Korose 1:7 - Yareba

⁷ Efafarasima yaba Godinu sina weiro nauta. Dawaini Yesu Kerisonu sabua ueta amara. Dawa yabai nanu kabesi munite Godinu sina weiro nauta.

Korose 1:7 ပူးပေါင်းရင်းမြစ်များ

Matiunu 18:29

Weiro i mui gaukara amarama jegirari uteda nui wei, yawoaro nesia moko mama wei.

Matiunu 24:45

Mui dera amara danu mui gaukara amara danu suini waiyaini ibaiabai nesia yawofie odiro i amarama i su uwara emanu ieta ido matebi. Eno utebina kobererau utebi aba me?

Matiunu 25:21

Weiro danu dera amarama wei, ana rorowarauini kobere gaukara ueta amara. Ana kikiratu kobererau yawosinuba odimaro derawere yawofasu. Nabai are ibeda yaru ua wei.

1 Korinita 4:17

Eno wataneba ewa amara Timotina, dawa nanu amara ubi ari, dawa Yesu Keriso imuegou utasu. Nana dawa siaia uero yabai ari. Nanu ununa dawa nanu Godinu aboro aboro guruguru utaita naueta uwarabai webatane sinaini nanu ueta sinetaini nesia yaba webie iba siaia uero ari.

1 Korinita 4:2

I kobere gaukara uwarama emanu dera uwaranu sina nautaita.

1 Korinita 7:25

Ido, yanu mui wenaueretaba moko wemaro nauawe. I aweta awera munawa me ibaita uwaraba watane. Ina yanu Dera Waria Amara Yesunu imuetana me. Nana nanu torowa me watane. Yanu Dera Waria Amarama na durua utasuba nanu sinana ba. Iba wemaro nauawe.

2 Korinita 11:23

Emana Yesu Kerisonu gaukara uwara? Naini! Emana kobererau me, nana Yesu Kerisonu kobere gaukara amara. Nanu gogore sina ari nautaita? Ema gaukara kikiratu utaitaro na gaukara derawere utatane. Na diburaro faiyawere ode, uwarama na faiyawere ure, na ma uifitae ue, enoma enoma utebita. Amara sadeinu buri age ari (39) na eno urebe urebe mui amaranu agusi arina urawa koita. Enabira age fai (5) ari eno uta. Na domuma rarogonu ure, gebiroma na sane ure, enoma enoma naba utebitaro dera bouti rarogonu furiariro boutiroma enea abanaro rarogonu itare. Nana mui dumuini kowaini enea abanaro ibebitara.

Efesa 5:21

Yana Yesu Keriso imuegou utaitaba yanu ifu we ma derawere da uawete yanu yanu sina naue mataneda ibegou uawe.

Firifai 2:25

Nono awona nana eno imutatane, yana Efafadaitusi siaia utaro fo weta amara nabai fare ibeda na durua utebe naini gaukara utasu. Dawaini naini wana Yesu Kerisonu meremere amara sadei ari. Nana dawa ma owemate siaia umaro yabai anibisu, eno we imutatane.

Korose 4:12

Yanu mui su amara Efafarasi dawa yaba ario sina wasu. Dawana Yesu Kerisonu mui sabua ueta amara. Dana Godibai guriguri utedana eno wasu, nanu su uwara durua uaro Anu imueta imuegou ufitate Anu dabaro anegou ufitate naueta derawere ufita eno wegou utasu.

Korose 4:7

Tisikasi dawa yabai fafite nanu ueta sineta webisu. Tisikasi dawana kobere naueta amara. Dawa Yesu Kerisonu gaukara uegou utasu. Dawaini wana Yesu Kerisonu sabua ueta amara sadei.

Korose 4:9

Ya Korose su uwaranu mui su amara Onesimasi, dawana Godi imuegou ueta kobere amarawere, dawaini uruama anaitaba iro fafitate ewado ane ane utebi ueta yaba webitaita.

1 Timotibai 4:6

Timoti, a i sina Godinu naueta uwarabai webasuna ana Yesu Kerisonu kobere sina weta amara sibaro Godinu ba sinaini Danu we mawetu uetaini ieta ari ifasuba buna uteda kobererau ufasu.

2 Timotibai 2:2

Nanu abai we mawetu utebitararo uwara faiyawere nautebita sina webaro naufitate moana uwaraba webitaro naufitae watane.

Fairimonibai 1:23

Efafarasi dawaini Yesu Kerisoba uruama diburaro ibinisi. Dawa aba ario sina wasu. Makaini Aritikasini Dimasini Rukaini i uwaraini naini uruama gaukara utaisi. I uwaraini aba ario sina waita.

Iburu 2:17

I sinanu ubina eno, ya uwaraba Dana Godinu gaukara uegou uteda Godinu kobere durua ueta fuyo ode sina weta Amara sibite uwaranu siosawere ueta mubite imutawa ufie iba Danu dabureta ari sini.

Iburu 3:2

Godi Danu ununa Yesu i gaukara ufie Dawaba i gaukara mairo Godiba gifena utawa kobererau utebi. Enanari Mosesi dana Godinu uwarabai ibeda Godiba gifena utawa uteda Danu gaukara uegou utebi.