Korose 3:16 - Yareba

¹⁶ Yesu Kerisonu we mawetu ueta sina imuawero yanu neno tairo ibifi. I sina imuawete iwata derawere uteda yanu yanu we mawetu ue matawete we kakara ue mataneda samusini Godi we ma kobererau ueta soni aika maika we Godi imueta soni safararo aika maika eno eno soniroma wiawe.

Korose 3:16 ပူးပေါင်းရင်းမြစ်များ

Matiunu 26:30

Yesuini Danu uwaraini soni weitate i su ekoitate Oriwa maidaniro manita.

Rukanu 2:51

Yesuini ema ido owetate Nasareta suro tanita. Yesuma emaba gifena utawa utebi. Danu danuama ina nesia wiawa uteda nenoma me imutebi.

Joninu 15:7

Yana Nabai ibegou ufote Nanu sina nauegou ufoitana anene wenaueforo enanari yaba ufisu wei.

Romani 10:17

Godinu kobere yaba waitaro nauteda sina Yesu Kerisoba nautaisiba yanu naueta Godibai odaisi.

Romani 15:14

Naiyemutu na iwata, yana kobererau utaita, yana aika maika iwata derawere utaitaba yanu yanu we mawetu ue matawe.

1 Korinita 14:15

Anene umau? Nana imumuini beforoma guriguri umau. Nana imumuini beforoma soni wemau.

1 Korinita 14:26

Naiyemutu, nanu sina weneba anene ufoita? Guruguru ufoitana moana uwara soni we, moana uwara we mawetu ue, moana uwarabai Godi emaba wei sina we, moana uwara aika maika kamama sinaroma we, moana uwara i sinanu ubi we, eno ufoita. Eno ufoitana uwara nesianu naueta ma derawere ufoita deina ido.

Efesa 1:17

Nanu ununa yanu Dera Waria Amaranu Godi, i araetawere Baba Godi, Dawa ya durua ufiro Danu Imumu Kotofunu imueta yaba ma boroyafiro Godinu imueta nesia iwata uegou ufoe iba Godibai guriguri utebatane.

Efesa 5:17

I beforo me uwaranu ueta ari da uawe. Yanu Dera Waria Amaranu unu imueta ue iwata uawete enanari utebeawe.

Efesa 5:19

Samusi buka sinaini sonini Godinu Imumu kotofunu sonini, i, iba sinaroma yanu yanu we matawete Godibai nenoma yaru uteda soniroma we ma kobererau uegou uawe.

Efesa 5:26

Yesu Keriso Danu ununa Danu naueta uwara Godibai mune odifie Danu sina emaba maite babataito uiba toafurau ibinita.

Korose 1:28

I orofa atataro inaredana uwarabai we kakara uteda Godinu iwataro Yesu Kerisonu sina weisi. Yanu unu uwara nesia Yesubai ibeda naueta derawere bobo Godibai odifene iba Danu sina nesia we mawetu utaisi.

Korose 1:9

I sina nausite Godibai ainewaure guriguri utedana eno waisi, i Korose su uwara durua uaro anu unu iwata uteda Anu ba sina naufitate ubi iwata ufita, eno waisi.

Korose 4:6

Kobere imonarau ieta i ari kobere sina kekerama kekerama wiawe. I uwara nesiabai anene moko weboe ufoitana eno wiawe.

1 Tesoronaika 1:8

Godinu sina yabairoma i Masadoniaini Akeiya orofa uwarabai torowa anawa. Yanu Godi imueta moana uwarama i orofa atata uwara nesiabai we inarebitaro nautebitaba naini nanu uwarama sina nono wiawa utaisi

1 Tesoronaika 4:18

Enoba ewa sina torowama yanu aika we ma nabi ue matawe.

2 Tesaronaika 3:15

Dana yanu wasai amara meba dawaba siosawere da uawe. Dawa yanu yaiyeba kekerama we kakara uawe.

1 Timotibai 6:17

Ibaiabai derawere uwaraba sina eno webaro naufitae watane. Ibaiabai derawere uwara sasae da uawete i awona ibinu oi, waidumu me sibisuba iba i oi da imuawete Godi Dawa nesia matasuro munaisi, iba Godi imuawe.

