Korose 2:19 - Yareba

¹⁹ I amarama Yesu Keriso munegou utawa, Yesu Keriso Dana yanu kofiri. I kofirima i ofe ubu nesiaba buna matasuro ima yanu ofero ememetu nesia daisineda ofe derawere uteda demurai utasu. Enoba yanu ofena Godinu bunama ma daisinasu.

Korose 2:19 ပူးပေါင်းရင်းမြစ်များ

Rukanu 5:38

Reka waini reka egi ofero adu ufisu.

Joninu 17:21

Nanu ununa i uwara nesia demurai sibitate imueta demurai imufitae watane. A Nabai ibinuro Abai ibine, enanari wabai ibifitae watane. Wabai ibifitaro i orofa atata uwarama efitate Ana Na siaia ui iwata ufitae watane.

Afosoro 4:32

Godinu sina naueta uwarana imueta daba demurai uwara. I uwara nesia emanu waiyaini ibaiabaini, nanu wiawa utate nesia nata nata uta.

Romani 11:17

Godima i botai ba emema waieta oriwa waita ana iwara umane tasire mune eta aika odi. Eno odite nono ya Ju me aika uwarana i me waratasu oriwa waita ana iwara ari, ya eno umane ture munite i ba iwaranu kabesiro yaino ue odi. Dana eno utasuro yana i ana ininu ogo itebaitaba sasae da uawete i ba iwaraba we ma siosa da uawete yanu ifu we ma derawere da uawe. Yana i ana ini yawotawade ana inima ya yawotasugo. Enanari Godima i Ju uwara we ma kobererau utasuro yana i Ju uwarabai i we ma kobererau ueta munaisi.

1 Korinita 1:10

Naiyemutu, yanu Dera Waria Amara Yesu Kerisonu ifuro wemaro nauawe. Bebetuma urane yarane kodiawete aika maika da uawe. Ya nesia imueta daba demurai imuawete wiawe.

1 Korinita 11:3

Nono ewa sina wemaro nauawe. Uwara nesianu kofirina Keriso. Awetabonu kofirina emanu awerasi. Kerisonu kofirina Godi.

1 Korinita 3:6

Nanu sina edono, nana waitebitararo Aforasi dawa ogo yanatebiro nono Godima yanu naueta i tua ari ma waratebi.

Efesa 1:22

Dawa nesia yawofie iba odite Dana i naueta uwara nesia Yesu emanu kofiri we odi.

Efesa 1:23

I naueta uwarana Danu ofe. Idoba i kofirini ofeini ofe ubu demurai sinaisi.

Efesa 2:21

I fou torama i su nesia ma badami utasu i ari Yesu Kerisoma ya nesia ma badami utasuba yana Godinu kakara dubu su ari sinaisi.

Efesa 4:3

Godinu Imumu Kotofuma ya durua utasuba imueta daba aika maika da imuawete uwara demurai siawete Danu wesarau ibeta enanari ibiawe.

Efesa 5:29

Emema emanu ofe da imutawa ufitaita. Enona me. Emana emanu ofe yawoegou uteda ieta itaitaro ima emanu ofe omutasu. Yesu Keriso Danu naueta uwara yawotasu enanari emanu ofe emanu torowa yawotaita.

Firifai 1:27

Yana Yesu Kerisonu naueta uwaraba kobere ueta sineta uegou uawe. Yabai famau aba me arina yanu kobere ueta sineta sina torowa naumau. Ya uwarama naueta daba demurairo inafote imueta daba demurai imufote uruama Godinu sina weboro yaini wasai ufitaitana iya da uyafoe watane. Yana eno ufoitana i wasai ufitaita uwarama ereda emana i eme da uifitaita inaro anibitaro nono Godima yana ma wirofisu iwata ufitaita.

Korose 1:10

Godinu neno ma yaru ufoitaba Danu ifu we ma derawere ufote emebai kobere kobererau torowa ueta ufote Godi iwata derawere ufoe iba Godibai eno waisi.

Korose 1:18

Dawana i ofenu kofiri. I ofena Danu naueta uwara, Danu dubu su. Dawa ko uietaroma uyariba Dawa i uietaroma uyafitate me ibifitaita naueta uwaranu Dera Waria Amara. Erawa nautawa ane ane derawere me, Dawana derawere, Dawana botai.

Korose 2:2

Nana Godibai guriguri uteda weta sinana eno, yanu yanu neno arama ue mataforo yanu neno nesia demurai ari ufiro buna ufisu. Yana Godinu imueta iwata uegou ufote Danu Yesu Keriso kiwuma imueta iwata ufoita. I kiwuma imueta Yesubai ibinu, eno watane.

1 Tesoronaika 3:12

Yanu Dera Waria Amarama ya Tesaronaika uwaranu neno ma kobererau ufiro uwara nesiaba neno arama ufoe watane. Naini nanu uwaraini ya neno arama utaisi, i ari neno arama ufoe watane.

1 Tesoronaika 4:10

Yana i Masadonia orofa Godinu naueta uwara nesia neno arama utaitaro ya iwata utaisi. Nono yanu ununa ya Tesaronaika uwara neno arama deiro deiro eno uegou utebeawe.

2 Tesaronaika 1:3

Naiyemutu, yaba we ma kobererau utebaisina ina kobererau. Godi imueta faiya faiyawere imutaitate ya neno arama faiya faiyawere ue matanaitaba iba Godibai yaba we ma kobererau utebaisi.

1 Fitanu 3:8

Nono ya nesia ewa dubu sina nauawe. Imueta daba demurai imuawe. Neno bobona sasae me ibeda yanu yanu imue matawete neno arama ue matawe.

2 Fitanu 3:18

Yanu Dera Waria Amaranu sina nauegou uawete Danu ueta sineta ari uawete yanu naueta ma buna uawe. Danu ifu awonaroma Danu fafisu kowaro we ma derawere uteibene watane. Nanu sina ido me sininu.