Korose 2:12 - Yareba

¹² Eno utate babataito uteda Yesuini uitaro Godima Yesuini yaini i babataito uetaroma uietaroma ma uyanono ma uyari. Yana yanu naueta Godibai oitaba Godima Yesu uietaroma ma uyari enanari ya ma uyari.

Korose 2:12 ပူးပေါင်းရင်းမြစ်များ

Rukanu 17:5

I afosoro uwarama Yesuba weita, Dera Amara yanu naueta ma derawere ua weita.

Afosoro 14:27

Fare weisiro i Godinu sina naueta uwara nesia fata. Fataro weisi, Godima i aika uwaranu neno ma ifegari uiba i aika uwarama emanu naueta Godibai odaita weisite Godinu ueta nesia emaba weisi.

Afosoro 2:24

Uiro Godima ma uyariba Dawa nono da uifite me ibene ibene ibeibiro uietama Dawa da mubisu wei.

Afosoro 2:32

Fitama weite wei, Godima Yesu uietaroma ma uyariro ya nesia esi.

Romani 7:4

Naiyemutu, nanu sina edono, yana i korosiro ui Kerisonu ofe ememetu ari sitaba uitebaita i ari utate i tarawatu ekoita. Ekoitaba yana mui amarabai taka ufoe iba uitate ekoita. Nana i uietaroma ma uyari Yesu Kerisoba watane. Enoba Godibai kobererau ufoita.

1 Korinita 12:13

Godinu Imumu Kotofu Danu aikana ya uwara nesia mune ofe demurai ari ue odasu. Ya Ju uwaraini Guriki uwaraini aika uwaraini sabua ueta uwaraini me inaraita uwaraini Godinu Imumu Kotofuma ya nesia babataito uteda Yesu Kerisonu ofero odiro ofe demurai sisiro Dana yabai ibegou utasu.

1 Korinita 15:20

Nono ina eno me. Godima Yesu Keriso uietaroma daido ma uyari. Dawa ko uietaroma ma uyariba i Godi nautebe uitebita uwarama daido ba uyafitaita.

Gareisia 3:27

Ana anama Yesunu ifuro babataito utate Yesu ari sita.

Efesa 2:8

Godi Danu torowa ya durua uteda me ma wirotasuro yanu naueta Godibai odaita. Ya yanu torowa ma wirotawa yanu wiroetana Godinu me maeta.

Efesa 3:17

Nanu ununa ya yanu naueta Yesubai ibifisuba Yesuma yanu nenoro ibifiro eme nesiaba neno arama uegou uteda ini sanegou ufoe iba guriguri utatane. Yaini Godinu naueta uwaraini ya nesia Yesu Kerisonu neno arama ueta derawere iwata ufoe iba guriguri utatane. Danu neno arama uetana ewa ari, i kowa amuetaroma ane kowa itaretaroma etei afuroma ewa afuroma i uwara nesia Danu neno arama uetana ewa ari derawere emabai ibinu.

Efesa 3:7

Godima na durua uteda Danu kobere sina wemane iba Danu bunaroma na we mune odiro Danu kobere sinanu gaukara amara sire.

Efesa 4:5

Yanu Dera Waria Amara Dana demurai. Yanu nauetana aika maika me, ina demurai. I babataito uetana demurai. Godi Dana demurai, Dana ya uwara nesia yanu Baba. Dana nesia yawotasute yanu neno ubarero ibeda yaro gaukara uegou utasu.

Efesa 5:14

Enoba mui amarama i sina eno owawa ue odi, nauta ainibinu amara uya. I uieta uwarabairoma uyaro Yesu Kerisoma a ma ario ufi, eno owawa ue odi.

Firifai 1:29

Godinu imuetana eno, Godima Danu unu uiba ya uwarama Yesu Keriso imutaitate Danu gaukara utaitaro nono Yesu Kerisonu ifuba awe uyareta yabai farasu Godima eno imutasu.

Korose 1:29

Ewana nanu gaukara. Yesu Kerisoma Danu buna naba matasuba i gaukara uegou utatane.

Korose 2:13

Nono bodere ya uieta uwara ari ibebita. Yana ba me uteda yanu siosa neno ofe tureta ari turawa iba uieta ari ibebita. Nono Godima Yesu Keriso Dawaini yaini ma uyarite reka me ibeta mai. Dawa yanu ba me ueta nesia mune imutawa uite i tarawatunu yabai wawei weta owawa oeta obari uite mune aika odeda korosiro ure odi.

Iburu 12:2

Yanu nauetana Yesubairoma farasu Dana yanu nauetanu sirorarini dubu amaraba ya yanu ditima Dawabai eregou ufene watane. Dana i Godibai yaru ueta imuteda Danu korosiba iyarawa uite uwarama Dawaba siosawere ueta imutawa uite nono awonana Dana Godinu yaubetanu banibira age afu yaubinu.

Iburu 6:2

I botai ubi sina nesina eno, siosawere ueta sinetaini yanu naueta Godibai oetaini babataito uetaini kofiri deiro agema oetaini uietaroma eme ma uyaretaini Godinu me ibene ibene fanisi maetaini i sina nesia woroworo da webete Godinu mui buna we mawetu ueta sina nauteda iwata ufene iba watane. Godi Dana unu eno ufisuna eno ufete Yesu Keriso da ekodifeisi.

1 Fitanu 3:21

I sina imue eawe! I bodere uetama i babataito uetanu ubi ma boroyari. I babataito uetana yanu wiroetanu daba. Ima yanu ofe urotawa utasu. Yana babataito uteda Yesu Keriso Dawa uietaroma uyari imutate imueta iga me kobererau imutaitate wirotaita.