Korose 2:13 - Yareba

^13-14 Nono bodere ya uieta uwara ari ibebita. Yana ba me uteda yanu siosa neno ofe tureta ari turawa iba uieta ari ibebita. Nono Godima Yesu Keriso Dawaini yaini ma uyarite reka me ibeta mai. Dawa yanu ba me ueta nesia mune imutawa uite i tarawatunu yabai wawei weta owawa oeta obari uite mune aika odeda korosiro ure odi.

Korose 2:13 ပူးပေါင်းရင်းမြစ်များ

Rukanu 15:32

Anu abue uieta ari usinute feare ibebe farinuro ataneba iba yaru utaisi wei, Yesuma kasei sina eno wei.

Rukanu 9:60

Weina Yesuma wei, me, Nanu buribi anawa uwarama Nanu buribi anawa uieta uwara uri ufitae watane wei.

Joninu 5:21

Godima uieta uwara ma uyarasuro me ibaita enanari Danu Amarama ana anaba me ibeta matasu wei.

Joninu 6:63

Godinu Imumu Kotofuma me ibene ibene ibeta matasuro ba ofema me ibene ibene ibeta matawa utasu wei.

Romani 4:17

Godinu bukaroma Eibaramuba eno wasu, Nana i orofa atata faiyawere uwaranu damamana a ido ode wasu. Godima i we bou ueta sina weiba ina ba. Eibaramu i Godibai danu naueta odi. I Godima uieta uwara uietaroma ma uyarasute i boderewereroma ibawa ememetu wawaro odasuro faraita wasu.

Romani 6:13

Yanu ofe ubuma siosawere uotoba yanu ofe ubu ememetuini bunaini siosawere uetabai da odiawete Godibai odiawe. Yana uitate nono awona me ibinitaba yanu ofe ubu ememetuini bunaini Godibai odiawete yanu ofe ubuma kobererau torowa utebeawe.

Romani 8:11

Godima Yesu Keriso uietaroma ma uyari. Enanari nono Danu Imumu Kotofu yanu nenoro ibifisuna Godima Keriso uietaroma ma uyari enanari yanu ewa uietawere ofe ma uyafisu. Danu Imumu Kotofu yanu neno ubarero ibinuba iba ya ma uyafisu.

1 Korinita 15:45

Godinu bukaroma eno wasu, i botai amara Adamu, Dawana reka me ibeta matasu imumu.

2 Korinita 3:6

Godima ya Danu reka unuro ue mataneta sina weta uwara we mune odi. I reka unuro ue matanetana owawa oeta sina me. Ina Godinu Imumu Kotofunu unuro ueta. I bodere tarawatunu dabana uieta daba. I Imumu Kotofunu dabana me ibene ibene ibeta daba.

2 Korinita 5:19

I sinana edono, Godima Yesu Kerisoro ibeda Danu ibo ueta emebai turite ema Danu torowabai mune odite emanu ba me ueta mune imutawa uteda maiture sani. Danu ununa ya i ibo tureta sina webene iba ya mune odi.

Efesa 2:1

Bodere ya aika uwarama Godiba gifena uteda siosawere utebitaba uinono ari ue ibebita.

Efesa 2:11

Imue eawe! Yanu baya babana aika uwaraba yana aika uwara. I Ju uwarama eno weita, ya Ju uwarana ofe tureta uwara, ya aika uwarana ofe turawa uwara eno weita. Emanu ofe turetana emenu agema tureta. Yanu bodere ibeta imuawe. Bodere yana Yesu Kerisobai ibawa yanu aika ibebita. Yana Godinu muneta uwarabai ibawa yana aika eme ari ibebita. Godi Danu unuro ue mataneta Isaraero uwarabai we bou bou utebi. I we bou bou uetana yanu me. Yana Godi imutawa uteda me sara siosa ibebita.

Efesa 5:14

Enoba mui amarama i sina eno owawa ue odi, nauta ainibinu amara uya. I uieta uwarabairoma uyaro Yesu Kerisoma a ma ario ufi, eno owawa ue odi.

Korose 2:12

Eno utate babataito uteda Yesuini uitaro Godima Yesuini yaini i babataito uetaroma uietaroma ma uyanono ma uyari. Yana yanu naueta Godibai oitaba Godima Yesu uietaroma ma uyari enanari ya ma uyari.

1 Timotibai 5:6

Nono i wabu awetaboma emanu unu torowa ufitaitana emana uieta uwara ariba Godinu naueta uwarama ema da yawofitae watane.

1 Timotibai 6:13

Godima wasuba nesia me ibinu. Dawa a durua ufisu. Yesu Kerisoma Fonitia Faeratibai inaibeda iyarawa Dana ba sina wei. Dawa a durua ufisu. Nana Godini Yesu Kerisonu iboro inaibeda Godinu iba sina awonaroma Yesu Kerisonu fafisu kowaro uegou ufaro uwarama efitate aba siosawere da webitae watane.

Iburu 6:1

Enoba Yesu Keriso botai ubi we mawetu ueta sina torowa woroworo da webete Danu mui bunawere sina naufene watane.

Iburu 9:14

Ewana barogo nono Yesu Kerisonu ononoma i serigari derawere utasu. Godinu me ibene ibene ibeta Imumu Kotofuma Dawabai ibebiro Yesuma Danu torowa umaurau fuyo oeta ari Godibai odi. Danu ononoma yanu uietawere imueta urotasute ya i me ibene ibene ibeta Godinu gaukara ufene neno ma nabi ue odasu.

Jeimisinu 2:20

Ya beforo me uwara! Ya Godi imuteda kobererau utawa utaitana ina arotorowa me. Ina yabai ma iwata umau.

Jeimisinu 2:26

Mui amaranu imumu fearasuna dawa uitasu. Enanari Godi imutaisite kobererau utawa utaisina yanu nauetana uieta ari.

1 Joninu 2:12

Nanu aruma amara, Godima Yesuba yanu neno neno ueta mune imutawa uiba iba owawa ue odatane.