2 Timotibai 3:15

Godinu kobere sina kikiraturoma iwata utebasu. I sinana Yesu Keriso ma boroyarasuro ana Yesu Keriso imutasuba Dana a ma wirotasu.

Taitasibai 3:6

Dawa Yesu Kerisonu eme ma wiroetaba Danu Imumu Kotofu ya nesiaba maegou ui.

Jeimisinu 1:5

Mui iwata me amara dawa Godibai wenauefiro Godima dawaba iwata derawere mafisu. Emema Godibai ane ane wenauefitaitana Godima ibo da ufite aneba wenaueraita eno da webite emaba nesia maegou ufisu.

Jeimisinu 3:17

Godinu imuetana kobererauba yana urero Godinu imueta imutaitana kobererau uegou uteda urane yarane utawa utaitate emeba kobererau utaitate emenu sina nautaitate emeba neno arama utaitate yanu imueta uro owere ma owere utawa utaitate ba sina torowa webaita.

Jeimisinu 5:13

Yabai anama neno siosa uteibisuna guriguri ufi. Anama yaru uteibisuna Godinu ifu soniroma we ma derawere ufi. Anama ofe woureibisuna Godinu sina naueta uwara webiro dawabai fafitate guriguri ufitate yanu Dera Waria Amaranu ifuro webitate i ofe woureta amaranu ofero oera kikiratu odifita.

1 Joninu 2:14

Ya koiniboroma Baba Godi iwata utaitaba yaba owawa ue odatane. Ya dera uwarama i botai kowaro ibebe awona ibinu Amara iwata utaitaba yaba owawa ue odatane. Ya reka uwarama buna uteda i siosawere amara serigari utaitaba Godinu sina yanu nenoro ibinu. Yaba owawa ue odatane.

1 Joninu 2:24

Enoba yanu botai nauta sina nenoma imuegou uawe. I sina yanu nenoro ibegou ufisuna yana Godinu Amaraini Godibai ibifoita.

1 Joninu 2:27

Godima Danu Imumu Kotofu siaia uiro yabai tare ibinuba moana uwarama ya da we mawetu ufitaita. Godinu Imumu Kotofuma ya nesia meo me, ba we mawetu utasu. Eno we mawetu utasuba Dawabai ibegou uawe.

2 Joninu 1:2

Godinu ba sina yabai ibebe nono yabai me ibene ibene ibeibisu iba yanu neno abai ibinu.

Jonibai We Ma Boroyari Sina 14:3

I uwarama i dera yaure yawoetanu orofa iboroini i me ibene ibene ibeta emeru fonu iboroini i dera uwara tueniti fonu iboro inaibeda mui reka soni munebita. Nono moana uwarama i reka soni iwata me. Godima i eme wani aderedi foti fo tausani uwara nasiniro ibita eme turoma oiya unono uite ma saragari ue odiba emanu torowa i reka soni munebita.

Jonibai We Ma Boroyari Sina 15:3

Emana Godinu gaukara amara Mosesini i Reka Mamoenu soni eno munebita, yanu buna derawere Waria Godi. Ana buna derawere ueta utasu. Ana i orofa atata aika maika ibinita uwaranu dera yawoeta amara. Anu ueta sineta nesia rorowarauini ba utasu.

Jonibai We Ma Boroyari Sina 19:10

Eno weiro nana dawabai guriguri umane uteda danu buri gigirariro arubi uero wei, eno da ua, aini naini anu aiyemutu, anama Yesu Kerisonu ba sina webaita, ya nesia gaukara uruama utaisi enoba Godibai guriguri ua wei. I we bou ueta uwara emaini Yesu Kerisonu ba imueta iwata utate enanari Danu ba sina we bou uta.

Jonibai We Ma Boroyari Sina 5:9

Ema nesia reka soni i Reka Mamoeba eno weita, Abaina arotorowaba i buka muninute i uwane tarisinu na ma furiare saninu. Emema a utaro uite Anu ononoma uwara aika maika, sina aika maika webita uwaraini orofa aika maika aboro aboro ibita uwara oiya uite ema woure amo Godibai odi.