Korose 3:12 - Yareba

¹² Enoba ya Godinu muneta uwara, Godima ya neno arama uteda Danu gaukara ufoe ya mune aika odiba eno uawe. I gaukara wadia ari eno baruawe. I gaukarana ewa ari uawe, neno arama uetaini emebai nata nata uetaini yanu ifu we ma derawere utawa uetaini we ma kakara uetaini ibo utawa uetaini i nesia wadia ari baruawete kobererau utebeawe.

Korose 3:12 ပူးပေါင်းရင်းမြစ်များ

Matiunu 24:22

I awe derawere uyareta kowa kowana siosararaboba iba Godima da ma fuyaratu ufirona eme nesia feafitae, enorogo Godi Danu mune odasu uwara nesia imuteda iba i kowa ma fuyaratu ui.

Matiunu 24:24

I kowaro irueta kerisoini irueta we bou ueta uwaraini uyafitate buna uetaini eretaini eme irufitae ufitate Godinu muneta uwara irufitae ufitaita.

Matiunu 24:31

Dawa fafite areda Danu aneru siaia ufie tawuyo ubufiro anibitate Danu muneta uwara kowa amueta afuro kowa itareta afuro ufuniro manamaro aboro aboro nesia ane mubitaita wei.

Makanu 13:20

Godima i kowa faiyawere ma fuyaratu da ufirona eme nesina uifitae. Nono Danu we muni uwara imuteda iba i kowa faiyawere nono ma fuya ui wei.

Makanu 13:22

Irueta kerisoini irueta we bou ueta uwaraini faiyawere fafitate buna uetaini buna eretaini derawere ufitaro emanu tanana emema efitaita. Eno ufitate Godima Danu we muneta uwara irufitae ufitaita.

Makanu 13:27

Dawa Danu aneru siaia ufiro anibitate kowa itarasu iroma kowa amutasu iroma ufuniro manamaro aboro aboro ure nasiniro Danu we mune odi uwara nesia mubitaita wei.

Rukanu 1:78

Godima ya neno arama derawere utasuba i dera ario ari ureroma tarafite i dumuini uietanu utumuro ibinita uwara ario ufite yanu daba mawetu ufiro merau ibifeisi watane wei.

Rukanu 18:7

Dawa eno utasuna Godinu sina nautaita uwarama Godiba woroworo waitaro emanu waita sina Godima nauegou utasu aba me?

Romani 1:7

Godima ya Romani uwaraba neno arama uteda iba ya Danu uwara we mune odi. Yaba ario watane, yanu Baba Godini yanu Dera Waria Amara Yesu Kerisoini emana yaba me durua ufisite emanu wesa ueta yaba mafisiro merau ibifoe watane.

Romani 13:14

Yana yanu Dera Waria Amara Yesu Kerisonu imueta imuawete Danu dabaro aniawete yanu siosa nenonu unu nesia kodiawe. Siosawere da uawe, iba watane.

Romani 9:11

I aweta Rebeka dia munebina i amara sadei desini ubarero ibeda kobererau aba siosawere utawa usiro Godima ereda Rebekaba wei, i botai amarama i dubu amaranu gaukara ueta amara sibisu wei. Godi Danu unu ufie uteda iba eno wei. Dawa unutawa mui amara ueta derawere ufisuba botai amara sineta. Danu unu dubu amara Dana weiba botai amara sini.

1 Korinita 13:4

Anama neno arama uteda dawa moko sina sau wiawa utasute dawa ure nudarau utasu. Anama neno arama uteda mui amaraba sina siosa da webisu, eno utawa utasuna danu ifu we ma derawere utawa utasu.

2 Korinita 6:6

Yana dita yagera farawa, yana iwata derawere utaisite jaja bobo utawa ure nudarau utaisite eme durua utaisiro ereda yana Godinu gaukara uwara iwata utaita. Eno uteda Godinu Imumu Kotofuma ya durua utasuba emeba neno arama uegou utaisite Godinu bunaroma ba sina waisiro nautaita. Yanu ewani afu ageini banibira afu agenu warina Godinu kobererau ueta.

Gareisia 5:6

Yana Yesu Kerisonu uwara, yabai i Ju uwaranu ofe turetana imueta derawere me, i ofe turawa uetana imueta derawere me. Yana neno arama uteda Yesu Keriso imufeisi, deina ido.

Efesa 1:4

Godima i nasini ubu utawa uteda i kowaro Yesu Keriso Dana ya ma wirofie iba we mune odi. Godi Danu ununa ya Danu iboro inafete kobererau torowa ufene iba eno ui.

Efesa 4:2

Yanu ueta sineta eno uawe, yanu ifu we ma derawere da uawete nesia kekerama uawete nesia ure nudarau uawe. Yanu yanu neno arama ue matawe, yanu ueta sineta eno uawe.

Efesa 4:24

Eno uawero yanu ueta sinetana Godinu ueta sineta ari sibi. Eno ufoitana yana kobererau torowa ufoita. Eno uawero yanu ueta sinetana kobererau sibisu.

Efesa 4:32

Yanu yanu neno arama ue mataneda durua uawe. Godima Yesu Kerisoro yanu siosawere ueta mune imutawa ui enanari yanu yanu siosawere ueta muawete imutawa uawe.

Firifai 1:8

Godi Dawa iwata, Yesu Kerisoma yaba neno arama utasu, i ari naini yaba neno arama uegou utatane.

Korose 3:10

Yana reka uwara sita. Godima yanu reka neno ubu uiba kowa mui muiro ue ereda iwata utaitate Dawa ari sinaita.

1 Tesoronaika 5:15

Mui amarama ya siosawere ufisuna siosawere moko da uawe. Yanu yanu kobererau ue matawete uwara nesiaba enanari uawe.

2 Timotibai 1:9

Boderewere Godima Danu unu uite Danu kobere durua ueta Yesu Kerisoro yaba mai. Nono awonana yanu ma wiroeta Amara Yesu Kerisoma farite i uietanu buna ma serigari ue eta sanite Godinu kobere sinaroma me ibene ibene ibeta wiroeta we ma boroyariro ereda iwata utaisi.

2 Timotibai 2:10

Godinu mune bou ui uwaraba moana uwarama naba siosawere utaitana emanu wakiki ogo imaro Godinu mune bou ui uwara Yesu Kerisobai wirofitate Godinu araetawere orofaro me ibene ibene ibifitae iba na ibo utawa uete watane.

Taitasibai 1:1

Na Foro, nana Godinu sabua ueta amaraini nana Yesu Kerisonu afosoro amara.

2 Fitanu 1:10

Enoba naiyemutu, Godinu gaukara uegou ufoitana yana Godinu muneta uwara daido iwata ufoita. Ya eno ufote buridu unono da ufote Godibairoma da ureifoita.

1 Joninu 4:19

Dana yaba botai neno arama utasuba nono yana Dawaba neno arama utaisi. Ina imuegou uawe.

2 Joninu 1:13

Anu Godima mune odi ataenu koiniboro aba ario waita. Nanu sina ido me sininu.

Jonibai We Ma Boroyari Sina 17:14

Ema nesia i Reka Mamoeini urafitaita. Nono i Reka Mamoeini Danu we mune odiro buribi anegou utebita uwaraini emana i dera yawoeta uwara ma serigari ufitaita. I Reka Mamoena Dana i dera uwaranu Dera Amara. Dana i dera yawoeta uwaranu Dera yawoeta Amaraba iba i uwara ma serigari ufisu wei.