Korose 3:1 - Yareba

¹ Godima yaini Yesu Keriso ma uyariba i urero ueta sineta doberegou uawe. Yesu Keriso Dawa iro Godinu banibira age afuro mane yaubinuba i urero ueta sineta uawe.

Korose 3:1 ပူးပေါင်းရင်းမြစ်များ

Matiunu 22:44

Dawa eno wei, Godima nanu Dera Waria Amaraba wei, Nanu banibira age afu yauaro Anu wasai uwaraba buna umate Anu buri eminaro odimau, Dawa eno wei.

Matiunu 26:64

Weiro Yesuma wei, anu sinana ba wei. Weite wei, awonaroma i Ba Eme Sini Amarama i buna derawere Godinu banibira age afuro yaufite nono duburo i gosoro fafiro efoita wei.

Matiunu 6:33

Ietaini ogoini ane ane nesia da doberegou ufote nono Godinu kobere yawoe anasu orofa doberegou uforo yanu ietaini ane ane nesia yaba mafisu.

Makanu 12:36

Imumu Kotofuma Deiwidiba mawetu uiba Deiwidima wei, Godima Nanu Dera Waria Amaraba wei, Nanu banibira age afu yauaro Aini wasai utaita uwaraba buna umate Anu buri wowonaro odimau wei, Deiwidima eno weiya wei.

Makanu 14:62

Weina aiwiade weite wei, Ba Eme Sini Amara i buna derawere Godinu banibira age afuro yaufite gosoro fafiro efoita wei.

Makanu 16:19

Yesu Danu iwata ueta uwaraba sina we me sinebina Godima Yesu urero woure maniro Danu banibira age afuro mane yaurite daido yaubinu.

Rukanu 12:33

Yanu ibaiabai oiya ue mawete i ba me ibeta uwaraba oi moana mawe wei. Eno ufoitana yanu ibaiabai urero ibene ibene ibifisu. Iro waira uwarana me. Iro jirikoma ibaiabai ma arama da ufisu.

Rukanu 20:42

Deiwidima i Samusi bukaro Mesaiaba eno wasu, Godima nanu Dera Waria Amaraba wei, Nanu banibira age afu yauaro aba wasai utebaita uwara buna umate Anu buri eminaro odimau weiya wasu wei.

Rukanu 22:69

Eno weite wei, awonaroma i Ba Eme Sini Amarama i buna derawere Godinu banibira age afuro yaufiro efoita wei.

Afosoro 2:34

Fitama eno weite wei, Deiwidima urero anawarogo ewa sina wei, i Godima Nanu Dera Waria Amaraba wei, Nanu banibira age afu yauaro aba wasai utaita uwaraba buna umate mumate Anu buri eminaro odimau Godima weiro Deiwidima eno wei.

Afosoro 7:55

Utaro Imumu Kotofuma Sitiwaninu neno ubarero itariba Sitiwanima urero erite wei, Yesuma Godinu banibira age afuro inaibinuro eratane wei.

Romani 8:34

Anama yaba do mafisu? Yanu abanaro inareta Amara Yesu Keriso Dawa uitema uyarite Godinu banibira age afu mane yaubine. Enoba Dana abanaro inareda yanu sina Godibai wasu.

Romani 8:6

Anama i nenonu siosa uetaba imufisuna dawa daido uifisu. Anama Imumu Kotofunu kobere wesarau uetaba imufisuna dawa merau ibeda me ibene ibene ibifisu.

2 Korinita 4:18

Enoba yana ewa orofa atata ememetu da efene watane. Yana i urero erawa ememetu doberebe eregou ufeisi. Ewa orofa atata ememetuna me sibisu. Nono i erawa ememetuna me ibene ibene ibifisu.

Efesa 4:10

I nasiniro tarari Amaraini i ure deiro mani Amaraini Dana Amara demurai. Enoba Dana nasini wowonaroini etu deiroini urero aboro aboro ibeda nesia yawotasu.

Efesa 5:22

Awetabo yana Yesu Kerisonu sina nautaita enanari yanu awerasinu sina nauawe.

Korose 2:20

Yana Yesuini uitana i nasiniro imuetaba uita. Eno uita rairo aneba awona ewa nasiniro ibinita uwaranu imuetaini iba sina nauteda eno utaita?

Korose 3:2

Ainewaure i urero imueta imuteda ewa nasiniro imueta ekodiawe.

Iburu 1:13

Godima aneruba eno wiawa ui, arawete Nanu banibira age afu yauawero yaba wasai utaita uwara ma serigari umate eminaro odimaro yanu buri emanu deiro sawe, emaba eno wiawa Danu Amaraba torowa eno wei.

Iburu 1:3

Godinu araetaini Danu Amaranu araetana arotorowa. Godini Dawaini emana arotorowa. Dana Danu buna sina wasuro ewa orofa atata ememetuini kowaini sakaraini muinaini nesia kobererau utaita. Dana emenu siosawere ueta munite ema ma roatarau ufie iba korosiro uite urero i buna derawere Godinu banibira age afu mane yauri.

Iburu 10:12

Nono Yesude! Dana demurai fuyo odiro i fuyona daido ido. Dana eno uite Godibai manite Godinu banibira age afu mane yaubinu.

Iburu 12:2

Yanu nauetana Yesubairoma farasu Dana yanu nauetanu sirorarini dubu amaraba ya yanu ditima Dawabai eregou ufene watane. Dana i Godibai yaru ueta imuteda Danu korosiba iyarawa uite uwarama Dawaba siosawere ueta imutawa uite nono awonana Dana Godinu yaubetanu banibira age afu yaubinu.

Iburu 8:1

Nanu sina edono, yanu Dera fuyo ode sina weta Amara i arina ibinu. Dana urero Dera yawotasu Godinu banibira age afu yaubinu.

1 Fitanu 3:22

Yesu Keriso Dawa urero mane ibinu. Dawa Godinu banibira age afu mane yaubeda aneruini buna ane ane nesia yawotasu.