eno wei, Ana Nanu Amara. Awonana Na Anu Amama eno wei. Nono mui aneruba eno wiawa, Nana anu amama simaro ana Nanu amara sibasu, eno wiawa ui.

Iburu 13:15

Nanu sina nauawe. Yesuma ya durua utebasuba Danu ifu we ma derawere ufete Godibai we ma kobererau uteibene iba watane. Ina yanu Godibai fuyo oeta ari.

1 Fitanu 2:5

Nono yade, yana me ibeta gebiro ari sinaita. Godima ya i gebiroma danu dubu su ubu utasu. Ya uwarana Godinu kakara fuyo ode sina weta uwara. Enoba yana Dawabai yanu nenoini nauetaini imuetaini ina fuyo ari odiawero Godima Yesu Keriso imufite mubi.

1 Fitanu 2:9

Nono yana i uwara ari me. Godima ya mune odi. Dana ya Danu roiya fuyo ode sina weta uwara mune odi. Dana ya Danu kakara uwara odi. Dawa ya dumuroma ma dare munite Danu ariowerero ane odiba i sina emebai weboe iba eno ui.

1 Fitanu 4:11

Ananu buna buna maetana durua ueta, dawa Godinu bunama wegou ufisu. Ananu buna maetana durua ueta, dawa Godinu bunama eme durua uegou ufisu. Yana Yesu Kerisonu ifuro eno uawero emema ereda Godinu ifu we ma derawere ufita. I bunaini araetaini Godibai me ibene ibene daido ibeibisu. Nanu sina ido.

1 Joninu 3:18

Nanu aruma amara, neno arama ueta sina torowa da webete nono ba neno arama uegou ufe.